Connect with us

Lajme

MPB shpall konkurs për punësimin e 600 policëve

konkurs për punësimin e 600 policëve.
JA DHE SHPALLJA PUBLIKE”
I. Për lidhjen e marrëdhënies së punës për 600 kandidatë në vendin e punës ,,Polic’’ për punë në Ministrinë e Punëve të Brendshme, edhe atë:
1. në Sektorin e Punëve të Brendshme Shkup ——————————– 300 kandidatë
2. në Sektorin e Punëve të Brendshme Ohër ——————————— 30 kandidatë
3. në Sektorin e Punëve të Brendshme Kumanovë ————————— 15 kandidatë
4. në Sektorin e Punëve të Brendshme Shtip ———————————- 35 kandidatë
5. në Sektorin e Punëve të Brendshme Tetovë ——————————- 20 kandidatë
6. në Sektorin e Punëve të Brendshme Manastir —————————- 15 kandidatë
7. në Sektorin e Punëve të Brendshme Veles ——————————– 15 kandidatë
8. në Sektorin e Punëve të Brendshme Strumicë —————————– 40 kandidatë
9. në Qendrën Rajonale për Çështje Kufitare Veri ——————— 25 kandidatë
10. në Qendrën Rajonale për Çështje Kufitare Perëndim —————– 20 kandidatë
11. në Qendrën Rajonale për Çështje Kufitare Lindje———————- 20 kandidatë
12. në Qendrën Rajonale për Çështje Kufitare Jug ————————- 15 kandidatë
13.në Departamentin për Operacione Speciale Policore_ _ _ _ _ _ _ _ _ 50 kandidatë

