Lajme

Nëse doni që bateria e iPhone-it tuaj të zgjasë më shumë, atëherë duhet të përdorni patjetër këto dy metoda

Telefonat inteligjentë kanë evoluar shumë që kur Steve Jobs prezantoi iPhone-in e parë në vitin 2007 – por bateria ende mbetet një pikë e dobët edhe pothuajse pas dy dekadave.

Por, si mund ta ruajmë baterinë e iPhone-it dhe të sigurohemi që të zgjasë tërë ditën dhe çdo ditë, transmeton Telegrafi.

Fatmirësisht, Apple ka dy opsione fantastike se si mund ta arrini këtë, dhe asnjëra nga opsionet nuk përfshinë veçorinë ‘saver mode’.

Apple thotë se për të përfituar sa më shumë nga pajisja e juaj, atëherë duhet të rregulloni ndriçimin e ekranit dhe të përdorin Wi-Fi-n në vend të rrjetit telefonik kudo që të jetë e mundur.

“Ekzistojnë dy mënyra të thjeshta për të ruajtur jetëgjatësinë e baterisë – pavarësisht se si e përdorni pajisjen tuaj: rregulloni ndriçimin e ekranit dhe përdorni Wi‑Fi”, thotë Apple.

Zvogëlimi i ndriçimit të ekranit

Zvogëlimi i ndriçimit të ekranit do të zvogëlojë sasinë e energjisë që përdor, pasi mbajtja e panelit të ndezur është një nga harxhimet më të mëdha të baterisë së telefonit tuaj.

Arsyeja që jetëgjatësia e baterisë në celularët modernë nuk është shumë më i mirë se 17 vjet më parë, janë ekranet e mëdhenj me rezolucion të lartë që përdorim tani, të cilët harxhojnë sasi të mëdha energjie.

Përdorni rrjetin e Wi-Fi-s dhe jo rrjetin celular në telefon

Apple këshillon përdoruesit që të përdorin rrjetin e Wi-Fi-s kudo që të jetë e mundur për të ruajtur baterinë kur konsumoni të dhëna.

“Kur përdorni pajisjen për të pasur qasje në të dhëna, rrjeti me Wi-Fi përdor më pak fuqi se sa një rrjet ceular”, potencoi gjiganti teknologjik. /Telegrafi/

Lajme

Dimitrievski: Përkatësia etnike nuk duhet të jetë privilegj për punësim

Kryetari i Komunës së Kumanovës dhe kryetari i Lëvizjes ZNAM, Maksim Dimitrievski, sot nga Kumanova tha se të gjithë duhet të përpiqen për cilësi në punësim, për t’i dhënë mundësi punësimi më të mirëve, pavarësisht se cilës bashkësi etnike i takojnë

Dimitrievski, duke iu përgjigjur pyetjeve të gazetarëve pas manifestimit qendror të Kushtit përkujtimor, theksoi se nuk mund të komentojë vendimin e Gjykatës Kushtetuese.

“Sa për “balancuesin” nuk kam çfarë të komentoj këtu. Qëndrimi i subjektit tim politik që e di, i përfaqësuesve në pushtetin ekzekutiv që përfaqësojnë politikat tona është i qartë. Të gjithë qytetarët duhet të kenë të drejta të barabarta dhe përkatësia etnike nuk duhet të jetë privilegj për disa në fushën e punësimit, përveç avokimi për sasinë politike, në thelb duhet të përpiqemi të marrim cilësi dhe t’i japim një shans cilësisë më të mirë pavarësisht se nga cili komunitet etnik vjen apo nga populli maqedonas. Në bazë të “balancuesit”, Gjykata Kushtetuese ka marrë vendimin e saj dhe këtu nuk mund të komentoj asgjë, por e mirëpres atë vendim”, tha Dimitrievski.

Ai ka uruar qytetarët për 11 tetorin, duke theksuar se Kumanova tradicionalisht e ka shënuar ditën e luftës maqedonase kundër fashizmit dhe ka bërë thirrje për unitet dhe kompleksitet të të gjithë qytetarëve të vendit.

Lajme

Sánchez bën thirrje ndërkombëtarëve të ndalojnë shitjen e armëve në Izrael

Kryeministri spanjoll Pedro Sánchez i bëri sot thirrje komunitetit ndërkombëtar që të ndalojë menjëherë shitjet e armëve në Izrael, duke dënuar njëkohësisht sulmet izraelite ndaj forcave paqeruajtëse të Kombeve të Bashkuara në Liban (UNIFIL).

Sanchez tha pas një takimi me Papa Françeskun në Vatikan se Spanja kishte ndaluar shitjen e armëve për Izraelin në tetor 2023 dhe i bëri thirrje pjesës tjetër të botës që të bëjë të njëjtën gjë për të parandaluar përshkallëzimin e mëtejshëm të konflikteve në rajonin e Lindjes së Mesme, raportoi Reuters.

Në një sulm të forcave izraelite në një pikë vëzhgimi të përdorur nga UNIFIL, dy persona u plagosën sot, tha një burim i OKB-së dhe Ministria spanjolle e Mbrojtjes njoftoi sot se asnjë nga ushtarët spanjollë në mision në Liban nuk u plagos.

Forcat izraelite sulmuan gjithashtu UNIFIL të enjten, duke plagosur dy anëtarë të misionit indonezian dhe sulmi u dënua nga komuniteti ndërkombëtar. Spanja ka 650 ushtarë në UNIFIL.

Lajme

Për shkak të xhirimeve të një filmi, regjim i veçantë i komunikacionit në Shkup

SPB Shkup njofton qytetarët se me datë 12.10.2024 (e shtunë) në periudhën prej orës 06:00 deri në orën 18:00, për shkak të xhirimeve në urën e Belasicës, do të ketë regjim të posaçëm të komunikacionit.

Gjegjësisht, komunikacioni në rrugën “Belasica” (ura e Belasicës) do të mbyllet periodikisht nga kryqëzimi me rrugën “Gjuro Gjonoviq” deri në kryqëzimin me bulevardin “Goce Dellçev” në Shkup dhe do të zhvendoset përgjatë rrugëve përreth.