Lajme

23 vjet nga vrasja e të riut Burhan Jonuzi-Buli në Shkup

Më 15 mars të vitit 2003, disa minuta pas mesnate u vra studenti i ri Burhan Jonuzi-Buli, shkruan TV21. Vrasja ndodhi afër çerdhes “Fidani” në Çair të Shkupit. Respektivisht, në nënkalimin nga bulevardi “Krste Petkov Misirkov” në bulevardin “Nikolla Karev”.

I ndjeri ishte anëtarë i një familje të pasur nga Shkupi, që merrej me tregti me ar, ndërkaq në momentin e vrasjes, ai ishte duke u kthyer në shtëpi. Kjo vrasje aso kohe bëri bujë të madhe në opinion, pasi që atë kohë të pasluftës, gjegjësisht pas konfliktit të vitit 2001, vrasjet në Shkup ishin të shpeshta. Sot e 23 vjet edhe pse në opinion ka spekulime të ndryshme, zyrtarisht institucionet e sistemit të drejtësisë asnjëherë nuk kanë arritur që të zbardhin rastin.

Pas konfliktit të vitit 2001, në Maqedoninë e asaj kohe vrasjet kanë qenë të shpeshta, mirëpo gati asnjë prej tyre nuk është zbardhur.

Raporti i Konrad‑Adenauer‑Stiftung (Rule of Law Report 2025) për Republika e Maqedonisë së Veriut tregon se besimi në gjyqësor mbetet i ulët në 2025.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net