1. Kandidatët duhet t’i përmbushin kushtet e përgjithshme si në vijim:
– të jetë shtetas i Republikës së Maqedonisë së Veriut;
– të jetë i moshës madhore, por të mos i ketë të mbushura 25 vjet nëse për herë të parë lidhë marrëdhënie pune në vendin e punës në Ministrinë e Punëve të Brendshme për të cilën është i paraparë arsimi i mesëm;
– në mënyrë aktive të përdorë gjuhën maqedonase dhe alfabetin e saj cirilik;
– me kontrollimet e sigurisë të vërtetohet se nuk ka rrezik të sigurisë për punësim të kandidatit;
– të ketë të përfunduara së paku katër vjet të arsimit të mesëm;
– të ketë aftësi shëndetësore dhe psikofizike;
– me aktgjykim të prerë të mos i jetë i shqiptuar dënim për ndalim të ushtrimit të profesionit, veprimtarisë ose detyrës;
– të mos jetë anëtar i një partie politike ose anëtar i organeve dhe trupave të një partie politike dhe
– të ketë të dhënë testin e integritetit.
2. Kandidatët duhet t’i përmbushin kushtet e veçanta si në vijim:
– gjatësia e nevojshme trupore të paktën 175 cm (meshkuj), gjegjësisht 165 cm (femra)
– përgatitje të lartë individuale.
3. Kandidatët e interesuar duhet të dorëzojnë dëshmi për plotësimin e kushteve të nevojshme për vendin e punës, në origjinal ose kopje të vërtetuar nga noteri, përkatësisht:
– certifikatë nga Libri amë i të lindurve,
– diplomë për mbarimin e arsimit të mesëm katërvjeçar dhe
– dy fotografi, me dimensione 3,5 cm х 4,5 cm.
Me kërkesën, kandidati është i obliguar të dorëzojë deklaratë të nënshkruar nga vetë ai me të cilën konfirmon se nuk është anëtar i partisë politike ose anëtar i organeve dhe trupave të partisë politike.
Kërkesën me dokumentacionin e nevojshëm, kandidati është i obliguar ta parashtrojë PERSONALISHT në njërën nga vendet e përcaktuara për paraqitje, edhe atë:
– Sektori i Punëve të Brendshme Shkup:
– Stacioni Policor me Kompetenca të Përgjithshme Gazi Babë,
– Stacioni Policor me Kompetenca të Përgjithshme Bit Pazar dhe
– Stacioni Policor me Kompetenca të Përgjithshme Karposh.
– Sektori i Punëve të Brendshme Manastir;
– Sektori i Punëve të Brendshme Veles;
– Sektori i Punëve të Brendshme Kumanovë;
– Sektori i Punëve të Brendshme Tetovë;
– Sektori i Punëve të Brendshme Ohër;
– Sektori i Punëve të Brendshme Strumicë,
– Sektori i Punëve të Brendshme Shtip.
Gjatë parashtrimit të kërkesës kandidati e potencon numrin e njësisë organizative për vendin e punës për të cilin paraqitet në pajtim me pikën “I” të kësaj shpalljeje.
Kandidati është i obliguar gjatë parashtrimit të dokumenteve të nevojshme, me vete të ketë letërnjoftimin ose pasaportën për identifikim.
Dokumentacionin e nevojshëm nga pika 3, kandidatët e dorëzojnë çdo ditë pune në afatain e caktuar, gjatë orarit të punës (nga ora 08:00-16:00).
4. Gjatë parashtrimit të kërkesës, kandidati nënshkruan deklaratë se në mënyrë vullnetare paraqitet në seleksionimin për tu zgjedhur kandidat për polic dhe pamundësi për të kërkuar dëmshpërblim nga Ministria në rast të lëndimit gjatë kohës të zbatimit të selektimit.
5. Procedura e selektimit të kandidatëve zbatohet nga ana e Komisionit për zgjedhje të kandidatëve për polic i formuar nga ana e ministrit i cili e përcakton sekuencën e fazave të selektimit. Selektimi zbatohet në këto faza:
-Selektimi administrativ i parashtrimit të dokumentacionit (përcaktimi i parashtrimit të dokumentacionit të dorëzuar në kohë të duhur dhe i kompletuar, si dhe përmbushja e kushteve të përcaktuara);
-Testim i aftësive motorike – aftësitë motorike të personave të regjistruar përcaktohen duke kryer këto ushtrime:
a),,Pompa”, vlerësohet numri i pompave të kryera saktë në një interval prej 10 sekondash. Numri minimal i pompave për meshkuj është 9, ndërsa për femra është 6.
b),,Ngritje e trungut nga pozita”, vlerësohet numri i ngritjeve të trungut nga pozita të kryera në mënyrë korrekte në një interval prej 30 sekondash. Numri minimal i ngritjeve të trungut nga pozita për meshkuj është 16 ndërsa për femra është 12.
