Lajme

LSDM: Edhe sa të shtëna dhe vrasje duhet të ndodhin që Toshkovski të japë dorëheqjen?

Sikur në Perëndim të egër, mbrëmë ka ndodhur një tjetër të shtëna në Çair. Me ardhjen në pushtet të VMRO-DPMNE-së dhe Mickoskit, situata me sigurinë e rrugëve është përkeqësuar në mënyrë alarmante dhe katastrofike, kalkulimet kriminale janë në rritje, thonë nga LSDM.

“Incidentet e përditshme të përgjakshme dhe të shtënat konfirmojnë përkeqësimin serioz të sigurisë në rrugë dhe tregojnë paaftësinë e plotë të Toshkovskit dhe MPB-së.

Edhe sa jetë njerëzore duhet të kërcënohen përpara se Toshkovski të marrë përgjegjësinë për kaosin në rrugë dhe të japë dorëheqjen? Mbi 20 incidente të armatosura kanë ndodhur në 100 ditët e fundit të qeverisjes së VMRO-DPMNE-së.

Ky është i treti të shtëna në vetëm një muaj, javën e kaluar mbeti i plagosur një 19-vjeçar, më parë pati edhe të shtëna që plagosën djem 19-vjeçarë. Krahas Çairit, të shtëna ka pasur edhe në Haraçinë, Batincë, Hasanbeg, rrugën e Plastikave, Tetovë, ka ndodhur një vrasje afër Mavrovkës dhe dhjetëra vrasje të tjera.

Qytetarët kanë frikë për sigurinë e tyre, ndërsa Toshkovski dhe VMRO-DPMNE nuk kanë kapacitet për t’i mbrojtur ata. Ministër i Brendshëm më i paaftë nuk ka pasur asnjëherë”, akuzojnë nga LSDM.

Lajme

Gjinekologu Muhamed Asani shkon në burg, pasi i njëjti i hoqi pacientes mitren, veshkën dhe vezoren, pa arsye!

Gjinekologu Muhamed Asani para dy javësh është dënuar përfundimisht me tre vite burg, pasi gjatë një ndërhyrjeje me prerje cezariane i ka hequr mitrën, vezoren dhe veshkën pacientes Jaldz Veaposka nga Dibra. Siç raporton “Sloboden Peçat”, Gjykata e Apelit në Manastir e ka refuzuar ankesën e tij dhe e ka vërtetuar dënimin me burg për vepra të rënda kundër shëndetit të njerëzve.

Gjithashtu, Gjykata e Apelit ka konfirmuar edhe sanksionin shtesë për gjinekologun Asani – ndalim për ushtrimin e profesionit, veprimtarisë apo detyrës si mjek për pesë vite.

Gjinekologu Muhamed Asani është dënuar sepse gjatë një ndërhyrjeje (lindje me operacion – cezariane) tek pacientja nga Dibra, Jaldz Veaposka, janë bërë ndërhyrje të rënda dhe të pajustifikuara mjekësore.

Çka konkretisht ka ndodhur sipas raportimeve:

* Gjatë operacionit, pacientës i janë hequr mitra, një vezore dhe një veshkë.
* Ekspertizat mjeko-ligjore kanë konstatuar se ndërhyrjet nuk kanë qenë të arsyetuara plotësisht mjekësisht dhe kanë shkaktuar pasoja të rënda për shëndetin e saj.
* Rasti është cilësuar si “vepër e rëndë kundër shëndetit të njerëzve”, sepse dëmtimi ka qenë i madh dhe i pakthyeshëm.
* Gjykatat kanë vlerësuar se ka pasur lëshime serioze profesionale (neglizhencë / gabim mjekësor) gjatë trajtimit./PaCensurë

Lajme

19 vjeçari humb jetën në aksident trafiku në Maqedoninë e Veriut

Një aksident i rëndë trafiku ka ndodhur këtë mëngjes në Prilep, njoftoi Ministria e Punëve të Brendshme.

“Këtë mëngjes në orën 06:23 në Njësinë e Punëve të Brendshme të Prilepit, është raportuar se në rrugën “Lece Kotevski” në Prilep, ka ndodhur një aksident trafiku midis një autobusi me targa të Prilepit, të drejtuar nga G.K. (62) nga Prilepi dhe një motoçiklete “Honda” pa targa, të drejtuar nga V.B. (19) nga fshati Konjarë e Madhe, Prilep.

Pas aksidentit, V.B. është transferuar në Spitalin e Qytetit – Prilep, ku një mjek e ka shpallur të vdekur. Hetimet janë kryer nga ekipi hetimor i Njësisë së Punëve të Brendshme të Prilepit”, thuhet në një njoftim të Ministrisë së Punëve të Brendshme.

Lajme

“Maqedonët kanë probleme mes vete”, Hasani: Duan të na e lënë kopilin te dera!

I ftuar në emisionin debativ Click Plus, në Tv21, deputeti i BDI-së. Ilir Hsani aadresoi kritika ndaj palës maqdonase për çështjen e shtetësisë. Ai tha mes tjerash se shumë njerëz kanë shtetësi të dyfishtë, të të gjitha nacionaliteteve në të gjitha pjesët e Maqedonisë që kufizohen me vendet fqinje.

Sipas Hsanit partitë maqedone kanë probleme mes vete dhe siç u shpreh ai, duan të na e lënë kopilin te dera.

Të diskriminohen tanë ky numër i qytetarëve që duan të kontribuojnë për të mirën e këtij vendi është e paparë. Maqedonët mes vete kanë hy në konflikt neve kopilin te dera duan me na e lënë, po nuk shkon ashtu”, shpreh Ilir Hasani.