Lajme

Komisioni rekomandon mbajtjen e maskave në spitale dhe shtëpitë e pleqve

Bartja e detyrueshme e maskave mbrojtëse në objektet shëndetësore dhe shtëpitë e të moshuarve dhe ndalimi i vizitave në spitalet dhe shtëpitë që kujdesen për të moshuarit, janë rekomandimet e sotme të Komisionit për Sëmundje Infektive. Kryetari i Komisionit, Aleksandar Petliçkovski në konferencë për media pas seancës së Komisionit, tha se momentalisht ka rritje të numrit të të infektuarve me grip por se aktualisht nuk ka rrezik për gjendjen e përgjithshme të shëndetit publik.

ALEKSANDAR PETLIÇKOVSKI KRYETARI I KOMISIONIT PËR SËMUNDJET INFEKTIVE

“Për sa i përket situatës së gripit, aktualisht kemi një rritje të numrit të rasteve krahasuar me javën e kaluar dhe në krahasim me numrin mesatar të rasteve në 13 vitet e fundit. Kemi hyrë në sezonën e gripit dhe duhet të mendojmë sërish për mbrojtjen e personave më të cenueshëm, pra të moshuarve mbi 65 vjeç, personave me sëmundje kronike dhe i ftojmë nëse nuk e kanë përfunduar vaksinimin në periudhën e fundit, të mbrohen tani me marrjen e vaksinës së gripit”.

Sa i përket kollës së mirë Petliçovski tha se në vend mbeten të regjistruara dy raste.

ALEKSANDAR PETLIÇKOVSKI KRYETARI I KOMISIONIT PËR SËMUNDJET INFEKTIVE

“Sa i përket kollës së mirë, mbetemi tek dy rastet, një vajzë e lindur në vitin 1984 dhe një foshnjë gjashtë muajshe, të dy rastet janë të pavaksinuar dhe janë në gjendje të mirë”.

Sipas Petliçovskit mbetemi në mbulimin me vaksinim me 83.9% dhe u bëri thirrje prindërve që të vaksinojnë fëmijët e tyre. Petliçkovski tha se sipas numrit të rasteve, gripi e kalon edhe Covid-in. Ai njoftoi se deri më sot nga gripi kanë vdekur gjashtë persona, të cilët nuk kanë qenë të vaksinuar me vaksinën e gripit sezonal dhe disa prej tyre kanë qenë të moshuar me sëmundje shoqëruese.

Lajme

NPK Tetovë në aksion për pastrimin e lumit Shkumbin, në terren edhe kryetari Kasami dhe drejtori Bislimi

NPK Tetovë në aksion për pastrimin e lumit Shkumbin, në terren edhe kryetari Kasami dhe drejtori Bislimi

NPK Tetovë ka zhvilluar aksion për pastrimin e mbeturinave në lumin Shkumbin, kositjen e kullosës dhe mirëmbajtjen e hapësirave përreth lumit.

Në terren ishte edhe drejtori i NPK Tetovë, dr. Samet Bislimi, ndërsa ekipit iu bashkua edhe Kryetari i Komunës së Tetovës, z. Bilall Kasami.

Aksioni është pjesë e punës së vazhdueshme të NPK-së për mirëmbajtjen e hapësirave publike dhe një mjedis më të pastër në qytet.

Bashkë për një Tetovë më të pastër dhe më të mirë! 🌿

https://www.facebook.com/share/r/1EWC6nXwCL/?mibextid=wwXIfr

Lajme

‘Fluturoi’ 119 km/h në zonën 50 km/h, arrestohet 23-vjeçari në Tetovë

Një 23-vjeçar nga fshati Gjermë është arrestuar në Tetovë pasi është kapur duke drejtuar automjetin me shpejtësi prej 119 km/h, në një pjesë të bulevardit „Vidoje Smilevski Bato“ ku kufizimi është 50 km/h.

Policia e ka ndaluar E.A. më 18 shtator në ora 06:14.

Me udhëzim të prokurorit publik, ai është privuar nga liria nën dyshimin për veprën penale „ngasje e pakujdesshme e mjetit motorik“, sipas nenit 297-a të Kodit Penal.

Pas dokumentimit të rastit, ndaj tij do të vijojë parashtresa përkatëse.

Lajme

“Interex” mori dritën jeshile për të blerë “Tinex”, përfshirë “SuperTinex”, “Tinex Delikates”, “Konto” dhe “Spot”

Komisioni për Mbrojtjen e Konkurrencës ka dhënë dritën jeshile për përqendrimin përmes të cilit kompania kosovare “Proeks Internacional” synon të marrë kontrollin mbi “Tinex Market” SHPK Shkup, thuhet në vendimin e miratuar nga anëtarët e Komisionit.

Nga vendimi bëhet e ditur edhe struktura e transaksionit të planifikuar. Më 2 korrik të këtij viti është nënshkruar një letër qëllimi ndërmjet “Tinex-MT”, si shitës, dhe “Proeks Internacional”, si blerës, përmes së cilës palët janë dakorduar për kushtet kryesore komerciale për marrjen e biznesit të shitjes me pakicë të supermarketeve të “Tinex” në Maqedoni.

Në dokument specifikohet se transaksioni përfshin biznesin që operon, ndër të tjera, me emrat “Tinex”, “SuperTinex”, “Tinex Delikates”, “Konto” dhe “Spot”.

Pas nënshkrimit të letrës së qëllimit, më 14 korrik 2026, “Tinex-MT” ka regjistruar shoqërinë e re “Tinex Market” SHPK Shkup, e cila, sipas vendimit, është krijuar për të shërbyer si mjet për marrjen në kontroll dhe vazhdimin e operimit të këtij biznesi.

Biznesi i shitjes me pakicë, ose pjesët përkatëse të tij, pritet t’i vihen në dispozicion shoqërisë së re në përputhje me kushtet e dakorduara dhe dokumentacionin përfundimtar të transaksionit.

“Proeks Internacional” është kompani me seli në Prishtinë, aktiviteti kryesor i së cilës është tregtia me pakicë në dyqane të paspecializuara, kryesisht me ushqime, pije dhe produkte të duhanit.

Kompania është pjesë e “Proeks Group”, një grup biznesi kosovar i diversifikuar, aktiv në tregti, distribucion, shitje me pakicë, logjistikë dhe sektorin e energjisë. Grupi merret gjithashtu me importin dhe distribuimin e mallrave të konsumit të gjerë, menaxhimin e rrjeteve të supermarketeve, si dhe tregtinë, magazinimin dhe distribuimin e derivateve të naftës.

Një tjetër detaj interesant është se “Proeks Internacional” dhe grupi të cilit i përket deri më tani nuk kanë pasur subjekte të lidhura të regjistruara në Maqedoni, ndërsa gjatë vitit 2025 nuk kanë realizuar të ardhura në tregun maqedonas.

Njoftimi për përqendrimin i është dorëzuar Komisionit më 10 gusht dhe është plotësuar një ditë më vonë. Komisioni më pas e ka shqyrtuar transaksionin dhe ka konstatuar se janë plotësuar kushtet ligjore për miratimin e tij.

Me këtë vendim, praktikisht është hequr pengesa nga aspekti i mbrojtjes së konkurrencës për realizimin e blerjes së planifikuar të biznesit të shitjes me pakicë të “Tinex” nga kompania kosovare “Proeks Internacional”.