Lajme

“Homazh- nderim për arsimtaren time, ZEDIJE ÇOLLAKU BAJRAMI”

Zonja ZEDIJE ÇOLLAKU BAJRAMI ka ndërruar sot jetë dhe me të ka ikur një LEGJENDË – një grua e shkencës, një grua e ngritur dhe një personalitet i mësuesisë ndërkombëtare.

“Koha, dihet se ndjek sensin e së ardhmes, kujtesa rikthehet herë pas here në skutat e së shkuarës. Në oazin e larmishëm të kujtimeve të mia me theks dhe me të gjitha ngjyrat që ekzistojnë në natyrë, dalin ato që lidhen me vendlindjen e vcanërisht me shkollën. Është e kuptueshme, koshienca nuk mund të ndjejë e të mbajë komplet mbresat e fillimit të shkollës.Duhet thënë se hyrja në shkollë për herë të parë përbën një ndryshim të madh cilësor tek cdo fëmijë.Atë vlerësoj dhe ndjej dhe unë sa herë që kujtoj hyrjen time në klasën e parë në shkollën “Naim Frashëri”në Tetovë në vitin 1971.
Viti i parë karakterizohet nga dinamika. Ai është sa i bukur aq edhe i lodhshëm, ku ndjesi të ndryshme e kontradiktore si: kënaqësia, gëzimi, ankthi, mërzia të shoqërojnë gjatë gjithë kohës. Është një vit i bukur sepse simbolizon hapat e parë që hedh në rrugën që ke zgjedhur të ndjekësh në të ardhmen, e kjo të fal emocione. Pastaj koha duket sikur rrjedh në disa shina e nuk del lehtë prej andej. Në këtë vorbull fëmija etiketon dhe përcakton mësuesin “ideal” për të gjithë periudhën.
“… Jo të gjithë kanë shansin të takojnë mësuesin “ideal”, por ata fatlumë që e gjejnë këtë person, janë të bekuar. Unë jam një njeri me fat dhe e kam takuar mësuesen time ideale në vitet e para të shkollës “Naim Frashëri” në Tetovë.Sa dëgjoj të flitet për mësuesin ideal, menjëherë në mendje më vjen mësuesja ime Zedo Collaku-Bajrami. Jam e sigurtë se shumë mësues janë afër të qenit ideal, por kjo ndryshon nga një nxënës tek tjetri. Për mua, mësuesi “ideal” është dikush që ju bën të argëtoheni me mësimin, dikush që të mbështet dhe shkon përtej detyrës për t’ju shpjeguar. Nga natyra e vet lënda e matematikës në shkolla ka bukurinë e vet, por ka dhe një lloj misteri apo si magji, që një pjesë nxënës i largon, e shikojnë me një sy jo të mirë, që prejarddhjen e ka nga mosnjohja në shkallën e duhur, vështirësia në asimilim, por jo më pak rol vendimtar ka edhe mësuesi. Pikërisht, kjo e fundit mund të flitet e shkruhet për mësuesen time të matematikës, të cilën e takova me mall e dashuri këto ditë në Tetovë. Ajo për katër vite rrjesht ishte mësuesja kujdestare e klasës time. “Po cfarë ka bërë ajo?”mund të bëhet një pyetje nga kushdo. E vecanta e saj ka qënë dhuntia që i bënte nxënësit për vete që ta donin orën e mësimit dhe të mësonin shumë nga ajo. Me një takt të thjeshtë, por të cuditshëm, në klasë, dora e ngritur – jo vetëm ishte sinjal për “Unë e di”, por edhe “mund të provoj”. Me këtë mënyrë ajo bënte që cdo nxënës të kontrollonte veten dhe ajo komplet klasën. Zedo nuk ushtronte kurrë në emër të lëndës së matematikës tek nxënësit influencë e “autoritet” falls. Ajo na aftësoi që në çdo orë mësimi ta ndiejmë e ta donim dhe me çdo temë të re të matematikes na bënte edhe kureshtarë. Ndihen me fat edhe krenare sot e kësaj dite, që Arsimtarja Zedo Collaku – Bajrami ishte për katër vite kujdestarja e klasës time dhe mësimdhënëse e lëndës së matematikës. Nxënësit e shkolles Naim Frashëri, me Arsimtaren e tyre të matematikës kanë marrë pjesë me suksese të shkëlqyeshme edhe në garat federle të asaj kohe. Kam bindjen se çdo nxënës që ka kaluar në duart e saj, e pohon këte që them. . Ne që ju futëm fushës së nderuar të mësuesisë, mendoj se kishim një model për ta përgjithësuar dhe imituar në punën tonë. E takova, u shmallëm. Mosha ka bërë të vetën, por zemra, dashuria nuk e ka lënë. Gjithëcka i qeshnin, fytyra, sytë, dhe teshat. Sa kujtime e sa mall. Ajo vazhdon të jetë një grua e tillë mbështetëse dhe frymëzuese në jetën time dhe unë nuk mendoj se kjo do të përfundojë kurrë.”

