Lajme

Shënohet 100-vjetori i xhamisë “Burmali” – bërthama e identitetit qytetërimor të Shkupit

Në përputhje me shpalljen e vitit 2024 si vit i shënimit të kthesave të mëdha historike për shqiptarët, ITSHKSH sot shënoi 100-vjetorin e rrënimit të xhamisë “Burmali”, duke hapur kështu një cikël aktivitetesh kulturore dhe shkencore, që nisën me promovimin e pullës postale me figurën e xhamisë “Burmali” në kuadër të aktivitetit të sotëm.

Në fjalën e tij të rastit, drejtori i ITSHKSH Skender Asani, paraqiti një pasqyrë historike për duke u bazuar në fakte dhe dokumente të gjetura në arkivat të rajonit. “Me rrënimin e xhamisë Burmali, më 1924, u bë përpjekja për ta rrënuar dhe betonizuar identitetin shqiptar në Shkup. Pushteti serb e rrënoi xhaminë, e mbylli Xhemietin dhe kështu e vijoi planin për realizimin e reformës agrare dhe kolonizimin, që në thelb kishte për qëllim t’i shpërngulë shqiptarët nga vatrat e tyre autoktone”, deklaroi drejtori i Institutit, Dr. Skender Asani.

Këtë ngjarje e nderoi dhe përfaqësia e Bashkësisë Fetare Islame, në cilësinë e së cilës myftiu i Shkupit Qenan Ismaili vlerësoi rëndësinë e rezistencës aktive kundrejt angazhimeve të ndryshme historike dhe aktuale për tjetërsimin e vendit dhe shoqërisë, duke falënderuar veçanërisht Institutin për përpjekjet e tij në këtë drejtim.

Ndërkaq, këshilltari shkencor i ITSHKSH Zeqirija Ibrahimi vlerësoi: “Rrënimi i xhamisë “Burmali” nuk është thjesht rrënim i një faltoreje myslimane, sepse në Shkup janë rrënuar mbi 100 të tilla dhe askush nuk i ndërmend. Por, rrënimi i xhamisë “Burmali” është njësoj sikur t’i rrënohet Romës Koloseumi ose Kisha e Shën Pjetrit, sikur Stambollit t’i rrënohet Aja Sofija ose Parisit t’i rrënohet Porta Triumfale. Xhamia “Burmali” ishte bërthama e identitetit qytetërimor të Shkupit, andaj rrënimi i saj ishte tendencë për ta zhdukur atë shtresë qytetërimore.”.

Në përurimin që iu bë pullës re postale me figurën e xhamisë Burmali, drejtori i Filatelisë së Postës së RMV-së Gani Dardhishta tha se me lëshimin e saj mbahet gjallë kujtimi i kësaj xhamie si një simbol qindravjeçar i qytetit të Shkupit.

Lajme

Shaqiri: Sistemin “Safe City” do ta kontestojmë në Gjykatën Kushtetuese

Deputeti i Aleancës për Shqiptarët, Rijad Shaqiri ka kundërshtuar zbatimin e sistemit “Safe City”, me ç’rast shoferët që bëjnë shkelje në komunikacion do të evidentohen përmes kamerave të sigurisë dhe do të gjobiten.

Shaqiri deklaroi se këtë vendim do ta kontestojnë në Gjykatën Kushtetuese, sepse i njejti diskriminon qytetarët e Shkupit, Tetovës dhe Kumanovës.

“Ky ligj do të zbatohet vetëm për qytetarët në tre komunat si Shkupi, Tetova dhe Kumanova. Po ju bëhet e padrejtë qytetarëve që janë në këto qytete. Do ta kontestojmë këtë ligj deri në Gjykatën Kushtetuese”, deklaroi Shaqiri.

