Lajme

Mexhiti për Taravarin: Është politikani më i pabesueshëm dhe joserioz në skenën politike shqiptare

Zv/kryeministri Izet Mexhiti, duke komentuar deklaratën e kreut të ASH-së Arben Taravari se VLEN është projekt të cilit i skadon afati pas zgjedhjeve lokale, deklaroi se, fillimisht, Taravari si mjek ka dhënë betimin e Hipokratit që edhe nëse ka diagnozë e njëjta nuk duhet të jetë publike, por sipas tij ai e ka ngatërruar deklaratën e Hipokratit me të hipokritit.

E ka keqpërdorur një çështje, edhe publikisht e tha diagnozën e Ahmetit që është psikopat, dhe sot i njëjti shkon dhe përqafohet me Ahmetin sikurse asgjë nuk ka ndodhur. Pra pas kësaj mendoj që është e tepërt të komentohen deklarata e Taravarit”, tha Mexhiti.

“Mexhiti tha se nuk është për tu habitur nëse nesër del Taravari dhe thotë se nuk ka më të mirë se Mickoski, nuk ka më të mirë se VLEN e se Albini.

“Pas nesër mund të del i fotografuar me Edi Ramën e me dikë tjetër” shtoi Mexhiti.

Mexhiti tha se në takimin të cilin e përmend Taravari me kryeministrin e Kosovës, Albin Kurti, ata e kanë kuptuar se ai është shitur te BDI-ja.

“Në atë takim e kemi parë qartë, aty ka përfunduar takimi dhe i kemi thënë rruga e mbarë, mos na lodh me këto takime”, deklaroi Mexhiti.

Ai tha se Taravari është politikani më i pabesueshëm dhe më joserioz në skenën politike shqiptare.

“Përkundër asaj që partia kur është në qeveri fillon të tkurret, VLEN-i ka dhënë një provë tjetër që VLEN-i po zgjerohet me Lëvizjen Arbëria, me Orhanin me Bekimin, Meralen, VLEN po zgjerohet duke përkrahur kandidatura të pavarura në Strugë…”, deklaroi Mexhiti.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net