Mësuesja ime e shtrenjtë, ZEDIJE ÇOLLAKU BAJRAMI, dhe mësuesja e mbarë shkollave e nxënësve të asajë kohë, të falënderojmë e të kujtojmë pafund për kontributin tënd të ndritshëm dhe na u prefsh me paqë!

Ngushëllime familjes dhe gjithë atyre që kanë pasur fatin ta njohin e të mësojnë nga ARSIMTARJA e popullit!

Lajme

Tregjet plot, qytetarët po përgaditen për festën e Kurban Bajramit

Me afrimin e festës së Kurban Bajramit, qytetarët kanë filluar përgatitjet tradicionale që shoqërojnë këtë ditë të rëndësishme për besimtarët myslimanë. Në tregje dhe dyqane vërehet një gjallërim i shtuar, ku kërkesa për produkte ushqimore dhe ëmbëlsira festive, si bakllavaja, është në rritje. Por krahas atmosferës festive, qytetarët përballen edhe me çmime të ndryshuara të produkteve, ndërsa shumë prej tyre po planifikojnë nëse do të therrin kurban këtë vit. Ne ishim në terren për të parë nga afër se si po përgatiten qytetarët dhe shitësit për Kurban Bajramin dhe se çfarë atmosfere mbizotëron në prag të festës.

Qytetar, shitës

“Interesim ka më shumë tek arrat, edhe tek bonbonat, çokollatat, po harxhohen momentalisht më mirë është si kundër tjera dit, më mirë është. Arrat vjet i kemi pasur 450 denarë ja çmimi përsëri i ke 450 denarë i njëjti çmim është si vjet si sivjet. Po qytetarët normal, ankesa ka, se gjërat e tjera janë më shtrejtë, jo matura, ka harxhime më shumë, tash dy tre festa kanë ardhur përmenjëherë aty është problemi, por përsëri ka interesim harxhohen. Normal me bakllavë, me mysafir, me tana të mirat si krejt edhe ne. Kuptimi është shumë i madh kush e kupton. Duhet me shku me hecë, me bo izaret familjen, e jo vetëm për një ditë. Tash duhet pak më mirë me e vazhdu traditën”.

Qytetar

“Shumë mirë mezi se e presim. Jo jo nuk i kemi renet për kurban, nuk janë edhe shumë shtrenjtë por neve nuk po na e qet me rrogë të vogël. Po takimet me familjarët, tek vllaznia, tek minxhallarët e kështu. Nuk mungon mishi, patjetër mishi është. Ëmbëlsira bakllava e ka vendin e parë. Dashuri, më të mira tana. Po kemi blerë, nësë jo për fëmijët për kë”.

Qytetar

“po, kismet, nuk është i shtrenjtë, mundet edhe me lirë por mirë është. Traditat fetare edhe kombëtare. Krejt, azgjë nuk mungon, krejt janë tradicionale me bakllavë e me krejt”.

Ndërkohë, një shitës ka folur për rritjen e çmimeve. Ai ka thënë se rritja e çmimeve në përgjithësi i ka detyrur që të rrisin edhe ata çmimet e produkteve elementare.

Qytetar, shitës

“Po për festën e bajramit tash marrin bakllavë, kadaif, arra për festat më shumë shkojnë këto, bakllava ka më shumë interesim për bajram,ka interesim më shum se sa ditëve të tjera. Mirë e presim me punë me festë. Po ka dallim te çmimet, janë rrit pak nuk janë si më parë, çdo artikull ka hyp edhe ne e kemi hyp çmimin. Po kanë ankesa, kanë mungesa të rrogave. Po bakllavën, kadaifin ajo është tradita e bajramit, si mos të ketë bakllavë nuk ka bajram”.

Qytetar

“Mir, si zakonisht mirë është, mesiguri po, në krahasim me vitet e tjera mirë është, prapë mirë është. Si zakonisht që i kan bë edhe ne i bëjmë, si të parët e tonë edhe ne. Po zbesoj që mungon dicka krejt janë si zakonisht, në përgjithësi të gjitha nga pak. Po normal, normal, si zakonisht si zakonisht krejt traditat tona që janë shqipëtare, krejt ato. Po në atë kuptimin e plotë dihet fetar, me rrëndësi është inshaallah çka është më mirë në këtë vit edhe për në kurban bajram po edhe çdoher të jemi mirë”.

Ndërsajanë duke u përmbyllur blerjet për Kurban Bajram, tregjet vazhdojnë të jenë të mbushura me lëvizje dhe gjallëri. Atmosfera e festës po ndihet gjithnjë e më shumë në çdo cep të qytetit, në pritje të ditës së Kurban Bajramit.

