Lajme

Negociatat VMRO-VLEN/ E hëna pa negociata midis grupeve të punës – bëhen analizat për përmbajtjen e bisedimeve?!

VMRO-DPMNE dhe VLEN nëpër shtabet e tyre të bëjnë analizat për përmbajtjen e bisedimeve. Kjo ka qenë arsyeja që gjatë ditës së sotme nuk ka patur negociata në nivel të grupeve të punës.

Bisedimet e sotme në nivel të grupeve të punës u paralajmëruan gjatë fundjavës, pas takimit të përfaqësuesve të VMRO-DPMNE-së dhe të koalicionit VLEN.

Mediat njoftojnë se pritet të emërohen përfaqësuesit e dy partive që do të jenë pjesë e grupeve të punës, fillimisht për të harmonizuar programet zgjedhore, kurse më pas për marrëveshjen përfundimtare për formimin e Qeverisë.

Përshtypjet e para janë se negociatat nuk duken të komplikuara. Pavarësisht se koalicioni VLEN zotohet për të shpejtuar eurointegrimet, lidhur me inaugurimin e Presidentes Siljanovska nuk ishin adresuar kritika të ashpra. U potencua se me rëndësi është që Siljanovska e ka nënshkruar deklaratën solemne me emrin kushtetues të vendit.

“Ne i kuptojmë ndjenjat e popullit maqedonas, por nuk ka shans të dytë për një përshtypje të parë për kreun e ri të shtetit. Presidenti i Republikës duhet të jetë shembull i respektimit të Kushtetutës, sidomos kur bëhet fjalë për një profesoreshë të së Drejtës Kushtetuese. Maqedonia e Veriut është anëtare fuqiplotë e Aleancës së NATO-s dhe negociatat me BE-në kanë filluar, por ndryshimet kushtetuese na presin përpara për të vazhduar në rrugën evropiane. Ne nuk kemi nevojë për hapjen e plagëve të vjetra.”, thonë nga VLEN.

Ndryshe pas takimit të së shtunës u tha se bashkëpunimi i ardhshëm VMRO – VLEN do të bazohet sipas tri postulateve – eurointegrimet, zhvillimi i përshpejtuar ekonomik dhe lufta kundër korrupsionit dhe krimit si dhe sundimi i së drejtës./tvklan.mk

Lajme

Demaj: Shumë shpejt pritet koalicion mes LVV-së dhe LDK-së

Duke komentuar zhvillimet në Kuvendin e LDK-së, analisti Emanuel Demaj në emisionin “Click” në RTV21 tha se rikonfirmimi i Lumir Abdixhikut si kryetar i LDK-së i shmang edhe zgjedhjet nacionale.

“Shumë shpejt pritet një koalicion mes Lëvizjes Vetëvendosje dhe Lidhjes Demokratike të Kosovës”, tha ai, duke shtuar se ky koalicion është i mjaftueshëm për zgjedhjen e të gjitha institucioneve.

Lajme

Lumir Abdixhiku i ka mbijetuar shkarkimit nga kryetari i LDK-së

Lumir Abdixhiku është rikonfirmuar si kryetar i Lidhjes Demokratike të Kosovës. Kryetari i katërt në historinë e partisë më të vjetër në Kosovë, i mbijetoi të enjten nismës për shkarkimin e tij.

Në Kuvendin e sotëm morën pjesë rreth 330 delegatë. Aktualisht nuk dihet numri i votave pro dhe kundër Abdixhikut.

Ky Kuvend u ftua pas zgjedhjeve të 7 qershorit. LDK-ja sërish doli e treta. Në inicim nga delegatët u theksua se Abdixhiku ka dështuar si kryetar. E Abdixhiku i akuzoi për sabotazh ata që nisën iniciativën për shkarkimin e tij.

Lajme

Rama kërkon hapje të partisë dhe tregon pse “nuk do e lëshojë timonin”

Kryeministri dhe njëherësh kryetari i PS, Edi Rama, gjatë mbledhjes me drejtuesit politikë socialistë dhe kryetarët e komisioneve parlamentare, theksoi se do t’i jepet jetë një raporti të ri mes qytetarit dhe qeverinë.

Po ashtu kreu i qeverisë foli për hapje të partisë dhe afrimin e njerëzve të rinj, jo vetëm në moshë por edhe në mendësi.

“Të qëndrosh gjatë në pushtet s’mund të nënkuptojë t’u zësh rrugën të rinjve dhe forcave të reja, por t’u hapësh rrugën të rinjve s’do të thotë t’ua dorëzosh Shqipërinë atyre që e shpallin veten forca të reja, vetëm sepse s’kanë qenë ende në pushtet. Do të thotë të hapësh partinë, të hapësh vendimmarrjen, të hapësh procesin qeverisës për njerëz të rinj, jo thjesht në moshë por në mendësi, të krijosh hapësirë për ide të reja, të prodhosh drejtues jo vetëm ndjekës”, tha Rama.