Ministria e Shëndetësisë nënshkroi Marrëveshjen e qirasë me Qyetin e Shkupit për ndërtimin e garazheve shumëkatëshe në kompleksin e klinikave “Nënë Tereza”. Kryetari i Qytetit të Shkupit premtoi se i njejti do të jetë gati në fund të vitit të ardhshëm. Faza e parë njoftoi ai do të përfshijë ndërtimin e dy parkingjeve, në kapacitet prej 500 vendesh parkimi. Njëri do të jetë tek parkingu te Gjinekologjia, që është në anën e majtë të hyrjes dhe tjetri tek kisha. Kurse sa i përket çmimeve tha se ato do të ngelen të njejta.

Orce Gjorgjievski, kryetar i Qytetit të Shkupit

“Parkingjet montuese, në fazën e parë, do të ndërtohen dy të tilla me së paku 500 vende parkimi për fillim. Nëse situata tregon se ka nevojë për vende parkimi shtesë, do të ndërtohet edhe një parking montues. Kjo do të jetë një rregullim i kaosit që ka qenë gjithë këto vite. Potencoj se me çmimet e njejta dhe me shërbime më të mira, këto parkingje do t’i shfrytëzojnë pacientët”.

Ministri i Shëndetësisë Azri Aliu tha se marrëveshja është lidhur për një periusdhë 15 vjeçare me një qira prej 10% të qarkullimit total të realizuar. Qiramarrësi theksoi ai, është i obliguar që para këshillit të Qytetit të Shkupit të propozoj një listë çmimesh për shfrytëzimin e parkimit brenda kompleksit, e cila siç shtoi duhet patjetër të përfshijë bileta për përdorues me qëllime komerciale, për shfrytëzues të shërbimeve shëndetësore brenda kompleksit, për pacientë me sëmundje malinje dhe për të punësuarit në institucione publike shëndetësore

Sinkron: Azir Aliu, ministër i Shëndetësisë

“Bëhet fjalë për një marrëveshje për dhënie me qira të pasurisë së paluajtshme me marrëveshje të drejtëpërdrejtë me Qytetin e Shkupit, me qëllim organizmin, menaxhimin, rregullimin dhe mirëmbajtjen e parkingut në hapsirën e kompleksit klinik ‘Nënë Tereza’ në Shkup. Qyteti i Shkupit ka detyrim që brenda 60 ditësh të dorëzoj një plan veprimi, për zbatimin e aktiviteteve me afate konkrete për implementim”.

Gjorgjievski bëri me dije se javën e ardhëshme do të bëhet ribalanci i buxhetit dhe njëra nga pikat do të jetë pikërisht çështja e parkingut.

Ata gjithashtu potencuan se pas orarit të punës, nëse vërtetohet se kapacitetet mundësojnë parkim rezident, do ta mundësojnë një gjë të tillë.

Ministri Aliu sqaroi se në këtë prjojekt do të implementohet sistemi i mençur i parkimit, me senzorë të integruar në çdo vend parkimi dhe detektim të vendeve të lira, me kamera për regjistrim të automjeteve, aplikacion mobil për rezervim dhe pagesë në kohë reale si dhe lidhje me sistemin fiskal.

Ndeshja midis Schalke 04 dhe Arminia Bielefeld pa një skenë të pazakontë, por gjithnjë e më të zakonshme në futbollin evropian – një pushim të shkurtër gjatë ndeshjes në mënyrë që lojtarët që agjëronin Ramazanin të mund të ndërpresin agjërimin e tyre.

Muaji i zgjedhur nga myslimanët, Ramazani, filloi më 18 shkurt dhe përfaqëson një sfidë të veçantë për sportistët profesionistë. Edhe pse Islami u lejon sportistëve të kompensojnë agjërimin e humbur më vonë, vendimi për të agjëruar mbetet personal.

Në radhët e Schalkes, gjashtë futbollistë janë duke agjëruar. Trajneri Miron Muslic dhe lojtarët Hasan Kurucay, Moussa Sylla, Adil Aouchiche, Zaid Tchibara, Kenan Karaman dhe Moussa Ndiaye.

Në ndeshjen në shtëpi kundër Bielefeldit, katër prej tyre ishin në formacionin titullar. Gjatë ndeshjes, gjyqtari Tobias Reichel e ndërpreu ndeshjen në minutën e 23-të në mënyrë që lojtarët të mund të merrnin ushqim dhe pije pas perëndimit të diellit.

Kjo praktikë ka qenë e pranishme në ndeshjet e Bundesligës që nga viti 2022, dhe klubet zakonisht bien dakord për të në mënyrë joformale para fillimit të ndeshjes.

Trajneri i Schalkes e falënderoi kundërshtarin e tij për mirëkuptimin, teksa shtoi se agjërimi përbën ende një sfidë shtesë për ekipin.

“Një falënderim i madh për Arminia Bielefeld që tha menjëherë ‘po’ kur erdhi koha për pushimin. Kemi gjashtë lojtarë që po agjërojnë. Është një sfidë, por është një vendim i zemrës”, ka thënë Muslic para fillimit të ndeshjes.

