Lajme

A do të rriten çmimet në Maqedoninë e Veriut pas luftës në Lindjen e Mesme?

Lufta në Lindjen e Mesme midis Izraelit dhe SHBA-ve kundër Iranit ka përhapur shqetësime edhe te qytetarët e Maqedonisë së Veriut për rritjen e mundshme të çmimeve ushqimore dhe jo vetëm, megjithatë ministri i Ekonomisë thotë se ende është herët të thuhet nëse do ketë ndikim të tillë, shkruan Portalb.mk.

Disa qytetarë të pyetur nga Portalb u shprehën të shqetësuar se lufta në Lindjen e Mesme mund të ndikojë rritjen e çmimeve të produkteve ushqimore dhe çmimeve tjera

“Normal se kemi frikë, jetojmë në një vend ku gjithnjë kemi pasiguri, të them të drejtën presim që të rriten çmimet si e bëjnë çdoherë”, tha një qytetar.

“Nuk e di, nuk i kuptoj këto punë por mendoj se këtu te ne vetëm sa presin të bëhet diçka dhe menjëherë të na godasin në xhep”, tha një qytetare.

“Po, presim të rriten çmimet edhe pse janë shumë të larta të produkteve bazike se nuk flasim për gjëra luksi, jeta është bërë shumë e shtrenjtë, pagat e ultëa, se di si mendojnë kështu”, tha një qytetare.

Ministri i Ekonomisë dhe Punës, Besar Durmishi thotë se ende është herët të thuhet që do ketë ndikim të tillë dhe se po e monitorojnë tregun.

“Tani për tani gjendja është stabile, do presim në ditët në vijim se çfarë pasoje mund të ketë situata e krijuar në Lindje dhe si Qeveri do të reagojmë menjëherë në qoftë se do të paraqiten pasoja të tilla krize ekonomike”, tha Durmishi.

Durmishi tha se në ditët në vijim do të prezantohet shporta mesatare konsumatore.

Lufta e Shteteve të Bashkuara dhe Izraelit me Iranin është përhapur në Ngushticën e Hormuzit, një nga pikat më kritike të ngecjes së energjisë në botë, duke shkaktuar rritje të çmimeve të naftës.

Transporti detar përmes ngushticës, e cila transporton një të pestën e naftës së konsumuar globalisht, si dhe sasi të mëdha gazi, është ndalur pothuajse plotësisht për shkak të sulmeve iraniane ndaj cisternave të naftës n.ë rajon.

Lajme

Kasami për protestën: BDI “hedh gurin dhe fsheh dorën”

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në “TV Koha” duke komentuar protestën e së nesërmes në Tetovë thotë se BDI në një farë forme luan rolin e saj në stilin “hedh gurin dhe fsheh dorën”!

Sipas tij, bëhet fjalë për situatë absurd.

“BDI nuk deklarohen se qëndrojnë zyrtarisht pas protestës. Këshilltarët e BDI-së para një kohe kërkuan seancë të jashtëzakonshme të Këshillit komunal dhe kur morën informatë se kjo nuk është çështje e Këshillit komunal dhe në situatë kur Këshilli komunal mund të përsërisë gabimin që është bërë në 2007, me automatizëm Këshilli komunal shkon në zgjedhje në bazë të Ligjit dhe Kushtetutës dhe e heshtën atë çështje. Duke e ditur që faji më shumë është i atyre, sepse nuk kemi ne aspak faj si VLEN as në pushtetit qendror e as në atë lokal, ata po mundohen edhe një herë të ‘hedhin gurin dhe të fshehin dorën’. Konkretisht ata duhet të tregojnë se cili është faji i kësaj qeverise aktuale të komunës dhe kësaj qeverie aktuale në pushtetin qendror”, ka thënë Kasami.

Lajme

Kasami: Vendimi i Gjykatës Kushtetuese nuk do të ndryshojë asgjë

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha ka thënë se vendimi i Gjykatës Kushtetuese për emrat e rrugëve në Tetovë, nuk do të ndryshojë asgjë.

I pyetur se çfarë do të ndodhë me fatin e rrugës “Dervish Cara”, Sheshin “Iliria” dhe cili do të jetë epilogu, Kasami shprehet i prerë:

“Vendimi i Gjykatës Kushtetuese nuk do të ndryshojë asgjë. Komuna do të vazhdojë të përdorë emërtimet e vitit 2007 e këndej, institucionet do të vazhdojnë të përdorin emërtimet si gjithmonë, ndërkohë Komuna e Tetovës do të vazhdojë me procesin e emërtimit të rrugëve. Ky proces do të përfundojë konform Ligjit dhe Kushtetutës dhe nga ai moment edhe këta rrugë dhe shumë rrugë tjera do të kenë emërtime shqiptare”, ka thënë mes tjerash Kasami.

Lajme

Kasami: BDI dhe Gjykata Kushtetuese të sinkronizuar dakorduan vendimin

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha duke komentuar protestën e nesërme tha se qytetarët nuk do t`i përgjigjen pozitivisht protestës së BDI-së, duke pranuar se integristët megjithatë kishin harxhuar kohën e tij, siç tha ai, “për të trajtuar një problem inekzistent”.

Ai tha se le të tregojnë se cila është përgjegjësia e Tetovës, cila është përgjegjësia e kësaj qeverie që ne siç tha, “të dalim e t`u përgjigjemi”.

“E vetmja përgjegjësi këtu është e Gjykatës Kushtetuese dhe e BDI-së që në mënyrë të sinkronizuar dakordojnë një vendim për abrogim të këtij vendimi në momentin kur jemi në fazën finale të emërtimit të rrugëve konform Kushtetutës dhe Ligjit. Dhe një herë duhet të pyes publikisht BDI-në ‘A është edhe një tentim i BDI-së, për të ndalur procesin e emërtimit të rrugëve në Tetovë?”, ka thënë Kasami.