c) “Kërcim në largësi nga vendi”matet gjatësia e kërcimit nga vendi i kërcimit deri në vendin e uljes me thembrat e këmbëve.Gjatësia minimale e kërcimit ështe 220 centimetra për meshkuj dhe 160 centimetra për femra. Kërcimi në largësi nga vendi kryhet në dy tentime dhe në pasqyrën tabelare shënohet rezultati më i mirë
ç) “Sprint në 20 metra” matet koha nga fillimi deri në fundin e vendosur në 20 metra. Koha minimale për meshkujt është 3,35 sekonda, ndërsa për femrat është 3,50 sekonda.
d) “Sprint në 100 metra” matet koha nga fillimi deri në fundin e vendosur në 100 metra. Koha minimale për meshkujt është 15 sekonda, ndërsa për femrat është 18 sekonda.
dh)“Vrapim në 1500 metra për meshkuj” matet koha nga fillimi deri në fundin e vendosur në 1500 metra. Koha minimale është 5 minuta e 25 sekonda.
e) “Vrapim në 800 metra për femra” matet koha nga fillimi deri në fundin e vendosur në 800 metra. Koha minimale është 3 minuta.
ë) Testime tjera fizike të përcaktuara nga ana e Komisionit.
Rezultatet nga testi i aftësive motorike përfaqësojnë shumën e pikëve të marra nga të gjitha ushtrimet individuale.
Nëse personi i regjistruar nuk plotëson minimumin e përcaktuar vetëm në një nga ushtrimet individuale, ai do të konsiderohet se ka kaluar fazën e testit të aftësive motorike nëse shuma kumulative e pikëve të marra nga ushtrimet e tjera individuale është të paktën 21.
-Testim psikologjik (test për integritet dhe test psikologjik)
-Testim me shkrim (test i përgjithshëm arsimor),
-Intervistë (bisedë individuale me personin e paraqitur),
– Kontrollim të sigurisë dhe
-Kontrollime shëndetësore (kontrollime të aftësive psikofizike të kandidatëve).
6. Për kandidatët e paraqitur kryhet kontrollim i sigurisë në bazë të pajtimit të tyre paraprak. Nëse personi e refuzon kontrollimin e sigurisë, konsiderohet se nuk i plotëson kushtet për lidhjen e marrëdhënies së punës në Ministri.
7. Kontrollimet shëndetësore në procedurën e selektimit për kontrollimin e aftësive psikofizike të kandidatëve përcaktohen nga ana e Komisionit shëndetësor i formuar nga ana e ministrit të Punëve të Brendshme.
8. Gjatë zbatimit të selektimit të kandidatëve të paraqitur u mundësohen kushte të njëjta për t’i demonstruar aftësitë e tyre, pa marrë parasysh gjininë, racën, ngjyrën e lëkurës, përkatësinë nacionale dhe sociale, bindjen fetare, pozitën materiale dhe shoqërore.
9. Pas zbatimit të procedurës të selektimit, kandidatët e zgjedhur për polic lidhin marrëveshje për trajnimin bazë për polic në afat prej 1 (një) viti, i cili do të realizohet në Qendrën për Trajnim të Ministrisë së Punëve të Brendshme dhe në të njëjtin do të shkojnë 10% numër më i madh i kandidatëve për policë nga numri i vendeve të lira për të cilin është publikuar kjo shpallje publike, përkatësisht në Qendrën për Trajnim gjithsej do të jenë 660 kandidatë.
10. Pas përfundimit të trajnimit bazë, Ministria e Punëve të Brendshme dhe kandidati për polic, i cili e ka përfunduar trajnimin bazë për polic dhe i cili në bazë të rezultateve të arritura në mënyrë përkatëse është futur në rang listën lidh Marrëveshje për punësim në Ministri, me të cilën kandidati për polic fiton statusin “polic-praktikant”.
Me marrëveshjen për punësim rregullohen të drejtat dhe obligimet e ndërsjella dhe përcaktohet se polici është i detyruar të mbetet në punë në Ministri së paku pesë vjet duke u llogaritur nga data e lidhjes së marrëveshjes për punësim. Në të kundërtën, i njëjti është i obliguar t’i kompensojë shpenzimet e bëra për trajnimin e tij duke i rritur për tre herë.
11. Afati për dorëzimin e paraqitjeve është 15 (pesëmbëdhjetë) ditë, duke e llogaritur ditën e ardhshme pas publikimit të shpalljes publike (duke mos e llogaritur ditën e shpalljes)
12. Dokumentacioni i pakompletuar dhe i dërguar me vonesë nuk do të merret parasysh.