Ai dhe lojtarët e tij nuk hanë ose pinë gjatë ditës deri në perëndim të diellit, dhe koha e agjërimit përcaktohet nga lindja dhe perëndimi i diellit.

Schalke është ndihmuar nga kohët e vona të ndeshjeve deri më tani. Ata luajtën kundër Magdeburgut dhe Furthit në orën 20:30, pas perëndimit të diellit. Megjithatë, ndeshja tjetër sjell një sfidë të re. Schalke luan kundër Hannoverit në orën 13:30 të dielën, që do të thotë se lojtarët që agjërojnë do ta kalojnë gjithë ndeshjen pa ngrënë ose pirë.

Zyrtarë të qeverisë u mblodh sot për të hedhur gurthemelin e kampusit të ri të Universitetit Nënë Tereza. Ky projekt siç u shprehën synon të krijojë një hapësirë më moderne universitare dhe kushte më të mira për studentët dhe stafin akademik. Projekti përfshin hapësira moderne mësimore, laboratorë dhe ambiente të tjera akademike. Kryeministri Hristijan Mickoski u shpreh se arsimi duhet të jetë themeli i zhvillimit të shtetit, duke shtuar se nuk ka ekonomi të fortë pa universitete të forta dhe nuk ka shtet modern pa të rinj të arsimuar dhe të motivuar.

HRISTIJAN MICKOSKI, KRYEMINISTËR

“Qeveria ka sjellë vendim për sigurimin e gjithësej 42 milion eurove për realizimin e këtij projekti. Prej tyre, 40 milion janë të dedikuara për ndërtimin e objekteve, kurse rreth 2 milion janë për mbikqyrjen e ndërtimit. Kampusi i ri do të ndërtohet në një sipërfaqe prej 31 mijë metrash katrorë dhe do të përfaqësojë një kompleks akademik modern”.

Zëvendës kryeministri Bekim Sali deklaroi se arsimi është shtylla më e rëndësishme e shoqërisë tonë.

BEKIM SALI-ZËVENDËSKRYEMINISTËR

‘’Ky aktivitet i sotëm, është një dëshmi se arsimi është një shtyllë e rëndësishmë për shoqërinë tonë, dhe investimi në arsim nuk është vetëm një investim të objekteve apo godianve por është një investim në të ardhmen e një kombi . Rinia, studentët, janë e ardhmja e kombit tonë dhe investimi në ta është për një më të mirë të nesërme’’.

Ministrja e Arsimit dhe Shkencës Vesna Janveska u shpreh se “Nënë Tereza” është universiteti më i ri dhe po e përmirësojnë infrastrukturën, për ti motivuar mësimdhënësit dhe studentët.

VESNA JANEVSKA, MINISTRE E ARSIMIT DHE SHKENCËS

“Po i përmirësojmë kushtet infrastrukturore si për mësimdhënësit ashtu edhe për studentët që të jenë të motivuar. Mësimdhënësit të mund të plotësojnë kushtet nga zgjidhja e re ligjore dhe me këtë të sigurojnë arsim të shkëlqyer dhe kërkime të larta shkencore, që t’ ju përcjellin studentëve dituri dhe aftësi, që të jenë të përgatitur për tregun e punës”.

Ky kampus sipas zëvendës ministres së Transportit do ofroj hapsira moderne, për dije, kërkim shkencor dhe zhvillim akademik.

KALTRINA ZEKOLLI, ZV/MINISTRE E TRANSPORTIT

‘’Sot po hapim një kapitull të ri, sot po vendosim gurëthemelin e kampusit më të madh universitarë në vend një investim rreth 42 milion euro, që do të ofrojë hapësira më moderne për dije, kërkimin shkencor dhe zhvillimin akademik të gjeneratave të ardhshme’’.

Sipas rektorit të UNT-së Bekim Fetajit, ky universitet përfundimisht po e fiton shtëpinë e vet.

BEKIM FETAJI-REKTOR

‘’Me këtë Universiteti Nënë Tereza, e fiton shtëpinë e vete të përherëshme dhe ne sot hapim gurëthemelin i një tempulli të ri të dijes, dhe humanizmit në zemër të Shkupit. Universiteti jonë mbanë me krenari emrin e shenjëtores tonë Nënë Terezë, një figurë midis më influencuese ne aspect global të shëkullit të kaluar’’.

Ky universitet sipas kryetarit të komunës së Cairit Izet Mexhiti, nuk ka rëndësi vetëm për arsimin shqip, por për të ardhmen akademike të shqiptarëve.

IZET MEXHITI-KRYETARË I KOMUNËS SË CAIRIT

‘’Sot po vendosim gurthemelin, e kampusit të Universitetit Nënë Tereza ky është një moment historik sepse sot po vendosim themelet e një kapitullit të ri për arsimin shqip dhe për të ardhmen akademike të shqiptarëve. Me një vlerë prej 42 milion eurosh ky projekt është investimi më i madhë, në arsimin shqip në Maqedoninë e Veriut dhe një nga investimet më të mëdha në rajon’’.

Objekti i Universitetit “Nënë Tereza”, pritet të përfundoj brenda 5 viteve. /SHENJA/