Lajme

Dimitrievski hap shtabet zgjedhore në Pero Çiço dhe B.S. Gojço: Kumanova po e përqafon konceptin qytetar

Me një atmosferë entuziaste dhe mbështetje të madhe nga qytetarët, kryetari aktual i Kumanovës dhe lider i partisë ZNAM, Maksim Dimitrievski, hapi sonte dy shtabe zgjedhore të rëndësishme: në lagjen Pero Çiço dhe në vendbanimin B.S. Gojço.

Këto aktivitete shënojnë fillimin zyrtar të fushatës për zgjedhjet lokale, ku Dimitrievski kandidon për një mandat të ri si kryetar komune. Sipas tij, përkrahja e qytetarëve është dëshmi e qartë se koncepti qytetar që ai përfaqëson po pranohet gjerësisht në Kumanovë.

“Kumanova po e njeh dhe përqafon konceptin tonë qytetar. Në Kumanovë fitojnë qytetarët!”, theksoi Dimitrievski gjatë hapjes së shtabit në B.S. Gojço, ku u prit me entuziazëm dhe duartrokitje nga mbështetësit.

Në shtabin e hapur më herët në lagjen Pero Çiço, ai theksoi se fushata e tij do të jetë pozitive, e ndërtuar mbi rezultate konkrete dhe projekte që kanë përmirësuar jetën në Kumanovë, me synim zhvillimin e mëtejshëm të qytetit.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.