Lajme

Viti i Ri me revoltë të re, paga të larta ose punëtorët në rrugë!

Në prag të përfundimit të vitit Maqedonia e Veriut përballet me paralajmërime serioze për greva, protesta dhe bllokada që mund të shënojnë fillimin e vitit 2026. Kërkesa e Lidhjes së Sindikatave për rritjen e pagës minimale në 600 euro nuk është vetëm një betejë sindikale, por një përplasje e hapur për rolin e shtetit në mbrojtjen e dinjitetit të punës dhe të jetesës minimale, që në realitet ky është kushti elementar bazik për mbijetesë, shkruan Zhurnal.

Paga më të larta ose në rrugë –

“Po ashtu pamë hedhjen e topit nga përfaqësuesit e Qeverisë që të merren vesh sindikatat dhe punëdhënësit. Nëse mendojmë se kështu i nënvlerësojmë punëtorët, do të krijojmë revoltë edhe më të madhe. Duke pasur parasysh, nëse mund të biem dakord kështu, hajde të biem dakord se sa të jetë çmimi i rrymës, sa të jetë çmimi i bukës, sa të jetë çmimi i ujit. Qeveria nuk mund të jetë vëzhgues i heshtur apo vetëm ndërmjetës. Qeveria është përfaqësuese e shtetit, dhe shteti, nëse nuk i frenon ose nuk i detyron punëdhënësit t’i rrisin pagat, punëtorët kurrë nuk mund të dalin fitues nga ai rreth i mbyllur dhe magjik, që vazhdimisht rrotullohet, ndërsa ata thonë se edhe 400 euro janë shumë, e lëre më 500 apo 600 euro”, tha Ivan Peshevski – nënkryetar i Lidhjes së Sindikatave të Maqedonisë për Alsat.

Kjo deklaratë sqaron një frustrim të akumuluar ndër vite. Kur qeveria “hedh topin” mes sindikatave dhe punëdhënësve, ajo në fakt po shmang përgjegjësinë kushtetuese për të garantuar standard minimal jetese. Në një realitet ku çmimet e energjisë, ushqimit dhe shërbimeve rriten ideja që pagat të mbeten rezultat i një marrëveshjeje “vullnetare” mes palëve më shumë shihet si anashkalim sesa zgjidhje e duhur.

Argumenti i Peshevskit është thelbësor nëse shteti ndërhyn për të rregulluar çmimin e rrymës, të ujit apo të karburanteve, pse të mos ndërhyjë edhe për çmimin e punës? Në këtë kuptim, paga minimale nuk është luks, por instrument mbrojtës kundër varfërisë së punës, fenomen që po bëhet gjithnjë e më i dukshëm.

Nga ana tjetër, pozicionimi i opozitës LSDM e zhvendos debatin në terren politik, duke e paraqitur qeverinë aktuale si financiarisht të paaftë për të përmbushur edhe obligimet bazike. Akuzat se shteti nuk ka para “as për punëtorët, as për pensionistët, as për bujqit” krijojnë një narrativë alarmante një buxhet i shteruar që po i nënshtrohet prioriteteve të dyshimta, ndërsa qytetarët mbesin peng i kalkulimeve politike.

Qeveria, ndërkohë, mban një qëndrim pasiv, duke deklaruar se do të pranojë çdo marrëveshje mes punëtorëve dhe punëdhënësve. Por ky neutralitet është në fakt një zgjedhje politike, që rrezikon ta kthejë shtetin në vëzhgues të heshtur të thellimit të pabarazive sociale. Harmonizimi ligjor prej 1.500 deri në 2.000 denarë është larg çdo logjike ekonomike që merr parasysh inflacionin real dhe koston e jetesës.

Krahasimi rajonal e bën situatën edhe më të ndjeshme. Ndërsa Shqipëria, Kosova, Serbia dhe Bosnjë e Hercegovina po ecin drejt pagave minimale që i afrohen ose tejkalojnë mesataren e Maqedonisë së Veriut, vendi jonë rrezikon të mbetet shembull negativ i pagave të ulëta në Ballkan. Kjo nuk prodhon vetëm pakënaqësi sociale, por edhe emigrim të vazhdueshëm të fuqisë punëtore drejt evropës.

Kujtojmë që, sipas LSM nuk ngelet zgjidhje tjetër paga më të larta ose dalin në rrugë për të kërkuar një të drejtë bazike. Trajtim dinjitoz që tu përgjigjet standardeve minimale për të mbijetuar. Nuk kërkohen paga për jetë luksi por paga për të mbushur nevojat elementare bazike për jetë. /Zhurnal.mk

Lajme

Kumanovari dhuron 26 mijë euro për rrugën që mundëson qasjen në xhaminë më të vjetër në rajon

Husejn Bajrami, djali i të ndjerit hoxhë Nexhmedin Bajrami nga Kumanova, ka financuar blerjen e rrugës që mundëson qasjen në Xhaminë “Koxha Mehmed Beu” në fshatin Tabanoc.

Marrëveshja për blerjen u nënshkrua më 19 tetor 2026, në prani të myftiut të Kumanovës, h. Abedin ef. Imeri, dhe anëtarëve të familjes Selmani nga Llojani.

Rruga ka një sipërfaqe prej 529 metrash katrorë, me gjerësi prej shtatë metrash, ndërsa vlera e blerjes arrin në 26.450 euro, shumë e paguar nga Husejn Bajrami.

