Lajme

Radhë të gjata para Ministrisë së Ekonomisë për të dorëzuar dokumentet për vauçerë turizmi

Interesimi i madh i qytetarëve për ‘ti shfrytëzuar vauçerët e turizmit, ka bërë që ata të presin rradhë për ti dorëzuar dokumentet e nevojshme në ministrinë e ekonomisë. Qytetarët thonë se do të ishte më e kapshme nëse institucionet do ti kishin thjeshtësuar procedurat e grumbullimit dhe dorëzimit të dokumenteve.

QYTETAR

“Është për të ardhur keq, ja në çka po ngjan kjo. Çka është kjo që po na malltretojnë . Në fund të fundit nuk duhet të jepen aspak vauçerë, çka është kjo kush vjen i pari hyn i pari, duhet të funksionojë ndryshe kjo”.

QYTETAR

“Qe 1 orë e gjysë që jam këtu dhe shofim që hyjnë njerëzit para rendit. Është shumë jo korekte, mos organizimi e ekonomisë. Idrejtohem ministrit të ekonomisë nuk ka nevojë edhe aplikim aspak të bëhet, pse të bëjmë aplikim kur të dhënat I ka shteti, I din xhirollogaritë, I dine të ardhurat e njerëzve”.

QYTETAR

“Qe 2 orë po pres, çka të bëjmë, atë pse duhet me ditë shumë mire. Dostoevski e ka shkruar romanin pse po ne nuk po dimë ta komentojmë. Guzhva ka po edhe nuk po punojnë, 5-6 persona marrin rrogë dhe 1 punon. Këtë ndihmë e japin për poena politike”.

QYTETAR

“2 orë që po pres, e din ato shumë mirë brenda”.

QYTETAR

“Unë po pres që 15 minuta. Nuk e di a do të kryejë punë sepse nuk e di deri në sa punojnë. Gjithçka është katastrofë këtu edhe tek ndërrimi i dokumenteve amë edhe këto vauçerë”.

Ka edhe nga qytetarët që mendojnë se këta vauçerë janë shumë të qëlluar dhe siç thonë ata për gjëra të tilla është normale të presësh në këtë mënyrë.

QYTETAR

“Një ndër më të qëlluarat, populli me të vërtet ka nevojë të shfrytëzoje kësi raste, aplikoj për prindërit. Nëse don të marrësh vauçerë duhet të presish pak”.

Ministria e ekonomisë nga e hëna ka shpallur thirrjen publike për ndarjen e vauçerëve për turizëm në vlerë prej 18.000 denarëve për pushime në vendet turistike të RMV, për punëtorët të ardhurat mujore të të cilëve në familje nuk i kalojnë të ardhurat neto prej 50.000 denarëve.

Lajme

Elezi: VLEN po e kthen përfaqësimin e drejtë dhe adekuat në ligj

Përfaqësuesi i VLEN-it, Afan Elezi, ka deklaruar se përfaqësimi i drejtë dhe adekuat nuk është dhuratë politike, por parim kushtetues që buron nga Marrëveshja Kornizë e Ohrit dhe një nga shtyllat kryesore të karakterit multietnik të shtetit.

Sipas tij, për më shumë se dy dekada kjo çështje ka mbetur pa një zgjidhje ligjore të qëndrueshme, duke u trajtuar përmes mekanizmave të përkohshëm dhe interpretimeve të ndryshme, por pa një ligj të veçantë.

“Për gati 23 vite kjo çështje mbeti pa ligj të veçantë. Arsyet i dimë, kishim arnime, mekanizma të përkohshëm dhe interpretime të ndryshme, por asnjëherë ligj”, ka theksuar Elezi.

Ai ka vlerësuar se me ardhjen e VLEN-it në përfaqësimin e shqiptarëve janë hapur procese që, sipas tij, nuk janë iniciuar gjatë dy dekadave të kaluara.

“Për vetëm 24 muaj ne sollëm ligj dhe po e avancojmë Marrëveshjen e Ohrit. Ky është një hap historik dhe një përgjigje serioze ndaj boshllëkut institucional që u krijua pas shfuqizimit të balancuesit”, ka deklaruar Elezi.

