Lajme

Filipçe: Si profesor dhe kirurg, krenar që e ardhmja jonë është në duar të sigurta

Kryetari i LSDM dhe profesori universitar, Dr. Venko Filipçe, përmes një postimi, ndau përvojën e tij si kirurg dhe edukator, duke vënë në pah rëndësinë e formimit të brezit të ri të mjekëve specialistë.

“Si kirurg, çdo ditë është një sfidë e re. Por si profesor, çdo ditë paraqet një mundësi për të transmetuar dije që nuk gjendet në libra,” u shpreh Filipçe. Ai shtoi se një nga aspektet më të rëndësishme të formimit të një mjeku është mësimi për të ruajtur qetësinë dhe për të marrë vendime të sakta nën presion, duke theksuar se në kirurgji shpesh nuk ka mundësi të dytë.

Filipçe u shpreh krenar për rolin e tij si mentor, dhe akoma më shumë për përparimin e specialistëve të rinj. Ai uroi tre nga studentët e tij për progresin e dukshëm dhe përkushtimin që tregojnë çdo ditë në punë.

“Jam krenar që e kam këtë rol dhe edhe më krenar kur shoh se e ardhmja jonë është në duar të sigurta,” theksoi Filipçe, duke dërguar urime për tre specialistët e rinj që, sipas tij, po rriten profesionalisht çdo ditë.

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.