Click to comment

Leave a Reply

Your email address will not be published. Required fields are marked *

Lajme

Në ditën e parë u shitën mbi 24.5 milionë kopje të GTA 6, 2.36 miliardë dollarë të ardhura

Pas 13 vitesh pritje, videoloja e shumëpritur Grand Theft Auto 6 (GTA 6) ka debutuar me një sukses të jashtëzakonshëm tregtar. E publikuar më 19 nëntor, loja ka arritur të kthehet brenda pak orësh në një nga lançimet më të mëdha në historinë e industrisë së argëtimit.

Sipas vlerësimeve paraprake të kompanisë analitike Sensor Tower, shitjet e GTA 6, duke përfshirë edhe porositë paraprake, kanë kaluar 24.5 milionë kopje. Të ardhurat vlerësohen në rreth 2.36 miliardë dollarë.

Nëse këto shifra konfirmohen, GTA 6 do të regjistrojë një nga debutimet më të mëdha tregtare të të gjitha kohërave. Kompania mëmë Take-Two Interactive dhe zhvilluesi Rockstar Games nuk kanë publikuar ende shifra zyrtare të shitjeve, por e kanë përshkruar kërkesën për lojën si të paprecedentë.

Sipas agjencisë Reuters, vlerësimet e Sensor Tower tregojnë se GTA 6 ka shitur pothuajse trefishin e kopjeve që kishte shitur paraardhësi i tij, GTA 5, gjatë 24 orëve të para të publikimit në vitin 2013.

Të ardhura sa një superprodhim hollivudian

Përmasat e suksesit bëhen edhe më të dukshme kur krahasohen me industrinë e filmit. Sipas të dhënave të cituara në raport, filmi Spider-Man: Brand New Day ka grumbulluar rreth 2.5 miliardë dollarë nga shitja e biletave në kinematë botërore.

GTA 6 ka arritur t’i afrohet kësaj shifre që në ditën e parë të publikimit, duke përfshirë edhe porositë paraprake.

Ndërkohë, kompania kërkimore e tregut Niko Partners parashikon se të ardhurat nga loja mund të kalojnë 3 miliardë dollarë deri në fund të vitit 2026.

Miliona lojtarë në pritje, rekord edhe në trafikun e internetit

Publikimi i GTA 6 ka shkaktuar një mobilizim të jashtëzakonshëm të lojtarëve në mbarë botën. Shumë prej tyre kanë qëndruar zgjuar gjatë natës për të nisur menjëherë aventurën e re, ndërsa të tjerë kanë planifikuar të marrin pushim nga puna për t’i kushtuar më shumë kohë lojës.

Interesi masiv është reflektuar edhe në trafikun e internetit. Në Britaninë e Madhe, operatori Virgin Media O2 ka regjistruar nivele rekord të transferimit të të dhënave, për shkak të shkarkimeve dhe instalimeve paraprake të lojës.

GTA 6 zë rreth 212 GB hapësirë, çka kërkon një sasi të konsiderueshme të dhënash për shkarkim dhe instalim.

Një nga videolojërat më të shtrenjta në histori

Pas këtij projekti qëndron një investim gjigant. Kostoja e zhvillimit të GTA 6 vlerësohet të ketë kaluar 1 miliard dollarë, shifër që, nëse konfirmohet, do ta rendiste atë ndër videolojërat më të shtrenjta të prodhuara ndonjëherë.

Rockstar Games ka punuar për më shumë se një dekadë për të sjellë pasardhësin e GTA 5, i cili u publikua në vitin 2013 dhe u shndërrua në një prej lojërave më të suksesshme komerciale të të gjitha kohërave.

Ngjarjet e lojës zhvillohen në Leonida, një shtet imagjinar i frymëzuar nga Florida, ndërsa qendra kryesore e historisë është Vice City, e ndërtuar mbi modelin e Majamit.

Protagonistët janë Lucia dhe partneri i saj Jason, dy personazhe të përfshirë në botën e krimit, grabitjeve dhe ndjekjeve të rrezikshme. Loja ndërthur aksionin me satirën sociale, duke trajtuar kulturën amerikane dhe anën e errët të ëndrrës amerikane.

Rockstar ka ende dy burime të mëdha të ardhurash

Pavarësisht suksesit të jashtëzakonshëm të ditëve të para, potenciali tregtar i GTA 6 mund të rritet edhe më tej.

Për momentin, loja është e disponueshme për PlayStation 5 dhe Xbox Series X|S. Ende nuk është njoftuar një datë zyrtare për versionin e kompjuterëve, ndërsa pritet edhe prezantimi i modalitetit online, ku lojtarët do të mund të ndërveprojnë dhe të zhvillojnë misione së bashku përmes internetit.

