Lajme

Qytetarët nuk mund të mbulojnë shpenzimet për ushqim

Numri i madh i qytetarëve nuk mund të mbushin të plotë shpirten e konsumatorit, sipas vlerësimeve që i bëjnë institucionet relevante dhe sindikatat. Për KLAN MAQEDONI, qytetarët thonë se çmimet janë tepër të larta derisa pagat e vogla.

“Shumë shtrejtë vallahi, shumë, pyet andej pyet këndej, nuk di njeriu çfarë të marrë. Jam duke u habitur, marrë pension 13mijë denar nuk di çfarë të bëjë, as për rrymë as për asgjë nuk mjaftojnë. Vallahi shumë problem”.

“Çmimet e larta. Njerëzit nuk kanë, pa punë, pa rroga, si të jetojmë, për ne jetesa është bërë e vështirë. Çfarë të marrim përpara, duhet veshja mbathja, shtëpia do. Rrogat janë shumë të dobëta”.

“Çmimet diku lartë diku poshtë, nejse mora pak. Me 6.000 denarë dal të blej. Vetëm 6.000 denarë ndihmë sociale marrë. Me ato para nuk mbijetohet por shteti ka marrë teposhtën, ishte i pari mbeti i fundit”.

Disa nga qytetarët thonë se çmimet janë më të larta edhe se në shtetet europiane.

“Nuk ke çfarë të pyesësh, kjo është katastrofë. Çmimet i ki më të larta se në perëndim. Duhet të lësh shumë gjëra, të jetosh më thjesht, përndryshe çmimet janë në qiell. Edhe nëpër markete çmimet i ke më të larta se në perëndim”.

“Çmimet nuk janë të larta janë mjaftueshëm, por rrogat janë të ulëta njerëzit nuk kanë para. Me një rrogë nuk mund t’ja dalësh në muaj. Ka shtrenjtë por ka edhe lirë ai që ka para e merr më shtrenjtë, ai që s’ka merr më lirë. Çfar janë 300 euro rrogë, harxhime bënë një mijë euro, rryma, uji, telefoni, haja, pija, mjeku. Problem jeta është bërë”.

Nga Lidhja e Sindikatave të Maqedonisë, njoftuan se vlera e shportës minimale sindikaliste krahasuar me atë të muaji paraprak është rritur për 641 denarë. Në dhjetor të vitit të kaluar ajo ishte ishte 56.522 denarë , ndërsa për janarin e këtij vitit arrin 57.163 denarë. Nga Sindikata shtojnë se pagat si në sektorin publik ashtu edhe në atë privat duhet të vazhdojnë të rriten për të parandaluar një eksod të fuqisë punëtore, kjo për shkak se vetëm brenda një viti janë larguar nga vendi 12.200 punëtorë ndërtimi dhe e njëjta situatë është edhe në sektorin e hotelierisë dhe turizmit.

Lajme

Ahmeti: Deklaratat e Kurtit për gjuhën shqipe u përdorën nga antishqiptarët, më gërryente në shpirt

Kryetari i Bashkimi Demokratik për Integrim, Ali Ahmeti, ka folur lidhur me statusin e gjuhës shqipe në Maqedonia e Veriut.

Në Debat Plus, Ahmeti tha se qëndrimet e kryeministrit të Kosovës, Albin Kurtit kanë ndikuar në “delegjitimimin” e kërkesave të shqiptarëve dhe i kanë dhënë argumente politike kryeministrit të Maqedonisë së Veriut, Hristijan Mickoski.

Kurti: S’po rrezikohet gjuha shqipe në Maqedoni të Veriut, pasi s’ka qenë kurrë gjuhë zyrtare

Sipas tij, edhe deklarimet se gjuha shqipe nuk ka qenë gjuhë zyrtare kanë krijuar një situatë shqetësuese, duke u përdorur nga qarqe antishqiptare.

Ahmeti u shpreh se kjo ka ndikuar negativisht në të drejtat dhe përfaqësimin e shqiptarëve, duke theksuar se “gjuha po kontestohet dhe nuk përdoret më si më parë në institucione”.

“Që ne na delegjitimoi dhe që u dha argument Kristian Mickoskit dhe fuqi politike, që kryeministri po i mbështesë ata forca politike. Kryeministri i Kosovës po del dhe thotë se gjuha shqipe kurrë s’ka qenë zyrtare. Dhe javë të tëra antishqiptarët më të mëdhenj, e vendosnin në ekran kryeministrin e Kosovës, që mua më gërryente në shpirt, ja kryeministri i Kosovës thotë që gjuha shqipe s’ka qenë zyrtare dhe nuk është.

