Këngëtari i njohur nga Deçani, Lok Komoni, i cili prej vitesh është prezent në skenën muzikore me këngë që prekin temat familjare, atdhetare dhe motivet tradicionale shqiptare, ka sjellë për publikun projektin e tij më të ri me titull “Daut Haradinaj”.

I njohur për stilin e tij të veçantë dhe për interpretimet që shpesh mbartin mesazh e emocion, Komoni kësaj radhe vjen me një këngë që mban emrin e një figure të njohur të luftës dhe politikës në Kosovë, duke i dhënë projektit një ngarkesë më të fortë simbolike dhe patriotike.

“Daut Haradinaj” është realizuar me muzikë dhe produksion nga Çelik Lipa (SBS), me tekst të shkruar nga Besnik Zukaj, ndërsa solo në këtë projekt e sjell Gent Hoxha. Për anën vizuale është përkujdesur Adriatik Asllani nga A Films, ndërsa producentë ekzekutivë janë Labinot Nuraj dhe Jetmir Agaj.

Me këtë projekt, Lok Komoni vazhdon linjën e tij muzikore që shpesh lidhet me identitetin kombëtar, figurat e njohura shqiptare dhe temat që prekin publikun, duke sjellë një këngë që pritet të zgjojë interes të veçantë te adhuruesit e këtij zhanri.

Këngëtari Artir Gjikokaj ka publikuar projektin e tij më të ri muzikor, “Kaj”, një këngë me ritëm veror që sjell energji, atmosferë të lehtë dhe tinguj që përshtaten me sezonin e nxehtë.

Artisti, i cili prej vitesh është aktiv në skenën muzikore shqiptare me projekte solo dhe bashkëpunime të ndryshme, këtë herë vjen me një material që synon të përcjellë freski, disponim dhe vibe vere. “Kaj” ndërtohet mbi një frymë moderne dhe ritmike, duke e sjellë Artir Gjikokajn në një tjetër projekt që i shtohet repertorit të tij muzikor.

Kënga pritet të gjejë vend te publiku që preferon projektet e lehta verore, ndërsa “Kaj” vjen si një tjetër hap i Artir Gjikokajt në rrugëtimin e tij artistik.

Butrint Imeri, këngëtari shqiptar, ka bërë një sfidë interesante.

Ai ka thënë se kush i bën videot më virale në Tik Tok me këngët e reja të albumit të tij, pra, që pëlqehën e shikohen më së shumti, do t’ia dhurojë 100.000 euro.

E një shqiptar, me lejen e prindërve të tre fëmijëve me Sindrom Down, ka realizuar një video me ta në mënyrë që ata t’i fitojnë këto para dhe t’i ndaj nga 33 mijë euro për secilin.

“Unë kam vendosur që, nëse këta engjuj i fitojnë ato 100 mijë euro, do t’ua ndaj të treve në mënyrë të barabartë – secilit do t’i takojnë rreth 33,333.33 euro.

Përveç kësaj, kam edhe një dhuratë të veçantë për këta: gjatë verës do t’i dërgoj në pushime, kudo që ata dëshirojnë!

Hajde të gjithë bashkë t’i përkrahim këta engjuj, sepse e meritojnë çdo të mirë në këtë botë. Zoti i ka bekuar me zemër të bardhë, dashuri dhe mirësi të pafundme. Le t’ua kthejmë me respekt, dashuri dhe mbështetje.

Këta engjëj e meritojnë këtë shpërblim dhe gjithë dashurinë e botës” shkruhet në fund të videos.

Fëmijët e kategorisë së tij nuk janë shumë të socializuar fatëkeqësisht në shoqërinë tonë, prandaj, po t’i fitonin këto para, do ishte një ndihmesë e madhe për ta!

Videon mund ta shihni duke klikuar direkt në link!

https://vt.tiktok.com/ZSCRxfqDK/