Anida Murati /SHENJA/

Lajme

Interesimi i madh për blerjen e kurbanëve, pavarësisht çmimeve të larta

Tregjet e shitjes së kurbanëve nuk janë mbushur veç me kurbana, por janë mbushur edhe me qytetarë që, pavarësisht sfidave ekonomike dhe rritjes së çmimeve, vazhdojnë ta ruajnë me përkushtim këtë traditë fetare.

MEVLUDIN IMERI –GAZETAR

Në vigjilje të festës së Kurban Bajramit, interesimi për blerjen e kurbanëve nga ana e qytetarëve është rritur, e kjo vërehet në pikat e shitjes së kurbanëve. Çmimi i kurbanëve, varion nga lloji dhe madhësia e kafshës që qytetarët e duan. Por, se ka dallime në çmime nga viti i kaluar, e pranojnë edhe vet shitësit.

Edhe qytetarët e konfirmojnë ndryshimin e çmimeve nga viti në vit, por thonë se Kurban Bajrami mbetet një obligim shpirtëror dhe një traditë që nuk mungon në familjet e tyre.

BLERËS

E pam që morët kurban? A prisni për çdo vit kurban Po presim për çdo vit, këtë vit do të prisni dele? Po kismet. A e vëreni dallimin në çmime, po ka dallim, lëviz çmimi për çdo vit.

Shitësit shprehen të kënaqur nga interesimi i qytetarëve por e pranojnë edhe faktin se çmimet kanë ndryshuar për dallim nga viti i kaluar.

SHITËS

A ka interesim? Po, ka interesim, ai që e ka menden me ble, vjen nuk bën shumë pauar e merr shkon, Allahu ishalla ja ban kabull. Çmimi ka pak dallim, po malli i mirë gjithmonë vlerësohet. Fillojnë nga 250, 300, 350, ka edhe 200, po simbas mallit edhe pazari.

Për shumë besimtarë, prerja e kurbanit nuk është vetëm një rit fetar, por edhe simbol i solidaritetit, sakrificës dhe ndihmës për familjet në nevojë. Ndërsa festa afrohet, atmosfera festive dhe përgatitjet për kremtim tashmë ndihen në çdo treg të shitjes së kurbanëve.

Lajme

MPB del me sqarim për të shtënat në Haraçinë

Rasti i djeshëm në Haraçinë i cili bëri bujë në opnion, ku policia ka shtënë me armë zjarri, pasi të njëjtët kanë tentuar ta ndalojnë një kamion, i cili ishte i ngarkuar me dru, sot nga Ministria e Punëve të Brendshme kanë dalë me sqarim rreth ngjarjes. Sipas MPB-së, policia gjatë ditës së djeshme ka shtënë me armë në formë paralajmëruese gjatë ndjekjes së një personi të dyshuar për kontrabandë me dru.

MINISTRIA E PUNËVE TË BRENDSHME

“Më 24.05.2026 rreth orës 12:00, në hyrje të fshatit Haraçinë, në rajonin e Shkupit, zyrtarët policorë i kanë dhënë shenjë për ndalim një kamioni të ngarkuar me dru, por shoferi nuk është ndalur dhe ka vazhduar lëvizjen. Më pas, shoferi e ka drejtuar kamionin drejt policëve dhe automjetit zyrtar, pas së cilës policët kanë shtënë plumba paralajmërues në ajër. Shoferi i ka shkarkuar drutë në rrugë dhe është larguar me automjetin në drejtim të panjohur. Nuk ka persona të lënduar, ndërsa drutë i janë dorëzuar Policisë Pyjore. Po ndërmerren masa për gjetjen e shoferit dhe automjetit”.

Reagim për këtë ngjarje ka bërë edhe kryetari i komunës së Haraçinës, Daut Beqiri, i cili thotë se çdo aksion nga policia duhet të zhvillohet me profesionalizëm dhe kujdes maksimal ndaj sigurisë së qytetarëve.

DAUT BEQIRI, KRYETAR I KOMUNËS SË HARAÇINËS

“Menjëherë pas rastit të ndodhur në Haraçinë, dola në vendin e ngjarjes për ta parë nga afër situatën dhe për të biseduar me qytetarët. Fatmirësisht nuk pati të lënduar, por shqetësimi tek banorët ishte i madh, pasi ngjarja ndodhi në një zonë të banuar me familje. Si kryetar komune, jam për zbatimin e ligjit dhe ruajtjen e rendit, por çdo aksion duhet të zhvillohet me profesionalizëm dhe kujdes maksimal ndaj sigurisë së qytetarëve”.

Beqiri kërkon nga institucionet kompetente që rasti të shqyrtohet me seriozitet, në mënyrë që siç tha, raste të tilla të mos përsëriten dhe qytetarët të ndihen të sigurt në vendin e tyre.