Sport

Enis Bardhi rikthehet te goli, shënon ndaj Hatayspor në Turqi

Kapiteni i përfaqësueses së Maqedonisë së Veriut Enis Bardhi pas 5 muajve pauzë ka rigjetur rrugën e rrjetës tek Trabzonspori. Shkupjani ka shënuar gol në fitoren 2:0 të ekipit të tij ndaj Hatajaspor, në kuadër të xhiros së 25-të të Superligës turke.

Pjesa e parë e takimit u mbyll me rrjeta të paprekura, ndërsa të dy golat vendasit i shënuan në pjesën e dytë.

Fillimisht Trezegeut në minutën e 49-të zhbllokoi takimin, ndërsa në minutën e 77-të Bardhi me një goditje jashtë zonës, shënoi një gol të bukur për fitore 2:0 të Trabzonsporit.

Me këtë fitore Trabzonspori ngjitet në vendin e tretë në renditje me 40 pikë, 1 më shumë se Beshiktashi i cili renditet i katërti. /SHENJA/

Sport

Shkëndija dënohet rëndë nga FFM-ja! 105 mijë euro gjobë dhe përjashtim nga Kupa

Komisioni Disiplinor i FFM-së ka vendosur një paketë të rëndë dënimesh ndaj Shkëndijës pas ndeshjes së finales së Kupës me Sileksin, përcjell TV21. Sipas FFM-së, klubi është gjobitur me 15 mijë euro për piroteknikë, 10 mijë euro për thirrje nacionaliste, 20 mijë euro për transparencë me përmbajtje naziste, 30 mijë euro për refuzimin e medaljeve dhe sjellje ndaj zyrtarëve, si dhe 30 mijë euro për mosrespektim të himnit dhe sjellje diskriminuese. Në total, Shkëndija dënohet me 105 mijë euro gjoba, por edhe me përjashtim nga Kupa e Maqedonisë për sezonin 2026/27, si dhe katër ndeshje si vendas pa praninë e publikut.

Lajme

Parisi feston! PSG kalon Bayern dhe prek finalen e Champions

PSG është finalistja e dytë e Champions League. Pasi fitoi 5-4 në ndeshjen e parë, ekipi i Luis Enrique barazoi 1-1 ndaj Bayern në takimin e kthimit. Sfida u zhbllokua shumë shpejt me anë të Dembele, pas një asisti të Kvara.

Bavarezët ushtruan presion disa herë por nuk mundën dot që të futeshin në lojë, pasi goli i barazimit erdhi vetëm në fund dhe mban firmën e Kane. Feston PSG, e cila shkon në finale dhe do kërkojë suksesin e dytë radhazi në këtë kompeticion. PSG-Arsenal luhet me 20 maj në Budapest.

Lajme

Shkëndija e Tetovës kalon në finale të Kupës, eliminon skuadrën nga Haraçina

Shkëndija – Sileksi do të jetë finalja e edicionit të sivjetshëm në Kupën e Maqedonisë së Veriut.

Skuadra tetovare arriti të triumfojë edhe në ndeshjen e kthimit ndaj Shkëndijës së Haraçinës, duke marrë fitore me rezultat 0:2 në Kumanovë dhe me shifra të përgjithshme 5:2 avanson në finalen e madhe. Dy golat e triumfit për tetovarët i realizuan Spahiu dhe Ndzegue në 5 minutat e fundit të sdifës.

Në anën tjetër, Sileksi u kualifikua në finale, pasi në takimin e kthimit mundi Ohridin me golin e vetëm të Dodevit dhe me rezultat të përgjithshëm 2:1 merr biletën për verdiktin final.

Ndeshja finale e Kupës së Maqedonisë ndërmjet Shkëndijës dhe Sileksit do të luhet me 20 maj në arenën “Todor Proeski” në Shkup. /Sportmania/