Lajme

Latifi: Më herët shqiptarët votonin për maqedonas, sot e kanë mundësinë ta votojnë një shqiptar për President!

Sot në emsisionin Pastel në TV21 ka qenë i ftuar Elon Latifinga POPULLI.mk, ku ka diskutuar me mysafirin tjetër dhe moderatorin për fushatën zgjedhore e cila po zhvillohet në Maqedoninë e Veriut në prag të zgjedhjeve presidenciale dhe parlamentare, shkruan POPULLI.mk

Latifi u shpreh se tash është koha që të votohet për njërin nga kandidatët shqiptar dhe jo si në të kaluarën kur shqiptarët ia jepnin votën kandidatit maqedonas për t’u zgjedhur president.

“Më herët shqiptarët kanë votuar për kandidat maqedonas por tash e kemi mundësinë që të votojmë për kandidat shqiptar. I kemi dy figura të ngritura intelektualisht dhe me profesion që e kanë dëshmuar veten. Kështu që i kemi dy kandidatë shqiptarë që mund t’ua japim votën lirë, ose z.Taravari ose z.Osmani, ndërsa dy frontet që ndahen si Fronti Europian dhe VLEN aty do të vendosin qytetarët.” / © POPULLI.mk

Lajme

CNN: Shpërthime dëgjohen mbi Tel Aviv

Shpërthime janë dëgjuar mbi Tel Aviv. Kjo pasi Izraeli paralajmëroi se kishte zbuluar raketa që po vinin nga Irani.

Pamjet në Reuters treguan mbrojtjen ajrore të Izraelit duke u përpjekur të kapte predha në qiell.

Është pak pas orës 1 të mëngjesit sipas orës lokale në Izrael.

Lajme

Incident me thikë në Çair, ka të plagosur

Në orët e para të mbrëmjes së sotme, një incident ka ndodhur në lagjen Çair të Shkupit, në afërsi të marketit VERO.

Sipas informacioneve jozyrtare, një person është plagosur me thikë, ndërsa dy të tjerë janë dërguar në spital me autoambulancë për ndihmë mjekësore.

Në vendin e ngjarjes kanë ndërhyrë menjëherë njësi të shumta të policisë dhe ekipe të ndihmës së shpejtë. Rrethanat dhe motivet e incidentit janë ende të paqarta, ndërsa autoritetet po hetojnë ngjarjen.

Lajme

CNN: Izraeli po pret të shohë nëse ShBA do ta ndihmojë në sulmin ndaj Iranit

Disa ditë pas sulmeve të Izraelit ndaj Iranit dhe programit të tij bërthamor, zyrtarë të lartë izraelitë po presin për të mësuar nëse Presidenti i SHBA, Donald Trump, do t’i ndihmojë për ta përfunduar punën.

Kështu raporton “CNN” duke cituar një zyrtar të lartë izraelit:

“Ne po presim vendimin e presidentit”.

Zyrtarët amerikanë dhe izraelitë kanë qenë në komunikim të vazhdueshëm rreth ecurisë së operacioneve ushtarake izraelite në Iran dhe mundësisë së përfshirjes së SHBA-së.

Por dy zyrtarë izraelitë thanë se kryeministri izraelit, Benjamin Netanyahu, nuk po e nxit në mënyrë të drejtpërdrejtë Trump-in që të miratojë sulme amerikane ndaj objektit bërthamor të Fordow, i cili ndodhet nën një mal.

“I gjithë operacioni bazohet në supozimin se SHBA do të bashkohet në një moment,” – tha një zyrtar i tretë izraelit.

Zyrtarët izraelitë këmbëngulin se Izraeli ka edhe opsione të tjera për të shkatërruar ose të paktën për të paaftësuar përkohësisht objektin bërthamor të Iranit në Fordow, por asnjë prej tyre nuk ka gjasa të jetë aq efektiv sa një sulm nga bombarduesit strategjikë amerikanë me bomba depërtuese prej 30,000 paundësh.