Muftinia e Kumanovës e falënderoi z.Bajrami për këtë kontribut, si dhe familjen Selmani për bashkëpunimin, duke shprehur lutjen që kjo vepër të pranohet si sadaka dhe të shpërblehet me të mira.

Lajme

Të dielën nis ora dimërore, akrepat lëvizin një orë prapa

Ora verore këtë vit përfundon të dielën, më 25 tetor në orën 3:00 të mëngjesit duke u zhvendosur një orë prapa.

Në vitin 2018, Komisioni Evropian shqyrtoi heqjen e ndërrimit të kohës sezonale dhe më pas zhvilloi një konsultim publik në të cilin morën pjesë rreth 4.6 milionë njerëz.

Megjithatë, ndonëse 84 përqind e të anketuarve ishin në favor të heqjes së tij, anëtarët nuk arritën të arrinin një marrëveshje se cila kohë do të ishte e përhershme, kështu që propozimi nuk u zbatua.

Vendet e BE-së ende kalojnë në orën e verës në pranverë dhe në orën e dimrit në vjeshtë.

Në Azi, Kina, India, Japonia, Koreja e Jugut, Tailanda, Vietnami, Indonezia, Malajzia dhe Singapori nuk e përdorin kohën e kursimit të verës.

Kina e hoqi orën e verës në vitin 1991.

Në Lindjen e Mesme , Arabia Saudite, Emiratet e Bashkuara Arabe, Katari, Kuvajti dhe Bahreini nuk e ndryshojnë orën gjatë vitit.

Irani e hoqi ndërrimin sezonal të orës në vitin 2022, dhe që nga viti 2023 nuk e ndryshon më kohën midis verës dhe dimrit.

Në Amerikën e Jugut , Brazili, Argjentina, Kolumbia, Peruja dhe Ekuadori nuk e përdorin kohën sezonale.

Në Australi, rregullat ndryshojnë sipas shtetit. Uellsi i Ri Jugor, Viktoria, Australia Jugore, Tasmania dhe Territori i Kryeqytetit Australian po kalojnë në orën verore, ndërsa Queensland, Australia Perëndimore dhe Territori Verior nuk e ndryshojnë orën, raportoi portali Maariv.

Ndër arsyet për heqjen e ndërrimit të kohës sezonale janë funksionimi më i thjeshtë i jetës së përditshme , shmangia e problemeve në sistemet kompjuterike, transportin dhe biznesin, si dhe fakti që në vendet pranë ekuatorit, gjatësia e ditës nuk ndryshon ndjeshëm gjatë vitit.

Lajme

„Pesë veta rrahin një fëmijë dhe e filmojnë“: Dëshmi shqetësuese nga Tetova

Pesë të mitur, të moshës rreth 13 dhe 14 vjeç, sipas pretendimeve të një prindi, kanë ndaluar dy fëmijë 11-vjeçarë në qendër të Tetovës, i kanë kapur për fyti dhe janë përpjekur t’ua heqin xhaketat për të kontrolluar nëse mbanin veshje me simbolet e grupit të tifozëve „Vojvodi“. Incidenti, sipas prindit, ka ndodhur derisa fëmijët po shkonin në stërvitje.

Për rastin ka alarmuar publikisht Darko Gavro, i cili në një postim në grupin e Facebook-ut „Go ljubim Tetovo“ pretendon se djali i tij dhe një fëmijë tjetër janë keqtrajtuar pranë ëmbëltores „Geopiko“ dhe objektit „Nashe dete“.

Sipas dëshmisë së tij, fëmijët ishin rrugës për në Qendrën Sportive, ku duhej të merrnin pjesë në stërvitjen e klubit për fëmijë „Fit Kid“, kur u ndaluan nga grupi i të miturve.

„I kanë kapur për fyti dhe janë përpjekur t’ua heqin xhaketat për të parë nëse janë ‘Vojvodi’“, ka shkruar prindi.

Ai pretendon se njëri prej të miturve e ka filmuar incidentin me telefon celular. Sipas informacioneve që ka marrë, videoja ishte menduar të publikohej në një grup të veçantë në TikTok, ku, siç thotë ai, shpërndaheshin pamje të rrahjeve nëpër Tetovë.

Prindi bën të ditur se rasti është denoncuar në polici dhe se bashkëshortja e tij ka shkuar për të dhënë deklaratë.

Në postimin e tij, ai paralajmëron se nuk bëhet fjalë për një incident të izoluar, pasi pretendon se ka informacione edhe për raste të tjera të keqtrajtimit të fëmijëve, gjatë të cilave të miturve u janë hequr xhaketat dhe trenerkat.

„Policia hesht. Të gjithë e dinë dhe i lëshojnë fëmijët në rrugë me frikë“, ka shkruar Gavro, duke kërkuar shtim të pranisë policore dhe të patrullave nëpër Tetovë.

Ai u ka bërë thirrje publike edhe institucioneve përgjegjëse për delikuencën e të miturve që t’i hetojnë rastet e tilla, duke paralajmëruar se keqtrajtimi i fëmijëve nga grupe po shndërrohet në një problem serioz.

Deri më tani, informacionet për rrethanat e incidentit bazohen në dëshminë publike të prindit. Ministria e Punëve të Brendshme nuk ka dhënë konfirmim zyrtar për denoncimin, as për pretendimet lidhur me filmimin e organizuar dhe publikimin e incidenteve të tilla./Skopje1.mk