Lajme

Haradinaj: “Ma jepni votën mua, s’do të ketë pagë nën një mijë euro, këto që i them janë serioze”

Kryetari i Aleancës për Ardhmërinë e Kosovës, (AAK), Ramush Haradinaj, ka deklaruar se do t’i fitojë në zgjedhjet e 9 shkurtit 2024, duke theksuar se prioriteti i tij është anëtarësimi i Kosovës në NATO.

Në një intervistë për Ekonomia Online, Haradinaj ka kritikuar kryeministrin Albin Kurti për izolimin që ka pësuar Kosova dhe vënien nën sanksione nga Bashkimi Evropian.

Haradinaj ka premtuar se nëse fiton besimin, do të ofrojë një plan të drejtpërdrejtë për anëtarësim, jo një partneritet të stërzgjatur për paqe.

“Besoj që do të kthehemi në fitues jo në njerëz të izoluar të dënuar në sanksione, jo në njerëz që bëhen përgjegjës për ato që si kemi bërë, Serbia na sulmon me sulme terroriste e nuk dënohet Serbia, por Kosova. Pra e para është anëtarësimi në NATO. Kam punuar me kujdes tash e gjashtë vite dhe besoj që jemi afër anëtarësimit nëse marrë besimin që të udhëheq Qeverinë e Kosovës, kam deklaruar që do ta kemi planin e anëtarësimit që është kontrata për anëtarësim direkt, e jo parteriteti për paqe që është i stërzgjatur në 100 ditshin e parë”, ka deklaruar Haradinaj.

Kryetari i AAK-së, ka garantuar se nëse vjen në pushtet nuk do të ketë pensione nën 500 euro dhe paga nën 1000 euro.

“Njëkohësisht do t’i rikthehemi zhvillimit ekonomik sektorëve të tjera arsimit, shëndetësisë. Jam i bindur që në Kosovë do të ketë paga të dinjitetshme e pensione, po ashtu nuk do të ketë pension nën 500 euro, i qëndroj kësaj, dhe njëkohësisht nuk do të ketë pagë nën 1000 euro sepse është jashtë logjikës të tregut paga nën 1000 euro, kjo po shkakton ikjen e të rinjve tanë. Të gjitha këto janë serioze dhe besoj që edhe besojnë në këto që i them, por edhe që po na përkrahin”, ka theksuar ai.

Haradinaj ka premtuar se, nëse fiton besimin, do të ofrojë një plan të drejtpërdrejtë për anëtarësim, jo një partneritet të stërzgjatur për paqe.

“Për shumë qytetarë ka qenë pak jo aq e qartë se a mund të hyjmë në NATO direkt, por gradualisht po kuptohet për çka e kam fjalën, jo plani përmes partneritetit për paqe që mund t’i humb 10 vite, por plani aksional që ta mundëson anëtarësimin brenda një viti besoj që kam këtë përparësi. Besoj që është kështu edhe Kosova do të jetë në Kosovë, si në jug si në veri, në të gjitha zonat e Kosovës do të vlej ligji”, ka potencuar kryetari i AAK-së.

Lajme

Kasami për protestën: BDI “hedh gurin dhe fsheh dorën”

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në “TV Koha” duke komentuar protestën e së nesërmes në Tetovë thotë se BDI në një farë forme luan rolin e saj në stilin “hedh gurin dhe fsheh dorën”!

Sipas tij, bëhet fjalë për situatë absurd.

“BDI nuk deklarohen se qëndrojnë zyrtarisht pas protestës. Këshilltarët e BDI-së para një kohe kërkuan seancë të jashtëzakonshme të Këshillit komunal dhe kur morën informatë se kjo nuk është çështje e Këshillit komunal dhe në situatë kur Këshilli komunal mund të përsërisë gabimin që është bërë në 2007, me automatizëm Këshilli komunal shkon në zgjedhje në bazë të Ligjit dhe Kushtetutës dhe e heshtën atë çështje. Duke e ditur që faji më shumë është i atyre, sepse nuk kemi ne aspak faj si VLEN as në pushtetit qendror e as në atë lokal, ata po mundohen edhe një herë të ‘hedhin gurin dhe të fshehin dorën’. Konkretisht ata duhet të tregojnë se cili është faji i kësaj qeverise aktuale të komunës dhe kësaj qeverie aktuale në pushtetin qendror”, ka thënë Kasami.

Lajme

Kasami: Vendimi i Gjykatës Kushtetuese nuk do të ndryshojë asgjë

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha ka thënë se vendimi i Gjykatës Kushtetuese për emrat e rrugëve në Tetovë, nuk do të ndryshojë asgjë.

I pyetur se çfarë do të ndodhë me fatin e rrugës “Dervish Cara”, Sheshin “Iliria” dhe cili do të jetë epilogu, Kasami shprehet i prerë:

“Vendimi i Gjykatës Kushtetuese nuk do të ndryshojë asgjë. Komuna do të vazhdojë të përdorë emërtimet e vitit 2007 e këndej, institucionet do të vazhdojnë të përdorin emërtimet si gjithmonë, ndërkohë Komuna e Tetovës do të vazhdojë me procesin e emërtimit të rrugëve. Ky proces do të përfundojë konform Ligjit dhe Kushtetutës dhe nga ai moment edhe këta rrugë dhe shumë rrugë tjera do të kenë emërtime shqiptare”, ka thënë mes tjerash Kasami.

Lajme

Kasami: BDI dhe Gjykata Kushtetuese të sinkronizuar dakorduan vendimin

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha duke komentuar protestën e nesërme tha se qytetarët nuk do t`i përgjigjen pozitivisht protestës së BDI-së, duke pranuar se integristët megjithatë kishin harxhuar kohën e tij, siç tha ai, “për të trajtuar një problem inekzistent”.

Ai tha se le të tregojnë se cila është përgjegjësia e Tetovës, cila është përgjegjësia e kësaj qeverie që ne siç tha, “të dalim e t`u përgjigjemi”.

“E vetmja përgjegjësi këtu është e Gjykatës Kushtetuese dhe e BDI-së që në mënyrë të sinkronizuar dakordojnë një vendim për abrogim të këtij vendimi në momentin kur jemi në fazën finale të emërtimit të rrugëve konform Kushtetutës dhe Ligjit. Dhe një herë duhet të pyes publikisht BDI-në ‘A është edhe një tentim i BDI-së, për të ndalur procesin e emërtimit të rrugëve në Tetovë?”, ka thënë Kasami.