Përvoja e GTA 5 tregon rëndësinë që mund të ketë kjo pjesë e lojës. GTA Online u shndërrua në një burim të rëndësishëm të ardhurash për kompaninë, përmes blerjeve virtuale, automjeteve luksoze, pronave dhe përmbajtjeve të tjera shtesë.

Kufizime në disa tregje

Përmbajtja e lojës, e cila përfshin skena të dhunshme dhe materiale të destinuara për të rritur, ka sjellë edhe kufizime në disa tregje ndërkombëtare.

Në Japoni janë raportuar ndërhyrje për përshtatjen e përmbajtjes me rregullat vendase, ndërsa në Kinën kontinentale loja nuk ka marrë miratimin për shitje zyrtare.

Megjithatë, këto kufizime nuk duket se kanë ndikuar në interesin e jashtëzakonshëm global.

Me më shumë se 24.5 milionë kopje të shitura sipas vlerësimeve paraprake dhe të ardhura që kapin rreth 2.36 miliardë dollarë, GTA 6 po vendos një standard të ri për industrinë e videolojërave. Për Rockstar Games, debutimi i 19 nëntorit mund të jetë vetëm fillimi i një suksesi që pritet të vazhdojë edhe në vitet e ardhshme.

Continue Reading

Lajme

Era e fuqishme në Tetovë dhe Pollog! Rreth 15 intervenime, pa të lënduar

Erërat e fuqishme që përfshinë mbrëmë Tetovën dhe rajonin e Pollogut shkaktuan dëme të shumta materiale. Pemë të rrëzuara, kulme të dëmtuara, rrugë të bllokuara dhe ndërprerje të energjisë elektrike në disa vendbanime. Ekipet e zjarrfikësve intervenuan në rreth 15 raste, ndërsa në terren gjatë gjithë natës ishin edhe ekipet e ndërmarrjes publike komunale për largimin e pemëve dhe degëve të rrëzuara.

“Patëm rreth 15 intervenime, dy zjarre, disa kulme të rrëzuara, rrugë të bllokuara, si dhe shtylla elektrike të dëmtuara. Kemi intervenuar në të gjitha rastet dhe situatën e kemi pasur nën kontroll. Fatmirësisht, nuk kemi persona të lënduar”, deklaroi Avni Ameti, shef i NjTKZ Tetovë.

Komuna e Tetovës u ka bërë apel qytetarëve që të kenë kujdes gjatë motit të lig dhe të shmangin lëvizjet e panevojshme. Deri më tani, në Komunë nuk është paraqitur asnjë kërkesë zyrtare për kompensimin apo evidentimin e dëmeve.

“Komuna e Tetovës mbrëmë doli me apel për qytetarët që të kenë kujdes dhe të shmangin lëvizjet gjatë erërave të fuqishme. Deri më tani nuk kemi pasur denoncime nga banorët për dëmet materiale, por nëse paraqiten raste të tilla, Komuna së bashku me inspektoratin do të dalë në terren për verifikimin e tyre dhe marrjen e masave të nevojshme”, deklaroi Besarta Ramadani, zëdhënëse e Komunës së Tetovës.

Në polici është raportuar edhe dëmtimi i një automjeti nga tjegullat e një kulmi në rrugën industriale. Ekipet e SPB Tetovë, zjarrfikësit dhe ndërmarrja publike komunale kanë bashkëpunuar për sigurimin dhe pastrimin e rrugëve. Deri më tani, as në Qendrën për Menaxhim me Kriza nuk janë raportuar dëme më të mëdha materiale. Fatmirësisht, nga të gjitha incidentet nuk ka persona të lënduar.

Continue Reading

Lajme

Imer Aliu: PPD, BDI dhe VLEN – emra të ndryshëm, e njëjta filozofi politike!

