Lajme

Fatmir Sabriu përfaqëson Maqedoninë e Veriut në konferencën e nivelit të lartë në Zagreb për të drejtat e fëmijëve

Sekretari shtetëror në Ministrinë për Politikë Sociale, Demografi dhe Rini, Fatmir Sabriu, ka marrë pjesë në Konferencën e Nivelit të Lartë për Garancinë Evropiane për Fëmijët, e mbajtur në Zagreb.

Siç bëhet e ditur përmes një postimi publik, Sabriu ka përfaqësuar politikat e Maqedonia e Veriut në këtë ngjarje të rëndësishme, e cila është organizuar me ftesë të ministrit kroat Alen Ružić dhe drejtoreshës së UNICEF për Evropën dhe Azinë Qendrore, Regina De Dominicis.

Në fjalimin e tij, Sabriu theksoi se lufta kundër varfërisë së fëmijëve mbetet prioritet kyç për institucionet në vend, duke nënvizuar angazhimin për:

* sigurimin e shërbimeve cilësore në shëndetësi, arsim dhe mbrojtje sociale;
* krijimin e mundësive të barabarta për çdo fëmijë;
* garantimin që asnjë fëmijë të mos mbetet pas.

Ai gjithashtu bëri të ditur se, në cilësinë e Koordinatorit Nacional për Garancinë Evropiane për Fëmijët, i emëruar nga Qeveria, janë ndërmarrë hapa konkretë për zbatimin e kësaj agjende, përfshirë edhe krijimin e një grupi punues ndër-sektorial.

Konferenca në Zagreb mblodhi përfaqësues të lartë nga rajoni dhe Evropa, me fokus në avancimin e politikave për mbrojtjen dhe mirëqenien e fëmijëve.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.