Lajme

Rexhepi – Zejd: Takim vëllazëror me Ambasadorin e Shqipërisë!

Kryetari i Lëvizjes Populli, Skender Rexhepi – Zejd, u takua sot me Ambasadorin e Republikës së Shqipërisë në Shkup, Denion Meidani, ku u diskutuan çështje me rëndësi për shqiptarët në Maqedoninë e Veriut.

Në këtë bashkëbisedim, Rexhepi informoi ambasadorin për suksesin e arritur në mbrojtjen e dinjitetit dhe të drejtave të mërgatës shqiptare, duke parandaluar ndarjen diskriminuese në “rezidentë” dhe “jo-rezidentë” – një veprim i nisur nga qeveria e kaluar, i cili me ndryshimin e pushtetit rrezikonte të kishte pasoja negative në evidentimin real të shqiptarëve në regjistrimin e fundit të popullsisë.

“𝐓𝐚𝐤𝐢𝐦 𝐯ë𝐥𝐥𝐚𝐳ë𝐫𝐨𝐫 𝐦𝐞 𝐀𝐦𝐛𝐚𝐬𝐚𝐝𝐨𝐫𝐢𝐧 𝐞 𝐒𝐡𝐪𝐢𝐩ë𝐫𝐢𝐬ë!⁣⁣ Sot pata kënaqësinë të takoj Ambasadorin e Republikës së Shqipërisë në Shkup, z. Denion Meidani, me të cilin bashkëbiseduam për çështje të rëndësishme që prekin shqiptarët në Maqedoninë e Veriut.⁣⁣
⁣⁣
Ndër të tjera, e informova ambasadorin për suksesin e arritur në mbrojtjen e dinjitetit dhe të drejtave të mërgatës shqiptare, duke parandaluar ndarjen në “rezident” dhe “jo-rezident”, një veprim që nga qeveria e kaluar jashta, ndarjes formale, nuk kishte impakt negativ në të drejtat e mërgatës në shoqëri, por me qeverinë e re veçse rrezikonte të cenonte numrin real të shqiptarëve të evidentuar në regjistrimin e fundit.⁣⁣
⁣⁣
Ky sukses vjen në një kohë kur qeveria aktuale po punon me ngulm për t’i zhbërë përfaqësimin shqiptar dhe të drejtat të fituara me shumë mund e sakrificë.⁣⁣
⁣⁣
Vazhdojmë të mbrojmë me këmbëngulje çdo të drejtë të fituar, sepse për ne statistikat nuk janë vetëm numra, por dinjitet dhe ekzistencë!“, – ka thënë Rexhepi pas këtij takimi.

Lajme

I dha 15 mijë euro ryshfet për të dalë nga burgu, mbeti edhe në burg edhe pa para

Një i dënuar nga burgu i Prilepit raportoi se është mashtruar me 890,000 denarë (rreth 15 mijë euro), pasi një person i premtoi se do ta ndihmonte ti ulej dënimi me burg.

Sipas raportit të paraqitur në Sektorin e Punëve të Brendshme të Prilepit, mashtrimi ka ndodhur gjatë dy muajve të fundit, transmeton Lideri.mk. I dënuari deklaroi se personi K.K. e kishte bindur se kishte një mënyrë për të ndërmjetësuar për uljen e dënimit dhe i kishte dhënë para disa herë.

Pasi kuptoi se premtimet nuk po përmbusheshin dhe se ishte mashtruar, ai e raportoi rastin në polici. Institucionet kompetente po marrin masa për të sqaruar incidentin dhe për të përcaktuar të gjitha rrethanat./Lideri

Lajme

Kasami: Ndeshje spektakolare me një frymë të vërtet vëllazërore

Kryetari i Komunës së Tetovës dhe një nga liderët e koalicionit VLEN, Bilall Kasami, ka reaguar pas ndeshjes mes KF Shkëndija dhe Shkëndijës së Haraçinës, duke e cilësuar atë si një përballje spektakolare dhe me atmosferë të veçantë sportive, përcjell tetova1

Kasami përgëzoi ekipin e KF Shkëndija për fitoren, ndërsa vlerësoi edhe paraqitjen dhe karakterin e treguar nga skuadra e Shkëndijës së Haraçinës.

Kasami bëri të ditur se ndeshjen e ndoqi nga afër në tribunë, së bashku me kryetarin e Komunës së Haraçinës, Daut Beqiri.

Postimi i plotë i Kasamit:

“Ndeshje spektakolare, e mbushur me gola dhe me një frymë të vërtetë vëllazërore në fushë. Urime fitoren KF SHKËNDIJA dhe një bravo të madhe për Shkëndijën e Haraçinës për lojën dhe karakterin e treguar!

Në tribuna, bashkë me kryetarin e Haraçinës, Daut Beqiri!”, ka përfunduar Kasami./tetova1.mk/

Lajme

MPB me njoftim të rëndësishëm për sistemin “Safe City”

Ministria e Punëve të Brendshme njofton qytetarët se nuk ka nevojë të sjellin faturat për gjobat e paguara nga sistemi i trafikut “Safe City” që i kanë paguar në bankë ose elektronikisht në stacionin e policisë.

Sistemi i Ministrisë së Punëve të Brendshme lidhet automatikisht me sistemin e Ministrisë së Financave dhe qytetarët janë të detyruar të plotësojnë fletëpagesën sipas udhëzimeve ligjore të procesverbalit, që do të thotë se numri unik nga procesverbali duhet të futet saktë në seksionet “numri i thirrjes” dhe “qëllimi i pagesës” të fletëpagesës.
U bëjmë apel qytetarëve që të mos e sjellin faturën e gjobave të paguar në stacionin e policisë, me qëllim që të kursejnë kohë dhe të shmangin turmat e panevojshme.