Lajme

Netanyahu: Ne jemi afër përmbushjes së qëllimeve tona

Kryeministri i Izraelit, Benjamin Netanyahu, deklaroi të dielën se vendi i tij është pranë përmbushjes së objektivit strategjik për të neutralizuar kërcënimet kryesore që vijnë nga Irani: raketat balistike dhe programi bërthamor.

Netanyahu theksoi se nuk do të lejojë që fushata ushtarake të shndërrohet në një luftë të zgjatur, por as nuk do ta përfundojë para kohe.

“Ne jemi shumë, shumë afër kompletimit të objektivave tona,” tha ai. “Kur ato të arrihen, luftimet do të ndalen”, tha ai, raporton Reuters, transmeton Klankosova.tv.

Ai e përshkroi regjimin iranian si një kërcënim ekzistencial për Izraelin dhe tha se operacioni ushtarak është i domosdoshëm për të mbrojtur sigurinë kombëtare. Netanyahu konfirmoi se qendra bërthamore “Fordow” është dëmtuar rëndë nga sulmet amerikane, por se vlerësimi i plotë i dëmeve ende pritet.

Sa i përket uraniumit të pasuruar të Iranit në nivelin 60 për qind, Netanyahu tha se është një element kyç i programit bërthamor iranian dhe se Izraeli ka “të dhëna interesante të inteligjencës” për këtë, pa dhënë detaje të mëtejshme.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net