Lajme

Komisioni parlamentar zgjodhi kandidatin e LEN-it për anëtarë të KSHZ-së

Komisioni për zgjedhje dhe emërime e zgjodhi Abdush Demirin për antar të Komisionit Shtetëror Zgjedhor. Me 10 vota pro, asnjë kundër dhe 1 të përmbajtur, komisioni e votoi kandidatin e partive opozitare shqiptare, pasi Partia Demokratike Evropiane e kishte tërhequr kandidatin e tyre. Tani propozimi i Komisionit për zgjedhje dhe emërime, duhet të shkoj në seancë plenare për votim.

Marija Georgievska, kryetare e komisionit

“Konstatoj se Komisioni për zgjedhje dhe emërime, vërtetoi propozim vendimin, sipas të cilit Kuvendi për antar në Komisionin Shtetëror Zgjedhor, do ta propozojmë Abdush Demirin”.

Ndërkaq, Komisioni Shtetëror Zgjedhor, ka publikuar afatet zgjedhore. Fushata zgjedhore e zgjedhjeve presidenciale fillon më 4 prill në orën 00:00 dhe do të zgjas deri më 22 prill. Sipas afateve të caktuara nga KSHZ, fushata zgjedhore fillon 20 para ditës së mbajtjes së zgjedhjeve, edhe në rrethin e parë edhe në të dytin. Rezultatet e anketave të mendimit publik lidhur me pjesëmarrësit në procesin zgjedhor publikohen më së voni deri 5 ditë para mbajtjes së zgjedhjeve, gjegjësisht jo më vonë se 18 prill ora 24:00. Pjesëmarrësit në zgjedhje, listat e kanditatëve për presidentë të shtetit duhet t’i dorëzojnë në KSHZ më së voni deri më 19 mars, gjegjësisht 35 ditë para zgjedhjeve. Kur kandidati për president është i pavarur duhet të mbledh 10 mijë nënshkrime, nëse është kandidat i partive ose grupit parlamentar duhet të sigurojë firmat e 20 deputetëve. Shortin për përcaktimin e listës së vetme të kandidatëve për president, KSHZ-ja do ta bëjë më së voni më 28 mars. Fushata zgjedhore e zgjedhjeve parlamentare do të mbahet nga 18 prill deri më 6 maj. Anketat mund të publikohen më së voni der më 2 maj. Listat e kandidatëve për deputetë në KSHZ duhet të dorëzohen më së voni deri më 2 prill. Shortin KSHZ do ta mbaj më 13 prill.

Mbikqyrja e listës zgjedhore nis më 28 shkurt dhe do të zgjasë deri më 18 mars në orën 24:00.

Mediat dhe mediat elektronike nëse sigurojnë reklama politike me pagesë për pjesëmarrësit në fushatën zgjedhore, janë të obliguara të regjistrohen në KSHZ në afat prej tri ditësh nga dita e shpalljes së zgjedhjeve.

Lajme

MPB me detaje për tragjedinë e mbrëmshme në Shkup, ku bien nga lartësia e një banese një grua e moshuar dhe fëmija 9 vjeç

Nga MPB sot ma dalë me një raport reth ngjarjes që tronditi Shkupin mbrëmë ku një grua e moshuar vdiq nga lëndimet kurse fëmija është në spital. Nuk dihet ende se si ranë nga lartësia.

„Më 03.12.2024, në orën 19:40, në Sektorin e Punëve të Brendshme të Shkupit u raportua se dy persona kishin rënë nga një ndërtesë në territorin e Kisella Vodës. Policia ka dalë në vendin e ngjarjes dhe është konstatuar se gruaja D.S. (69) nga Shkupi ka vdekur nga lëndimet që ka marrë në vendin e ngjarjes, ndërsa një fëmijë 9-vjeçar nga Shkupi ka pësuar lëndime dhe është transportuar në kompleksin klinik „Nëna Terezë“ për ndihmë mjekësore. Po merren masa për zbardhjen e rastit“ – thuhet në njoftimin e Ministrisë së Punëve të Brendshme.

Lajme

Iniciohet aktakuzë për parkingun e “egër” në Çair

Pas zhvillimit të procedurës paraprake, prokurori publik nga Prokuroria Themelore Publike Shkup ka iniciuar akuzë kundër një personi fizik dhe një personi juridik për veprën penale uzurpim të patundshmërive nga neni 225 i Kodit penal.

Siç informon Prokuroria publike e Maqedonisë së Veriut, 47-vjeçari i akuzuar, ka marrë në posedim pronën e huaj – tokën prapa Shtëpisë së Shëndetit Shkup – Poliklinika e Bit pazarit.

“Toka në pronësi të shtetit e cila i është dhënë për shfrytëzim Shtëpisë së shëndetit dhe si pronë në përdorim të përgjithshëm në Planin e detajuar urbanistik të komunës së Çairit, i akuzuari e ka shfrytëzuar për parking të improvizuar. Në emër dhe shpenzime të personit juridik ka vendosur rampë dhe një pikë pagesore dhe ka angazhuar një person për të kryer pagesë me çmim prej 50 denarë për 90 minuta shfrytëzim, duke kufizuar dhe kontrolluar hyrjen dhe daljen e tokës”, kanë thënë në PPRMV.

Së bashku me aktakuzën, prokurori publik në Gjykatën Themelore Penale Shkup ka paraqitur propozim të veçantë për caktimin e masës së kujdesit- ndalesë për kryerjen e aktiviteteve të punës, përkatësisht ndalesë për shfrytëzimin e tokës në fjalë.

Lajme

Më ftohtë në Kodrën e Diellit, më së shumti borë në Hanet e Mavrovës

Temperaturë më e ulët e mëngjesit të sotëm -2 gradë është matur në Kodrën e Diellit, ndërsa më e lartë në Gjevgjeli 8 gradë.

Siç informon DPHM, në Lazaropole janë matur -1 gradë, 0 në Hanet e Mavrovës, 1 në Krushevë, 2 në Berovë, 3 në Kriva Pallankë, Manastir dhe Dibër, 4 në Shkup-Zajçev Rid, Kumanovë, Tetovë, Pretor, Prilep dhe Ohër, 5 në Shkup-Petrovec, Vinicë dhe Demir Kapi dhe 6 në Shtip, Strumicë, Kavadar dhe Veles.

Lartësia e shtresës së borës mëngjesin e sotëm është 48 centimetra në Hanet e Mavrovës, 39 në Kodr[n e Diellit, 25 në Krushevë dhe 10 centimetra në Llazaropole.

Në 24 orët e fundit më së shumti sediment ujor prej 4 litra për metër katror ka në Prilep, 3 në Kodrën e Diellit, 2 në Krushevë, Topollçan dhe Pretor dhe 1 litër për metër katror në Manastir, Ohër, Dibër dhe Llazaropole.

Sot në orët e paradites do të ketë mjegull të dobët në disa lugina. Gjatë ditës do të mbizotërojë mot i ndryshueshëm me vranësira, me reshje të dobëta shiu lokal, në zonat malore me borë të dobët. Gjatë orëve të natës në pjesët perëndimore në shumë vende do të ketë reshje shiu, kurse në zonat malore dhe në disa vende më të larta do të ketë borë. Temperaturat maksimale do të arrijnë nga 6 deri në 11 gradë.

Në Shkup paradite do të ketë mjegull të dobët, ndërsa gjatë ditës do të mbajë mot i ndryshueshëm me vranësira dhe i qetë. Temperatura maksimale do të arrijë deri në 10 gradë.