Lajme

Aksion i policisë në Gostivar: Ndalen gjashtë shtetase shqiptare për keqpërdorim të qëndrimit turistik

Мë datë 18/19 nëntor 2025, në periudhën prej orës 23:00 deri në 04:00, punonjës policorë nga DPB Gostivar kanë realizuar një aksion kontrolli në disa objekte hotelierike në rajonin që mbulon kjo njësi policore.

Gjatë kontrollit, në një lokal në rrugën “Ilinden” në Gostivar, në pronësi të J.A. (49) nga Gostivari, policia ka gjetur dhe ndaluar shtetaset shqiptare V.A. (32), L.A. (36), A.P. (36) dhe K.K. (50).

Po ashtu, në një objekt hotelierik në fshatin Zubovcë, komuna Vrapçisht, në pronësi të R.B. (50) nga Gostivari, janë gjetur dhe ndaluar edhe dy shtetase të tjera nga Shqipëria, E.U. (39) dhe Xh.K. (25).

Të gjitha gjashtë shtetaset shqiptare janë ndaluar për keqpërdorim të qëllimit të qëndrimit turistik, pasi janë konstatuar duke qëndruar në kundërshtim me qëllimin e deklaruar të hyrjes në vend.

Ato janë shoqëruar në stacionin policor dhe ndaj tyre do të ngriten parashtresa përkatëse. Autoritetet policore njoftojnë se kontrolle të tilla do të vazhdojnë edhe në periudhën në vijim.TS

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.