Lajme

Çka fshihet pas “Lajmit të madh të Ali Ahmetit”?

Mbrëmjen e vonë të së hënës rrjetet sociale u vërshuan nga aktivistë të BDI me fotografinë e liderit të kësaj partie, dhe porosinë: Ali Ahmeti vjen me lajmin e madh.

Po çka fshihet pas këtij paralajmërimi që u shpërnda me pompozitet?

Duke pasur para syshë zhvillimet e fundit politike dhe prag-zgjedhjet e prill – majit, sigurisht paralajmërimi shkon në këtë drejtim.

Pasi opozita vendosi për të garuar në zgjedhjet presidenciale dhe zgjodhi adutin e tyre Arben Taravari për t’i përfaqësuar, lajmi mund të jetë shpalosja e kandidaturës pë zgjedhjet presidenciale.

Cilat janë mundësitë?

Ali Ahmeti, me gjasë nuk do të jetë kandidat për president. U përfol në media dhe Ahemti as nuk e mohoi, por burime brenda BDI-së thonë që Ahmeti nuk do t’i futet garës që dihet që një kandidat shqiptar nuk fiton.

Paralajmërimi pompoz nga kampi blu, mund të lidhet me kandidaturën e Fatmir Deharit për president. Se Dehari do të jetë shef shtabi në njësinë e pestë zgjedhore, kjo është më se e sigurt, por edhe kandidatura e tij për president mund të jetë reale.

Një tjetër mundësi mund të jetë marrëveshja BDI-LSDM për të garuar me kandidat shqiptar për president. Një kandidat konsesual nga bota akademike i pranueshëm për LSDM dhe elektoratin maqedonas, mund të jetë zgjidhje e Frontit Europian për zgjedhjet presidenciale. Me këtë, rriten edhe gjasat që në rrethin e dytë të zgjidhjet një kandidat shqiptar për president.

Se çka në fshihet pas paralajmërimit pampoz, pritet të zbardhet sot apo në ditët në vijim, por se ky paralajmërim do të jetë kryefjala e fushatës zgjedhore këtu nuk ka aspak dyshim. BDI me paralajmërime të tilla pampoze, në vazhdimësi prezanton ofertat elektorale, siç ishte premtimi për kryeministrin shqiptar.

Lajme

Fetai: Nesër takohemi me Mickoskin! Sali do të propozohet për zv/kryeministër, Ministria e Ambientit i mbetet LD-së së Mexhiti

Arben Fetai nga VLEN thotë se koalicioni ka dakordim që Bekim Sali të emërohet zëvendëskryeministër i parë, si zëvendësim i Izet Mexhitit, i cili tashmë ka marrë funksionin e kryetarit të komunës së Çairit, përcjell TV21. Fetai tha se Ministria e Ambientit Jetësor dhe Planifikimit Hapësinor i mbetet Lëvizjes Demokratike të Izet Mexhitit.

“Tani Izet Mexhiti dhe Lëvizja Demokratike do të propozojnë sigurisht edh enjë emër për ministër të Mjedisit. Dhe besoj brenda kësaj jave, nesër më së largu, do të ulemi me kryeministrin si mandatar dhe do i shtrojmë këto çështje, të gjejmë një zgjidhje në bazë të asaj që është dakorduar si partnerë të koalicionit”, shtoi mes tjerash Fetai. /tv21.tv

Lajme

Feti Abazi zyrtarisht merr detyrën e Kryetarit të komunës së Bogovinës

Sot, në një atmosferë solemne dhe plot emocion, Feti Abazi ka pranuar zyrtarisht detyrën si Kryetar i Komunës së Bogovinës. Në fjalën e tij të parë pas marrjes së mandatit, Abazi theksoi se ky moment është një rikthim mes njerëzve dhe mjedisit nga i cili vjen, për të vazhduar misionin e shërbimit publik me përulësi dhe nder.

“Komuna e Bogovinës ka qenë vendi ku kam mësuar se shërbimi publik nuk është vetëm një punë e zakonshme, por një mision dhe obligim i përditshëm për të përmirësuar jetën e njerëzve,” deklaroi ai.

Kryetari i ri i Bogovinës theksoi se do të punojë çdo ditë me përkushtim, dashuri dhe vizion për qytetarët, duke u zotuar se do ta çojë përpara komunën me energji të re dhe entuziazëm.

“Ky është premtimi ynë ndaj jush – ta kthejmë komunën në punë. Ju më keni dhënë një besim të madh, dhe askush nuk guxon ta nëpërkëmbë këtë besim, duke filluar nga unë i pari,” shtoi Abazi.

Ai u shpreh i bindur se përpara komunës qëndron një periudhë e re zhvillimi dhe përparimi, e cila do të përballet me shumë sfida, por edhe me mundësi të mëdha për ndryshim.

“Nga sot fillon koha jonë – koha e gjeneratës së re,” përfundoi Feti Abazi, duke u bërë thirrje qytetarëve që bashkërisht t’i kthehen punës për të mirën e komunës së Bogovinës.

https://www.facebook.com/share/p/1Cd3eeVR8q/

Lajme

Grabitje me armë në Prishtinë, Kolumbianes i merren 10 mijë euro

Një rast i rëndë grabitjeje është raportuar mbrëmjen e së hënës në kryeqytet. Sipas informacioneve, ngjarja ka ndodhur dje, në intervalin kohor 20:00–20:40, në rrugën “Halil Alidemaj” në Prishtinë.

Viktima, shtetasja kolumbiane A. J. Z.O., rreth 26-vjeçare, ka raportuar se është grabitur nën kërcënimin e armës së zjarrit nga tre persona të panjohur, të cilët, sipas saj, kanë vepruar pa maska. Ajo ka deklaruar se autorët i kanë marrë shumën prej 10 mijë eurosh.

Menjëherë pas raportimit, në vendin e ngjarjes kanë dalë njësitet patrulluese, hetuesit e rajonit të Prishtinës, Njësia e Hetimeve të Krimeve të Rënda (NJHP) si dhe forenzika rajonale, për sigurimin e provave materiale dhe gjurmëve të mundshme.

Rasti është konfirmuar për Prokurorin Kujdestar të Krimeve të Rënda dhe është iniciuar hetimi për veprën penale “Grabitje”. Hetimet janë në zhvillim dhe policia po punon në identifikimin e autorëve.