Lajme

Aliu: Po e adaptojmë zgjidhjen ligjore për problemin me shënuesit e tumoreve për pacientët onkologjikë

Po e ndryshojmë dhe adaptojmë zgjidhjen ligjore për zgjidhje të problemeve me shënuesit e tumoreve për pacientët onkologjikë, theksoi sot ministri i Shëndetësisë, Azir Aliu, në deklaratë për mediumet, duke u përjgigjur në pyetjen e gazetarëve lidhur me ankesat se mungojnë shënuesit e tumoreve.

Ai përkujtoi se shënuesit e tumoreve përveç në Onkologji, ka edhe në Biokimi dhe kliniakt e tjera në sistemin tonë shëndetësor.

“Për fat të keq, gjithsahtu për shkak të pengesave ligjore e dini se nëse një procedurë vonohet, ju ligjërisht nuk guxoni të hapni tjetrën apo ta përshpejtoni. Dhe prandaj një prej ligjeve në këto 12 ligje që i ndryshojmë dhe adaptojmë, një prej çështjeve që do ta zgjidhim është literalisht kjo. Unë paralajmërova para disa muajve se do të shqyrtojmë, procedurat të fillojnë jo tre, por gjashtë muaj para skadimit të procesit, e tëra me qëllim të kemi kohë të gjejmë plotësisht nëse na nevojitet rihapje e procedurës, në mënyrë që të mos arrijmë deri te momentet e këtilla kur për shkak të procedurave administrative, pacientët do të presin barëra”, sqaroi Aliu.

Për momentin, tha shënuesit e tumoreve mund të procesohen në Biokimi si institucion shëdnetësor tek ne.

Duke iu përgjigjur pyetjes së gazetarëve rreth rastit me drejtorin e Neurologjisë, ministri tha se raportet tashmë janë nga fundi.

“Procedurat janë përfunduar në mënyrë administrative, por duhet në bisedë, së bashku me të të ulet, të lexohet rezultati dhe më pas të dalim në opinion me atë raport. Është ende herët të dalim në opinion me informatë”, shtoi Aliu.

I pyetur për ndërtimin e spitlait të Kërçovës, ai përkujtoi se 205 milionë euro tashmë ishin paralajmëruar. Më pas shtoi se bëhet fjalë për Shtipin, tetovën dhe Kërçovën, se ato mjete nuk janë buxhetore, por do të sigurohen nga marrëveshja me britanikët.

“Unë ende nuk kam nënshkruar marrëveshje. Pritëm të përfundojnë zgjedhjet, dhe më pas ajo të nënshkruhet marrëveshja dhe të jenë pjesë e asaj infrastrukture. Thamë se do të fillojmë me investime në infrastrukturë, dhe hapi i parë janë këto tre klinika. Do të thotë, Shtipi, Tetova dhe Kërçova do të fillohen, edhe procedurat në mënyrë administrative menjëherë, prëderisa në mënyrë infrastrukturore me siguri nga fundi i vitit apo fillimi i vitit të ardhshëm. Kërçova do të fillohet prej fillimit, për shkak se ky objekt nuk i përmbushë kërkesat bazike infrastrukturore për të qenë institucion në të cilin ofrohen shërbime shëndetësore jo vetëm për Kërçovën,por edhe për atë rajon”, tha Aliu në deklaratë për mediumet para fillimit të konferencës së katërt vjetore për shëndetësi, në organizim të Odës ekonomike amerikane AmÇam, nën moton “Fuqia e aksonit me kohë për sistem shëndfetësor që reflekton”.

Lajme

Elezi: VLEN po e kthen përfaqësimin e drejtë dhe adekuat në ligj

Përfaqësuesi i VLEN-it, Afan Elezi, ka deklaruar se përfaqësimi i drejtë dhe adekuat nuk është dhuratë politike, por parim kushtetues që buron nga Marrëveshja Kornizë e Ohrit dhe një nga shtyllat kryesore të karakterit multietnik të shtetit.

Sipas tij, për më shumë se dy dekada kjo çështje ka mbetur pa një zgjidhje ligjore të qëndrueshme, duke u trajtuar përmes mekanizmave të përkohshëm dhe interpretimeve të ndryshme, por pa një ligj të veçantë.

“Për gati 23 vite kjo çështje mbeti pa ligj të veçantë. Arsyet i dimë, kishim arnime, mekanizma të përkohshëm dhe interpretime të ndryshme, por asnjëherë ligj”, ka theksuar Elezi.

Ai ka vlerësuar se me ardhjen e VLEN-it në përfaqësimin e shqiptarëve janë hapur procese që, sipas tij, nuk janë iniciuar gjatë dy dekadave të kaluara.

