Lajme

Dauti: Tabela në Bllatë të Dibrës edhe në shqip, VLEN kujdeset për Dibrën

Zëvendësdrejtori i Doganave të Maqedonisë së Veriut, Mustafa Dauti, ka njoftuar përmes një shkrimi në rrjetet sociale se edhe pika kufitare e Bllatës tashmë e ka marrë pamjen e saj të plotë me tabelën në gjuhën shqipe, e vendosur në vendin që i takon.

“Pas tabelave në Bellanoc, Qafë Thanë dhe Bllacë, tashmë edhe pika kufitare e Bllatës ka marrë pamjen e duhur, me tabelën në gjuhën shqipe të vendosur me krenari dhe respekt. Sa më shumë po punojmë, aq më shumë po kuptojmë se shumëçka që duhej bërë, nuk ishte bërë.

Në çdo hap del në pah boshllëku që është lënë ndër vite, por edhe forca e një vizioni të ri që po e mbush atë boshllëk me punë konkrete e me rezultate të prekshme.

Ne nuk bëjmë propagandë, bëjmë detyrën tonë atë që na e kanë besuar qytetarët tanë. Besimi i tyre është amaneti ynë, ndërsa puna jonë është shpërblimi më i mirë për këtë besim“, ka shkruar Dauti.

Ai ka theksuar se vendosja e tabelës në Bllatë është dëshmi e përkushtimit institucional dhe e përpjekjes për ta kthyer barazinë gjuhësore dhe dinjitetin qytetar aty ku për vite me radhë munguan.

“Sot në Bllatë, shqipja qëndron aty ku i takon në tabelë, në institucion, në zemrën e çdo shqiptari. Kjo nuk është vetëm një tabelë, por një hap i madh drejt respektit të ndërsjellë dhe epokës së dinjitetit gjuhësor. Ata që për vite të tëra e panë këtë padrejtësi dhe zgjodhën të heshtin, e humbën rastin për të bërë atë që ishte detyrim ligjor dhe moral. Ne, në vend të fjalëve, po bëjmë vepra konkrete“, ka përfunduar zëvendësdrejtori i Doganave, Mustafa Dauti.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net