Lajme

Aprovohet subvencioni me vlerë 11 milion euro për NQP Shkup

Këshilli i Qytetit të Shkupit pasditen e sotme ka votuar për subvencione në vlerë prej 11 milionë euro për NQP Shkup. 25 këshilltarë kanë votuar “pro” në seancën e dytë të jashtëzakonshme të mbajtur sot. Shoferët e autobusëve do ti kthehen sot pasdite, pas orës 17:30.

Këshilli i Qytetit të Shkupit paraprakisht nuk ka miratuar subvencionet për NQP, mjete që duhet të përdoren për pagimin e pagave të prapambetura të punonjësve të
transportit publik.

Në mbledhjen e sotme të Këshillit, 22 këshilltarë votuan “pro” për subvencionet, ndërsa13 këshilltarë nga VMRO-DPMNE abstenuan. Në këtë mënyrë subvencionet nuk
kaluan.

Punonjësit e NQP-së nga sot kanë nisur një grevë për shkak të pagave të papaguara të muajit dhjetor. Sot, transporti publik ishte i disponueshëm vetëm midis orës 4:50 dhe
9:00 për të çuar studentët në shkollë. Në disa ndalesa anembanë Shkupit, ka një numër në rritje të njerëzve që presin në stacione, duke shpresuar për një autobus./KlanMacedonia

Lajme

“Merimanga” në aksion, largohen 135 makina në Qendër të Shkupit

135 makina të parkuara në mënyrë të parregullt janë larguar me automjetet speciale “Merimanga” në territorin e Komunës Qendër të Shkupit, gjatë javës së kaluar. Sipas Ndërmarrjes Publike “Parkingjet e Komunës Qendër”, automjetet janë larguar në periudhën nga 5 deri më 11 tetor, pasi pengonin zhvillimin normal dhe të sigurt të komunikacionit. Nga ndërmarrja njoftojnë se aksionet do të vazhdojnë çdo ditë, me qëllim rritjen e sigurisë në trafik dhe ndërgjegjësimin e shoferëve për parkimin e duhur.

Lajme

“Shpulla” rikthehet si mjet edukimi në bankat shkollore në Danimarkë

Qeveria e Danimarkës ka paraqitur një projektligj që do t’u lejojë mësimdhënësve të përdorin forcë fizike ndaj nxënësve në situata të caktuara, me qëllim ruajtjen e rendit dhe sigurisë në shkolla.

Sipas Ministrisë së Arsimit, ndërhyrja do të lejohet në rastet kur nxënësit pengojnë rëndë mësimin, rrezikojnë veten ose të tjerët, ushtrojnë dhunë fizike apo dëmtojnë pronën.

Forca fizike do të përdoret vetëm si masë e fundit, pasi të jenë provuar mënyra të tjera të ndërhyrjes. Ajo duhet të jetë proporcionale, sa më e butë dhe të zgjasë sa më pak.

Projektligji u paraqit në parlamentin danez më 8 tetor. Nëse miratohet, rregullat e reja pritet të hyjnë në fuqi në gusht të vitit 2027.
Propozimi ende nuk është miratuar.

Lajme

Digjet vetura zyrtare e zëvendësdrejtorit të Lotarisë Shtetërore

Një veturë zyrtare e Lotarisë Shtetërore të Maqedonisë, e përdorur nga zëvendësdrejtori i përgjithshëm Ahmet Miftari, është djegur gjatë natës, pas mesnate, në Shkup.

Informacioni është konfirmuar edhe nga Ministria e Punëve të Brendshme (MPB), e cila për median „Fokus“ bëri të ditur se bëhet fjalë për një automjet zyrtar të Lotarisë Shtetërore.

„Më 13.10.2026, në orën 02:12, në SPB Shkup, M.A. (42) nga Shkupi ka raportuar se në rrugën ‘Krste Asenov’ në Shkup ishte djegur një automjet i tipit ‘Beijing Beich’, me targa të Shkupit, në pronësi të Lotarisë Shtetërore të Maqedonisë, të cilin ai e kishte drejtuar më parë“, njoftojnë nga MPB.

Zjarri është shuar nga Brigada e Zjarrfikësve, ndërsa policia po ndërmerr masa për zbardhjen e plotë të rastit.