Lajme

Lufta kundër Iranit, i kushton 200 milionë dollarë në ditë Izraelit

Lufta e Izraelit me Iranin po i kushton vendit rreth 200 milionë dollarë në ditë, sipas vlerësimeve të hershme të raportuara nga “The Wall Street Journal”, një shifër marramendëse që po bëhet shpejt një kufizim i madh për kohëzgjatjen e konfliktit, transmeton Anadolu.

Barra më e kushtueshme është kapja e raketave iraniane, të cilat vetëm mund të arrijnë në dhjetëra apo edhe qindra milionë në ditë, raportoi “WSJ” të enjten.

Sisteme si “David’s Sling” dhe “Arrow 3” ku secila kapje kushton midis 700 mijë deri në 4 milionë dollarë dhe janë aktivizuar vazhdimisht në përgjigje të mbi 400 raketave të lëshuara nga Irani ditët e fundit.

Operacionet ofensive po rrisin gjithashtu kostot. Vendosja e avionëve izraelitë F-35 mbi 1.000 milje për të goditur objektivat në Iran kushton afërsisht 10 mijë dollarë në orë për avion, përveç çmimit të bombave precize si JDAM dhe MK84.

Instituti “Aaron” për politika ekonomike vlerëson se një luftë njëmujore mund t’i kushtojë Izraelit 12 miliardë dollarë.

“Kjo luftë është shumë më e kushtueshme se Gaza apo Hezbollahu. Municionet mbrojtëse dhe ofensive janë shpenzim i madh”, tha ekonomisti Zvi Eckstein.

Presioni ekonomik po çon në thirrje për një luftë më të shkurtër, megjithëse kryeministri Benjamin Netanyahu nuk ka treguar ndonjë qëllim për të ndaluar operacionet para se të arrihen objektivat strategjikë, siç është paralizimi i programeve bërthamore dhe raketore të Iranit.

Ndërsa tregjet izraelite mbeten të qëndrueshme disa madje edhe në rritje dëmet në terren po rriten.

Inxhinierët vlerësojnë se kostot e rindërtimit nga sulmet me raketa do të kalojnë 400 milionë dollarë, pasi qindra ndërtesa janë dëmtuar dhe më shumë se 5.000 civilë janë evakuuar.

Rafineria më e madhe e naftës në Izrael u mbyll përkohësisht pasi u godit dhe puna në disa sektorë kritikë të infrastrukturës është pezulluar.

Ish-guvernatori i Bankës së Izraelit, Karnit Flug i tha “WSJ” se kohëzgjatja e konfliktit është çelësi i qëndrueshmërisë ekonomike. “Nëse është një javë, është një gjë. Nëse janë dy javë ose një muaj, është një çështje shumë e ndryshme”, tha ai.

Lajme

I dha 15 mijë euro ryshfet për të dalë nga burgu, mbeti edhe në burg edhe pa para

Një i dënuar nga burgu i Prilepit raportoi se është mashtruar me 890,000 denarë (rreth 15 mijë euro), pasi një person i premtoi se do ta ndihmonte ti ulej dënimi me burg.

Sipas raportit të paraqitur në Sektorin e Punëve të Brendshme të Prilepit, mashtrimi ka ndodhur gjatë dy muajve të fundit, transmeton Lideri.mk. I dënuari deklaroi se personi K.K. e kishte bindur se kishte një mënyrë për të ndërmjetësuar për uljen e dënimit dhe i kishte dhënë para disa herë.

Pasi kuptoi se premtimet nuk po përmbusheshin dhe se ishte mashtruar, ai e raportoi rastin në polici. Institucionet kompetente po marrin masa për të sqaruar incidentin dhe për të përcaktuar të gjitha rrethanat./Lideri

Lajme

Kasami: Ndeshje spektakolare me një frymë të vërtet vëllazërore

Kryetari i Komunës së Tetovës dhe një nga liderët e koalicionit VLEN, Bilall Kasami, ka reaguar pas ndeshjes mes KF Shkëndija dhe Shkëndijës së Haraçinës, duke e cilësuar atë si një përballje spektakolare dhe me atmosferë të veçantë sportive, përcjell tetova1

Kasami përgëzoi ekipin e KF Shkëndija për fitoren, ndërsa vlerësoi edhe paraqitjen dhe karakterin e treguar nga skuadra e Shkëndijës së Haraçinës.

Kasami bëri të ditur se ndeshjen e ndoqi nga afër në tribunë, së bashku me kryetarin e Komunës së Haraçinës, Daut Beqiri.

Postimi i plotë i Kasamit:

“Ndeshje spektakolare, e mbushur me gola dhe me një frymë të vërtetë vëllazërore në fushë. Urime fitoren KF SHKËNDIJA dhe një bravo të madhe për Shkëndijën e Haraçinës për lojën dhe karakterin e treguar!

Në tribuna, bashkë me kryetarin e Haraçinës, Daut Beqiri!”, ka përfunduar Kasami./tetova1.mk/

Lajme

MPB me njoftim të rëndësishëm për sistemin “Safe City”

Ministria e Punëve të Brendshme njofton qytetarët se nuk ka nevojë të sjellin faturat për gjobat e paguara nga sistemi i trafikut “Safe City” që i kanë paguar në bankë ose elektronikisht në stacionin e policisë.

Sistemi i Ministrisë së Punëve të Brendshme lidhet automatikisht me sistemin e Ministrisë së Financave dhe qytetarët janë të detyruar të plotësojnë fletëpagesën sipas udhëzimeve ligjore të procesverbalit, që do të thotë se numri unik nga procesverbali duhet të futet saktë në seksionet “numri i thirrjes” dhe “qëllimi i pagesës” të fletëpagesës.
U bëjmë apel qytetarëve që të mos e sjellin faturën e gjobave të paguar në stacionin e policisë, me qëllim që të kursejnë kohë dhe të shmangin turmat e panevojshme.