Ishte kryeministri i Kosovës që shqiptarëve këtu ua hoqi të drejtën legjitime, legjitimitetin… kjo me ka brengosur nga kryeministrit. Sepse i tërë devalvimi i situatës këtu, asnjë hap prapa nuk ka shkuar. Që dy vjet këtu nga një hap shkohet. Kontestohet gjuha, dhe nuk përdoret më, siç është përdorur nëpër institucione. Përfaqësimi i drejtë është heq”, ka thënë Ahmeti.

Këto komente vijnë në një kohë kur debati për gjuhën shqipe është intensifikuar në Maqedoninë e Veriut, pas protestave të studentëve shqiptarë në Shkup, të cilët kërkojnë që provimet profesionale të mund të mbahen edhe në gjuhën shqipe, në përputhje me legjislacionin ekzistues.

Lajme

Ministri izraelit i Mbrojtjes: Lufta me Iranin mund të rifillojë “së shpejti”

Ministri i Mbrojtjes i Izraelit, Israel Katz, ka paralajmëruar se lufta me Iranin mund të rifillojë “së shpejti”, transmeton Anadolu.

“Është e mundur që së shpejti të na duhet të veprojmë përsëri për të siguruar arritjen e objektivave”, tha Katz gjatë një aktiviteti ushtarak në selinë e Ministrisë së Mbrojtjes në Tel Aviv.

“Irani ka pësuar goditje jashtëzakonisht të rënda gjatë vitit të kaluar, goditje që e kanë kthyer vite prapa në të gjitha fushat”, shtoi ai në deklaratat e tij të raportuara nga gazeta Yedioth Ahronoth.

Kërcënimet izraelite për një rifillim të mundshëm të sulmeve ndaj Iranit shihen nga vëzhguesit si pjesë e përpjekjeve për të shtyrë SHBA-në drejt një veprimi të ri ushtarak.

Javën e kaluar, Katz tha se Izraeli po pret një “dritë jeshile” nga SHBA-ja për të rifilluar luftën kundër Iranit.

Sipas Axios, Komanda Qendrore e SHBA-së (CENTCOM) ka përgatitur plane që mund të përfshijnë sulme ndaj infrastrukturës iraniane, si dhe opsione më të gjera si rritja e presionit detar në Ngushticën e Hormuzit.

Propozimet thuhet se synojnë ta detyrojnë Iranin të kthehet në negociata me më shumë fleksibilitet, veçanërisht për çështjen bërthamore.

SHBA-ja dhe Izraeli nisën sulme ndaj Iranit më 28 shkurt, duke nxitur kundërpërgjigje nga Teherani ndaj aleatëve të SHBA-së në Gjirin Persik dhe duke mbyllur Ngushticën e Hormuzit.

Një armëpushim u shpall më 8 prill përmes ndërmjetësimit të Pakistanit, i ndjekur nga bisedime në Islamabad më 11 prill, por nuk u arrit marrëveshje. Presidenti amerikan, Donald Trump, më vonë e zgjati armëpushimin pa një afat të ri, me kërkesë të Pakistanit.

Lajme

Qeveria: Ulja e çmimeve të karburanteve vazhdon deri më 18 maj

Qeveria informon opinionin se, pas diskutimeve me kompaninë OKTA dhe me qëllim të zbutjes së presioneve të çmimeve mbi qytetarët dhe ekonominë, zbritja e karburanteve vazhdon deri më 18 maj 2026.

Kjo është një masë që siguron ulje të çmimeve me pakicë, me zbritjen që arrin në 3 denarë për litër për naftën dhe 2 denarë për litër për benzinat me 95 dhe 98.

Nga Qeveria thonë se mbesin të përkushtuar për të marrë masa në kohë dhe efektive për të mbrojtur standardet e jetesës së qytetarëve, veçanërisht përballë një krize çmimesh të importuara dhe sfidave globale të energjisë.

“Në koordinim me institucionet kompetente dhe operatorët ekonomikë, ne do të vazhdojmë të monitorojmë situatën dhe të reagojmë në përputhje me rrethanat, me qëllim sigurimin e stabilitetit dhe parashikueshmërisë në treg. Kujdesi për qytetarët dhe mbështetja e ekonomisë mbeten përparësia jonë kryesore”, njoftojnë nga Qeveria.