Lajme

Qamili: Buzhala e Latifi i ofendojnë shqiptarët e Tetovës, vetëm se nuk iu nënshtruan Ali Ahmetit

Nënkryetari i Komunës së Tetovës, Albi Qamili, ka reaguar ashpër ndaj deklaratave të gazetarit kosovar Berat Buzhala, duke e akuzuar atë dhe disa figura të tjera publike nga Kosova se po sulmojnë shqiptarët e Maqedonisë së Veriut dhe veçanërisht Tetovën, transmeton Zyrtare.net

Në një postim publik, Qamili thotë se e njëjta strukturë që, sipas tij, prej vitesh ka sulmuar kryeministrin e Kosovës, Albin Kurti, tani është aktivizuar kundër shqiptarëve të Maqedonisë së Veriut.

Ai kritikon gazetarin Berat Buzhala, analistin Blerim Latifi dhe persona të tjerë, duke pretenduar se kanë heshtur për raste të rëndësishme që kanë prekur shqiptarët në vend, si rastet “Monstra”, “Almiri”, “Alfa”, “Sopoti”, Enciklopedia maqedonase dhe vendosja e monumentit të Car Dushanit në Shkup.

Qamili gjithashtu përmend iniciativën e “Open Balkan”, duke thënë se ata nuk reaguan as atëherë kur, sipas tij, projekti promovohej si vlerë dhe presidenti serb Aleksandar Vučić pritej nga politikanët shqiptarë.

“Por gjejnë kohë t’i ofendojnë shqiptarët e Tetovës, vetëm se nuk iu nënshtruan Ali Ahmetit”, shkruan Qamili në reagimin e tij.

Në fund, nënkryetari i Tetovës thekson se “Tetova e dy universiteteve dhe e qëndresës kombëtare është shkollë politike për Buzhalën dhe të ngjashmit”, duke shtuar se qyteti ka dëshmuar vullnetin e tij politik në pesë ciklet e fundit zgjedhore dhe do ta bëjë këtë sërish sa herë të jetë e nevojshme.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net