Lajme

Ademi: Kur thamë JO për “Safe City, Dafina trillon duke menduar se të gjithë janë VREDI

Shpifjet për “Safe City” janë përpjekje për të mbuluar boshtin VMRO-VREDI-Levica

Sekretari i përgjithshëm i Bashkimit Demokratik për Integrim, Arbër Ademi, ka reaguar ashpër ndaj, siç i cilëson ai, shpifjeve dhe trillimeve që u shfaqën në opinion publik pas qëndrimit të BDI-së kundër projektit “Safe City” në formën e propozuar nga pushteti.

Sipas Ademit, në momentin kur BDI tha “JO” për këtë projekt, u aktivizua “refleksi i njohur i pushtetit”, duke zëvendësuar argumentet me shpifje dhe përgjigjet me trillime. Ai akuzon përfaqësuesen e VMRO-DPMNE-së, Dafina, se doli publikisht duke fabrikuar pretendime për “takime” dhe “oferta”, duke e shndërruar, siç thotë ai, shtetin në teatër dhe Kuvendin në skenë improvizimesh politike.

“Kur mungojnë faktet, shpiken dialogë; kur s’ka përgjigje, prodhohet tym”, thekson Ademi, duke sqaruar se nuk ka pasur asnjë takim mes kryetarit të BDI-së, Ali Ahmeti, dhe përfaqësueses së VMRO-DPMNE-së, e aq më pak pazare për hyrje në Qeveri.

“Ta sqarojmë pa ekuivok: Kryetari i BDI-së, Ali Ahmeti, nuk ka pasur asnjë takim me të dhe nuk ka pasur kurrë pazare për hyrje në Qeveri. Kaq. Ne nuk jemi VREDI dhe ajo e di mirë këtë”, thekson Ademi.

Sipas tij, e gjithë zhurma mediatike ka një qëllim të qartë politik: të mbulojë realitetin që po konsolidohet në skenën politike, atë që ai e quan boshti VMRO-VREDI-Levica. Ademi vlerëson se po ndërtohet një alibi për të justifikuar një pushtet pa legjitimitet, i mbështetur nga, siç shprehet ai, servilizmi i atyre që qëndrojnë në pushtet me çdo kusht, edhe kur nuk përfaqësojnë askënd përveç interesave personale.

“Kur një koalicion nuk ka legjitimitet, i rritet propaganda. Kur mungon drejtësia, shtohet shpifja”, përfundon reagimin e tij sekretari i përgjithshëm i BDI-së.

Lajme

Flamuri Kuq e Zi/ Pas 20 shkurtit nis gjykimi ndaj Qyrës

Pas 20 shkurtit do të mbahet seanca e parë gjyqësore në rastin e denoncimit për shkelje, të cilën stacioni policor në Strugë e dorëzoi në fillim të dhjetorit të vitit të kaluar kundër kryetarit të Strugës, Mendi Qyra dhe Komunës së Strugës.

Arsyeja është se gjatë shënimit të Ditës së Flamurit Shqiptar më 28 nëntor në Strugë, nuk ishte vendosur flamuri shtetëror.

Gjyqi në Strugë konfirmoi këtë informacion për Alsat. Thanë se në seancë do të thirret Qyra, kundër të cilit është dorëzuar denoncimi dhe parashtruesi i denoncimit, MPB-ja, pas së cilës do të merret vendimi përfundimtar. Të dyja palët do të kenë mundësinë të prezantojnë provat e tyre. E gjithë kjo vjen pasi Gjykata e Strugës pranoi kërkesën e stacionit policor të Strugës për nisjen e procedurës.

Rasti udhëhiqet nga gjyqtarja Jasna Partalkoska. Nëse gjykata konstaton faj, kryetari dhe komuna përballen me gjoba sipas ligjit, për subjektin juridik, në këtë rast Komuna e Strugës nga 20.000 deri në 200.000 denarë, dhe për personin përgjegjës, në këtë rast Mendi Qyra, nga 10.000 deri në 30.000 denarë./ Alsat.mk