35 vite pluralizëm, emra të rinj partish, por e njëjta formulë politike: kompromiset për pushtet në kurriz të interesave të shqiptarëve. Kështu e përshkruan përfaqësimin politik shqiptar në Maqedoninë e Veriut, Imer Aliu, përfaqësues i lartë i PDSH-së.

Sipas Aliut, nga PPD-ja te BDI-ja dhe VLEN-i, partitë kanë ndryshuar emrat, por jo filozofinë politike, duke e vendosur qëndrimin në pushtet mbi interesat e shqiptarëve.

Ai thekson se PDSH-ja ka përfaqësuar një koncept tjetër, të bazuar në dinjitetin kombëtar, barazinë politike dhe refuzimin e nënshtrimit për interesa pushteti.

“Sa herë duhet të ndryshojnë emrat e partive që më në fund të kuptoni se po votoni për të njëjtin model politik?”, pyet Aliu.

Continue Reading

TË FUNDIT

Sport2 days ago

Ejup Ademi zgjidhet kryetar i ri i Klubit të Mundjes Liria

Ejup Ademi është zgjedhur kryetar i ri i Klubit të Mundjes Liria, në Kuvendin e Jashtëzakonshëm të mbajtur sot, ku...

Lajme2 days ago

Në ditën e parë u shitën mbi 24.5 milionë kopje të GTA 6, 2.36 miliardë dollarë të ardhura

Pas 13 vitesh pritje, videoloja e shumëpritur Grand Theft Auto 6 (GTA 6) ka debutuar me një sukses të jashtëzakonshëm...

Lajme2 days ago

Era e fuqishme në Tetovë dhe Pollog! Rreth 15 intervenime, pa të lënduar

Erërat e fuqishme që përfshinë mbrëmë Tetovën dhe rajonin e Pollogut shkaktuan dëme të shumta materiale. Pemë të rrëzuara, kulme...

Lajme2 days ago

Imer Aliu: PPD, BDI dhe VLEN – emra të ndryshëm, e njëjta filozofi politike!

35 vite pluralizëm, emra të rinj partish, por e njëjta formulë politike: kompromiset për pushtet në kurriz të interesave të...

Lajme2 days ago

BFI-ja konfirmon: Kemi marrë lejen për ndërtimin e objektit të ri pranë Kalasë së Shkupit

Nga Bashkësia Fetare Islame (BFI) thonë se kanë siguruar lejen për ndërtimin e objektit të ri administrativ në pronën e...

Lajme2 days ago

Arabia Saudite e para në botë për shërbimet qeveritare digjitale, përmbush objektivin e Vizionit 2030

Mbretëria renditet e para mes 194 vendeve dhe territoreve të vlerësuara nga OKB-ja për shërbimet qeveritare online dhe ngjitet në...

Lajme3 days ago

Kujdes nëse udhëtoni drejt Greqisë! Mbyllet për tri ditë autostrada Selanik–Evzoni, ndryshon qarkullimi!

Një pjesë e autostradës Selanik–Evzoni, që lidh Greqinë me Maqedoninë e Veriut, do të mbyllet plotësisht në të dy drejtimet,...

Lajme3 days ago

Kush e solli Alta Bankën në Maqedoni? Përgjigjet Ademi

Sekretar i Përgjithshëm i BDI-së, Arbër Ademi, foli lidhur me çështjen e Alta Bankës dhepretendimet me përfshirjen e Qeverisë në këtë...

Lajme3 days ago

Levica akuzon Albi Qamilin: Ka siguruar Badenterin për ndryshimin e emrave të rrugëve në Tetovë

Partia Levica ka reaguar ndaj zv/kryetarit të Komunës së Tetovës, Albi Qamili, njëherësh kryetar i Komisionit për riemërimin e rrugëve,...

Lajme3 days ago

Ademi: Oponent e kemi VMRO-në, VLEN nuk pyetet as për ministrat e vet

Sekretar i Përgjithshëm i BDI-së, Arbër Ademi, në emisionin “Debat në Shenja”, ka hedhur poshtëpretendimet se BDI është e rezervuar në...

Trending