Lajme

Ky është shefi i Shtabit zgjedhor të BDI-së, që ua “thajti pështymën” dhe ia ndali opozitës blicat në Tetovë

“Fronti Europian” në zgjedhjet presidenciale të 24 Prillit në Tetovë përmbysi rezultatin duke përmbysur rezultatin në qytetin më të madh të shqiptarëve në Tetovë duke i siguruar Bujar Osmanit 14.726 vota në raport me VLEN-in dhe kandidatin e tyre Arben Taravari 14.030.

Por kush është shefi i shtabit zgjedhorë të BDI-së që ua “thajti pështymën” dhe ua ndali blicat.

Xhemail Jusufi në zgjedhjet e 24 Prillit ishte shef i shtabit zgjedhorë të BDI-së në Tetovë, dhe me një koordinim të jashtzakonshëm me të gjitha shtabet dhe shefat e shtabeve të zonës ata aritën që të fitojnë kryesisht gati të gjitha vendbanimet shqiptare, shkruan Top24

Në një prononcim për Top24, Jusufi shkurt tha:

“Falemnderit çdo qytetari, çdo votuesi dhe çdo aktivisti për çdo sekondë angazhim në qëllimin fisnik për ti thënë Jo Rusisë Po Europës. Jusufi më tej shtoi se 8 Maj do të jetë diçka më e madhe dhe shuumë më ndryshe”.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net