Lajme

Nikollovski paralajmëron uljen e numrit të të punësuarve në Postën e Maqedonisë, nga 1900 në 1400 të punësuar

Do të luftojmë ta ruajmë Postën e Maqedonisë dhe nuk do të lejojmë që interesat private ta shkatërrojnë postën shtetërore, theksoi zëvendëskryeministri Nikolloski në podkastin “Muhabete Biznesi”.

“Posta duhet të mbijetojë. Atë e kam betejë të madhe edhe pse shumë persona nuk duan. Posta ka rreth 1900 të punësuar, planifikojmë ta racionalizojmë në 1400 të punësuar me një plan që po e punojmë, por duhet të mbijetojë sepse ka interesa të mëdha private të cilat duan që Posta të dështojë. Ato janë postat private. Por nuk do të lejojmë”, deklaroi Nikolloski.

Ai javën e kaluar paralajmëroi se pret ndryshime edhe në Agjencinë e Postave që të kontrollohet se si u janë dhënë licenca postave private, siç tha, kanë punuar në shkatërrimin e Postës Kombëtare.

“Pasi e zgjodhëm problemin me pagat tani shkojmë me stabilizim, aty ka pasur vendime mjaft të këqija të cilat po i ndryshojmë. Paralelisht pres këto ditë ndryshime edhe në Agjencinë e Postave të kontrollojmë se si u janë dhënë licenca të caktuara postave private të cilat punojnë prej poshtë me qëllim që ta shkatërrojnë Postën e Maqedonisë dhe jam i bindur se tashmë vitin e ardhshëm cilësia do të shkojë shumë lartë dhe për herë të parë pas shumë viteve Postat e Maqedonisë do të kenë fitim. Lidhur me objektin qendror kemi marrëveshje me Delegacionin e BE-së në Shkup dhe Ministrinë e Kulturës dhe do të bëhet qendër shumë e bukur multi mediale gjatë dy deri tre vjetëve”, paralajmëroi Nikolloski, duke e komentuar pohimin të cilin e tha para pak kohësh se udhëheqësia paraprake ka planifikuar ta bëjë kabare objektin qendror të Postës.

Lajme

Demaj: Shumë shpejt pritet koalicion mes LVV-së dhe LDK-së

Duke komentuar zhvillimet në Kuvendin e LDK-së, analisti Emanuel Demaj në emisionin “Click” në RTV21 tha se rikonfirmimi i Lumir Abdixhikut si kryetar i LDK-së i shmang edhe zgjedhjet nacionale.

“Shumë shpejt pritet një koalicion mes Lëvizjes Vetëvendosje dhe Lidhjes Demokratike të Kosovës”, tha ai, duke shtuar se ky koalicion është i mjaftueshëm për zgjedhjen e të gjitha institucioneve.

Lajme

Lumir Abdixhiku i ka mbijetuar shkarkimit nga kryetari i LDK-së

Lumir Abdixhiku është rikonfirmuar si kryetar i Lidhjes Demokratike të Kosovës. Kryetari i katërt në historinë e partisë më të vjetër në Kosovë, i mbijetoi të enjten nismës për shkarkimin e tij.

Në Kuvendin e sotëm morën pjesë rreth 330 delegatë. Aktualisht nuk dihet numri i votave pro dhe kundër Abdixhikut.

Ky Kuvend u ftua pas zgjedhjeve të 7 qershorit. LDK-ja sërish doli e treta. Në inicim nga delegatët u theksua se Abdixhiku ka dështuar si kryetar. E Abdixhiku i akuzoi për sabotazh ata që nisën iniciativën për shkarkimin e tij.

Lajme

Rama kërkon hapje të partisë dhe tregon pse “nuk do e lëshojë timonin”

Kryeministri dhe njëherësh kryetari i PS, Edi Rama, gjatë mbledhjes me drejtuesit politikë socialistë dhe kryetarët e komisioneve parlamentare, theksoi se do t’i jepet jetë një raporti të ri mes qytetarit dhe qeverinë.

Po ashtu kreu i qeverisë foli për hapje të partisë dhe afrimin e njerëzve të rinj, jo vetëm në moshë por edhe në mendësi.

“Të qëndrosh gjatë në pushtet s’mund të nënkuptojë t’u zësh rrugën të rinjve dhe forcave të reja, por t’u hapësh rrugën të rinjve s’do të thotë t’ua dorëzosh Shqipërinë atyre që e shpallin veten forca të reja, vetëm sepse s’kanë qenë ende në pushtet. Do të thotë të hapësh partinë, të hapësh vendimmarrjen, të hapësh procesin qeverisës për njerëz të rinj, jo thjesht në moshë por në mendësi, të krijosh hapësirë për ide të reja, të prodhosh drejtues jo vetëm ndjekës”, tha Rama.