Lajme

Përgatitje për zgjedhjet! Ziadin Sela takon kryetarët e degëve të partisë

Ziadin Sela mbrëmjen e djeshme është takuar me kryetarët e degëve të partisë. Ajo që bie në sy është faktin se në takim ka munguar kryetari i partisë, Arben Tarvari.

Zyrtarisht nga ASH për televizionin Shenja, deklaruan se bëhet fjalë për takim konsultativ me kryetarët e degëve në lidhje me përgatitjet për zgjedhjet parlamentare.

Ky takim vjen në kohën kur kryetari i partisë, Arban Taravari, ditë më parë u takua me përfaqësues të Lidhjes Europiane për Ndryshim në Prishtinë, ndërsa ka deklaruar se atij i është ofruar edhe mundësia të kandidojë për president, por që të njëjtën e ka refuzuar.

Siç dihet në opinion Aleanca për Shqiptarët është në dilemë nëse në zgjedhjet e ardhshme do të garoj së bashku me Lidhjen Europiane për Ndryshim apo të shkojë në koalicion në BDI-në. Opsioni i tretë është që ata të dalin vetëm në zgjedhje.

Lajme

“Merimanga” në aksion, largohen 135 makina në Qendër të Shkupit

135 makina të parkuara në mënyrë të parregullt janë larguar me automjetet speciale “Merimanga” në territorin e Komunës Qendër të Shkupit, gjatë javës së kaluar. Sipas Ndërmarrjes Publike “Parkingjet e Komunës Qendër”, automjetet janë larguar në periudhën nga 5 deri më 11 tetor, pasi pengonin zhvillimin normal dhe të sigurt të komunikacionit. Nga ndërmarrja njoftojnë se aksionet do të vazhdojnë çdo ditë, me qëllim rritjen e sigurisë në trafik dhe ndërgjegjësimin e shoferëve për parkimin e duhur.

Lajme

“Shpulla” rikthehet si mjet edukimi në bankat shkollore në Danimarkë

Qeveria e Danimarkës ka paraqitur një projektligj që do t’u lejojë mësimdhënësve të përdorin forcë fizike ndaj nxënësve në situata të caktuara, me qëllim ruajtjen e rendit dhe sigurisë në shkolla.

Sipas Ministrisë së Arsimit, ndërhyrja do të lejohet në rastet kur nxënësit pengojnë rëndë mësimin, rrezikojnë veten ose të tjerët, ushtrojnë dhunë fizike apo dëmtojnë pronën.

Forca fizike do të përdoret vetëm si masë e fundit, pasi të jenë provuar mënyra të tjera të ndërhyrjes. Ajo duhet të jetë proporcionale, sa më e butë dhe të zgjasë sa më pak.

Projektligji u paraqit në parlamentin danez më 8 tetor. Nëse miratohet, rregullat e reja pritet të hyjnë në fuqi në gusht të vitit 2027.
Propozimi ende nuk është miratuar.

Lajme

Digjet vetura zyrtare e zëvendësdrejtorit të Lotarisë Shtetërore

Një veturë zyrtare e Lotarisë Shtetërore të Maqedonisë, e përdorur nga zëvendësdrejtori i përgjithshëm Ahmet Miftari, është djegur gjatë natës, pas mesnate, në Shkup.

Informacioni është konfirmuar edhe nga Ministria e Punëve të Brendshme (MPB), e cila për median „Fokus“ bëri të ditur se bëhet fjalë për një automjet zyrtar të Lotarisë Shtetërore.

„Më 13.10.2026, në orën 02:12, në SPB Shkup, M.A. (42) nga Shkupi ka raportuar se në rrugën ‘Krste Asenov’ në Shkup ishte djegur një automjet i tipit ‘Beijing Beich’, me targa të Shkupit, në pronësi të Lotarisë Shtetërore të Maqedonisë, të cilin ai e kishte drejtuar më parë“, njoftojnë nga MPB.

Zjarri është shuar nga Brigada e Zjarrfikësve, ndërsa policia po ndërmerr masa për zbardhjen e plotë të rastit.