Sport

Milevski shpall listën: Pesë shqiptarë në përfaqësuese, debuton mesfushori i Shkëndijës

Përfaqësuesja e Maqedonisë së Veriut do të zhvillojë dy ndeshjet e para të shtatorit, në këtë arenën ndërkombëtare, një miqësore dhe një të vlefshme për kualifikimet e Botërorit, njofton Telegrafi.

Përfaqësuesja e Maqedonisë së Veriut fillimisht më 4 shtator do të përballet me Arabinë Saudite në Pragë, ndërsa tre ditë më vonë, më 7 shtator, në Shkup do të presin Lihtenshtajnin në një takim zyrtar.

Përzgjedhësi Bllagoja Milevski ka publikuar listën me 26 futbollistë, ku bie në sy pjesëmarrja e disa prej emrave të futbollistëve shqiptar: Kapiteni i ekipit, Enis Bardhi, Ezgjan Alioski, Visar Musliu, Isnik Alimi dhe Lirim Qamili.

Krahas tyre, lajmi më i madh vjen nga Shkëndija e Tetovës, pasi Reshat Ramadani është ftuar për herë të parë në përfaqësuesen “A”, duke shënuar debutimin e tij në listën e Milevskit. Mesfushori 22-vjeçar shpërblehet për paraqitjet e mira në klub, duke u konsideruar si një nga prurjet më të rëndësishme të reja.

Në listë figuron gjithashtu edhe Elmir Rastoder nga klubi zviceran Thun, po ashtu debutues me fanellën kuqeverdhë.

Lajme

Parisi feston! PSG kalon Bayern dhe prek finalen e Champions

PSG është finalistja e dytë e Champions League. Pasi fitoi 5-4 në ndeshjen e parë, ekipi i Luis Enrique barazoi 1-1 ndaj Bayern në takimin e kthimit. Sfida u zhbllokua shumë shpejt me anë të Dembele, pas një asisti të Kvara.

Bavarezët ushtruan presion disa herë por nuk mundën dot që të futeshin në lojë, pasi goli i barazimit erdhi vetëm në fund dhe mban firmën e Kane. Feston PSG, e cila shkon në finale dhe do kërkojë suksesin e dytë radhazi në këtë kompeticion. PSG-Arsenal luhet me 20 maj në Budapest.

Lajme

Shkëndija e Tetovës kalon në finale të Kupës, eliminon skuadrën nga Haraçina

Shkëndija – Sileksi do të jetë finalja e edicionit të sivjetshëm në Kupën e Maqedonisë së Veriut.

Skuadra tetovare arriti të triumfojë edhe në ndeshjen e kthimit ndaj Shkëndijës së Haraçinës, duke marrë fitore me rezultat 0:2 në Kumanovë dhe me shifra të përgjithshme 5:2 avanson në finalen e madhe. Dy golat e triumfit për tetovarët i realizuan Spahiu dhe Ndzegue në 5 minutat e fundit të sdifës.

Në anën tjetër, Sileksi u kualifikua në finale, pasi në takimin e kthimit mundi Ohridin me golin e vetëm të Dodevit dhe me rezultat të përgjithshëm 2:1 merr biletën për verdiktin final.

Ndeshja finale e Kupës së Maqedonisë ndërmjet Shkëndijës dhe Sileksit do të luhet me 20 maj në arenën “Todor Proeski” në Shkup. /Sportmania/

Sport

BEFASI NË TETOVË: Shkëndija mundet nga Bashkimi

Një surprizë e madhe është regjistruar në Tetovë, ku Bashkimi arriti të befasojë Shkëndijën, duke shkaktuar një nga rezultatet më të papritura në kampionat.

Bashkimi arriti ta mposht me rezultat prej 3-2 Shkëndijën në terrenin e saj.

Kjo humbje për Shkëndijën vjen si një goditje në garën për kreun, ndërsa Bashkimi dëshmon se mund të jetë faktor i rëndësishëm në fazën përfundimtare të sezonit.