Lajme

Tronditet Spanja! E gjeti të birin 2 vjeçar të zhveshur, babai i pret fytin logopedit dhe vetëdorëzohet me duart “e lara” me gj*k në polici

Një baba 24-vjeçar ka rënë në prangat e autoriteteve spanjolle në Valencia të Burjassot, si autor i dyshuar i një vrasjeje. I riu ka goditur për vdekje me thikë, logopedin e djalit të tij 2 vjeçar, pas dyshimeve se ai kishte abuzuar me fëmijën.

Autori u vetëdorëzua në polici me duart e lyera me gjak, duke thënë se ka vrarë një person. Dyshimet fillestare të hetuesve sipas mediave vendase, sugjerojnë se babai e vrau logopedin pasi e gjeti fëmijën e tij në klinikë me pantallona të ulura dhe pa pelena, duke besuar kështu se ai kishte abuzuar me të birin.

24 vjeçari, mësohet se i kërkoi logopedit që t’i tregonte pamjet e sigurisë, por ky i fundit refuzoi, dhe më pas ai i preu fytin 32 vjeçarit. Trupi i viktimës u transferua në Institutin e Mjekësisë Ligjore në Valencia , ku do të kryhet një autopsi për të përcaktuar shkaqet e sakta të vdekjes.

Policia ka arritur të gjejë thikën 15 centimetra të gjatë me të cilën dyshohet se është kryer krimi.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net