Lajme

Vuçiq i ankohet ambasadorit rus për heqjen e dinarit serb

Presidenti i Serbisë, Aleksandar Vuçiq, ka pritur sot ambasadorin e Federatës Ruse, Aleksandar Bocan-Kharchenko dhe me atë rast e ka njoftuar për heqjen e dinarit serb në Kosovë.
“E informova ambasadoren Bocan-Harçenko për lëvizjen e fundit të njëanshme të Prishtinës, si dhe për pasojat e mundshme të këtij akti”, ka shkruar Vuçiq në Instagram.

Ai tha se është biseduar edhe për marrëdhëniet bilaterale dhe bashkëpunimin ndërmjet Serbisë dhe Federatës Ruse, si dhe për çështje të tjera rajonale dhe ndërkombëtare me interes të përbashkët.

Lajme

Bexheti pyet Stoilkoviqin: A jeni ministër për marrëdhënie mes bashkësive apo për marrëdhënie me Republikën Sërpska?

Deputeti i Frontit Evropian, Blerim Bexheti, nga foltorja e Kuvendit, ka pyetur ministrin për Marrëdhënie mes Bashkësive, Ivan Stoilkoviq, nëse është ministër për marrëdhënie mes bashkësive apo është ministër për marrëdhënie me Republika Srbskën.

Bexheti kërkoi nga Stoilkoviq që të tregojë rezultatet konkrete të Ministrisë dhe punën për ruajtjen e Marrëveshjes së Ohrit.

“Ejani me mua në Kumanovë të shihni se si jetoj me pjesëtarët e komuniteti shqiptar, do të befasoheni, tha Stoilkoviq në kundërpërgjigje, duke akuzuar BDI-në se ka punuar vetëm për shqiptarët.
““Atë që ju keni punuar vetëm për shqiptarët, tani punohet për të gjithë, këtu janë rezultatet dhe mund ta kontrolloni te të gjithë pjesëtarët e bashkësive në shtetin tonë. Nëse ju duhen ende shpjegime, do të ju jap. Unë e di se çfarë ju dhemb. Është humbur, kushtimisht thënë selia e shtetit paralel në Maqedoni, aty ku merreshin të gjitha vendimet”, ka deklaruar Stoilkoviq.

Më pas Bexheti në replikën e tij, deklaroi se ministri nuk duhet të flet për përvojat personale, por për punën e Ministrisë si institucion kolektiv.

“Dëgjoni, me dashamirësinë më të madhe ta them, jo pse jeni serb nga etniteti. Të gjithë jemi njerëz. Ajo Ministri shumë mirë e thatë, është shumë e rëndësishme dhe qeveria VMRO-VLEN ua ka besuar dhe u ka deleguar ato kompetenca juve. Dhe nuk ndërmerret asgjë në afirmimin dhe që është obligim që buron prej Marrëveshjes së Ohrit, ama asgjë. Ajo nuk është personale, qeveria është organ kolektiv”, tha Bexheti.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.