“Për vetëm 24 muaj ne sollëm ligj dhe po e avancojmë Marrëveshjen e Ohrit. Ky është një hap historik dhe një përgjigje serioze ndaj boshllëkut institucional që u krijua pas shfuqizimit të balancuesit”, ka deklaruar Elezi.

Në fund, ai ka bërë thirrje që të gjitha subjektet politike të mbështesin këtë proces, duke theksuar se tashmë është koha për vendime konkrete dhe jo për retorikë politike.

“Ky është momenti kur secili duhet të tregojë nëse është në anën e historisë. Nuk ka më vend për patriotizëm të rrejshëm. VLEN nuk bën zhurmë për të drejtat e shqiptarëve, por i kthen ato në ligj. VLEN shqiptarët po i bën ligj”, ka përfunduar Elezi.

Lajme

Deputetja e VLEN Mimoza Musa merr pjesë në Konferencën e 5-të në Parlamentin Evropian në Bruksel

Deputetja e Kuvendit të Republikës së Maqedonisë së Veriut nga koalicioni VLEN, Mimoza Musa, mori pjesë më 23 dhe 24 qershor në Konferencën e 5-të me temë “Kapërcimi i hendekut ndërmjet pjesëmarrjes politike të të rinjve dhe politikave rinore”, e mbajtur në Parlamentin Evropian në Bruksel.

Në këtë aktivitet, së bashku me deputetë dhe përfaqësues të shoqërisë civile nga vendet e Ballkanit Perëndimor, u diskutuan tema të rëndësishme që lidhen me politikat rinore dhe përfshirjen e të rinjve në proceset vendimmarrëse.

Gjatë punimeve të konferencës, u trajtuan çështje si avancimi i politikave për të rinjtë, sfidat e shëndetit mendor te gjeneratat e reja, si dhe nevoja për rritjen e pjesëmarrjes së tyre në jetën publike dhe politike. Po ashtu, u theksua rëndësia e perspektivës evropiane për vendet e rajonit dhe forcimi i bashkëpunimit ndërmjet Ballkanit Perëndimor dhe Bashkimit Evropian.

Pjesëmarrësit shkëmbyen përvoja dhe ide mbi mënyrat se si mund të krijohen më shumë mundësi për të rinjtë, duke synuar politika më gjithëpërfshirëse dhe më afër nevojave të tyre.

Deputetja Musa vlerësoi rëndësinë e këtyre forumeve ndërkombëtare si hapësira ku ndërtohen ura bashkëpunimi dhe ku forcohet dialogu për të ardhmen e gjeneratave të reja në rajon.

https://www.facebook.com/share/p/1HGPU1rqzd/

Lajme

Ali Ahmeti priti në selinë e BDI-së të riun nga Gostivari, Naser Veliun

Kreu i Bashkimit Demokratik për Integrim (BDI), Ali Ahmeti, priti sot në selinë e partisë Naser Veliun nga Gostivari, nipin e bashkëveprimtarit të tij të hershëm, të ndjerit Naser Veliu.

Gjatë takimit, Veliu u prezantua si elektroinxhinier i diplomuar në universitete prestigjioze në Mbretërinë e Bashkuar. Takimi u vlerësua si një mundësi për bashkëbisedim me të rinj të arsimuar dhe me përgatitje profesionale, të cilët, sipas Ahmetit, përfaqësojnë një brez me potencial për të kontribuar në zhvillimin shoqëror dhe institucional.

Ahmeti theksoi rëndësinë e përfshirjes së të rinjve në procese shoqërore dhe profesionale, duke vlerësuar se kapitali njerëzor i arsimuar jashtë vendit është një vlerë e shtuar për komunitetin dhe vendin.

Në përfundim të takimit, ai i uroi Naser Veliut suksese të mëtejshme në rrugëtimin e tij profesional dhe personal.

Ja postimi plotë:

Sot kisha kënaqësinë ta pres në selinë e BDI-së Naser Veliun, të riun nga Gostivari, nipin e bashkëveprimtarit tim të hershëm, të ndjerit Naser Veliu.

Naseri është elektroinxhinier, i diplomuar në universitete prestigjioze në Angli. Takime me të rinj të arsimuar, të përgatitur profesionalisht dhe me vizion për të ardhmen janë gjithmonë të këndshme dhe japin shpresë se brezat e rinj do të vazhdojnë të kontribuojnë me dije, përkushtim dhe përgjegjësi për zhvillimin e shoqërisë sonë.

I uroj suksese të mëtejshme në rrugëtimin e tij profesional dhe personal.