Lajme

Mexhiti: Bit Pazari është themeli i jetës tregtare në Çair, do ta modernizojmë dhe do i përmirësojmë kushtet për tregtarët

Zëvendëskryeministri i parë dhe njëherit kandidati i koalicionit VLEN për kryetar të Komunës së Çairit, Izet Mexhiti sot gjatë vizitës që bëri në Bit Pazar, theksoi rëndësinë e veçantë që ka ky vend për zhvillimin ekonomik dhe social.

“Bit Pazari ka rëndësi të veçantë për Çairin. Këtu çdo ditë punojnë qindra tregtarë, e nga ky treg mbahen mijëra familje. Ky vend ende mbetet qendra kryesore e tregtisë tradicionale, ku fermerët dhe prodhuesit lokal lidhen drejtpërdrejt me qytetarët, duke gjeneruar gjallëri ekonomike dhe duke mbajtur të fortë biznesin e vogël”, u shpreh Mexhiti.

Ai shtoi se Bit Pazari është baza mbi të cilën ndërtohet e gjithë jeta tregtare e Çarshisë.

“Për Çarshinë, Bit Pazari është themeli mbi të cilin ndërtohet jeta tregtare. Çdo aktivitet aty reflekton në zhvillimin e gjithë zonës përreth, duke e mbajtur aktive ekonominë dhe duke i dhënë fuqi familjeve që jetojnë nga puna e ndershme”, deklaroi ai.

Mexhiti paralajmëroi se investimet e ardhshme do të fokusohen në modernizimin e këtij tregu të rëndësishëm.

“Ne e kemi përqendruar vëmendjen tonë tek investimet në Bit Pazar. Synimi ynë është ta modernizojmë, të përmirësojmë kushtet për tregtarët dhe të krijojmë hapësira më funksionale për bizneset. Çdo investim këtu është një hap i drejtpërdrejtë drejt rritjes ekonomike të Çarshisë dhe forcimit të mirëqenies për banorët e Çairit”, theksoi Mexhiti.

Më tej ai u bëri thirrje qytetarëve për mbështetje në zgjedhjet e 19 tetorit.

“Më 19 tetor, me mbështetjen tuaj, do ta vazhdojmë këtë drejtim, që edhe Bit Pazari të jetë vend i zhvillimit, i tregtisë së fortë dhe i fuqisë së ekonomisë lokale”, shtoi Mexhiti.

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.