Në fund, ai ka bërë thirrje që të gjitha subjektet politike të mbështesin këtë proces, duke theksuar se tashmë është koha për vendime konkrete dhe jo për retorikë politike.

“Ky është momenti kur secili duhet të tregojë nëse është në anën e historisë. Nuk ka më vend për patriotizëm të rrejshëm. VLEN nuk bën zhurmë për të drejtat e shqiptarëve, por i kthen ato në ligj. VLEN shqiptarët po i bën ligj”, ka përfunduar Elezi.

Lajme

Deputetja e VLEN Mimoza Musa merr pjesë në Konferencën e 5-të në Parlamentin Evropian në Bruksel

Deputetja e Kuvendit të Republikës së Maqedonisë së Veriut nga koalicioni VLEN, Mimoza Musa, mori pjesë më 23 dhe 24 qershor në Konferencën e 5-të me temë “Kapërcimi i hendekut ndërmjet pjesëmarrjes politike të të rinjve dhe politikave rinore”, e mbajtur në Parlamentin Evropian në Bruksel.

Në këtë aktivitet, së bashku me deputetë dhe përfaqësues të shoqërisë civile nga vendet e Ballkanit Perëndimor, u diskutuan tema të rëndësishme që lidhen me politikat rinore dhe përfshirjen e të rinjve në proceset vendimmarrëse.

Gjatë punimeve të konferencës, u trajtuan çështje si avancimi i politikave për të rinjtë, sfidat e shëndetit mendor te gjeneratat e reja, si dhe nevoja për rritjen e pjesëmarrjes së tyre në jetën publike dhe politike. Po ashtu, u theksua rëndësia e perspektivës evropiane për vendet e rajonit dhe forcimi i bashkëpunimit ndërmjet Ballkanit Perëndimor dhe Bashkimit Evropian.

Pjesëmarrësit shkëmbyen përvoja dhe ide mbi mënyrat se si mund të krijohen më shumë mundësi për të rinjtë, duke synuar politika më gjithëpërfshirëse dhe më afër nevojave të tyre.

Deputetja Musa vlerësoi rëndësinë e këtyre forumeve ndërkombëtare si hapësira ku ndërtohen ura bashkëpunimi dhe ku forcohet dialogu për të ardhmen e gjeneratave të reja në rajon.

https://www.facebook.com/share/p/1HGPU1rqzd/

Lajme

Ali Ahmeti priti në selinë e BDI-së të riun nga Gostivari, Naser Veliun

Kreu i Bashkimit Demokratik për Integrim (BDI), Ali Ahmeti, priti sot në selinë e partisë Naser Veliun nga Gostivari, nipin e bashkëveprimtarit të tij të hershëm, të ndjerit Naser Veliu.

Gjatë takimit, Veliu u prezantua si elektroinxhinier i diplomuar në universitete prestigjioze në Mbretërinë e Bashkuar. Takimi u vlerësua si një mundësi për bashkëbisedim me të rinj të arsimuar dhe me përgatitje profesionale, të cilët, sipas Ahmetit, përfaqësojnë një brez me potencial për të kontribuar në zhvillimin shoqëror dhe institucional.

Ahmeti theksoi rëndësinë e përfshirjes së të rinjve në procese shoqërore dhe profesionale, duke vlerësuar se kapitali njerëzor i arsimuar jashtë vendit është një vlerë e shtuar për komunitetin dhe vendin.

Në përfundim të takimit, ai i uroi Naser Veliut suksese të mëtejshme në rrugëtimin e tij profesional dhe personal.

Ja postimi plotë:

Sot kisha kënaqësinë ta pres në selinë e BDI-së Naser Veliun, të riun nga Gostivari, nipin e bashkëveprimtarit tim të hershëm, të ndjerit Naser Veliu.

Naseri është elektroinxhinier, i diplomuar në universitete prestigjioze në Angli. Takime me të rinj të arsimuar, të përgatitur profesionalisht dhe me vizion për të ardhmen janë gjithmonë të këndshme dhe japin shpresë se brezat e rinj do të vazhdojnë të kontribuojnë me dije, përkushtim dhe përgjegjësi për zhvillimin e shoqërisë sonë.

I uroj suksese të mëtejshme në rrugëtimin e tij profesional dhe personal.