Sport

Faton Zylbehari organizon seminarin e FFM-së për PR dhe Marketing për klubet e Maqedonisë

Federata e Futbollit të Maqedonisë organizoi seminar dedikuar për personat përgjegjës për marrëdhënie me media në klubet nga Liga e Parë, e Dytë dhe Liga e Parë e Futbollit për femra.

Në epokën dixhitale gjithnjë në zhvillim, roli i PR është vendimtar në formësimin e perceptimit publik për klubet e futbollit, lojtarët dhe palët e tjera të interesuara.

Seminari i organizuar dhe udhëhequr nga zëdhënësi i FFM-së, Faton Zylbehari kishte për qëllim përgatitjen dhe dhënien e udhëzimeve për personat përgjegjës në klube për menaxhimin efektiv të marrëdhënieve me median dhe sigurimin e komunikimit të saktë dhe në kohë me publikun dhe median.

U përfolën një sërë temash, duke përfshirë menaxhimin e mediave sociale dhe përdorimin e praktikave më të mira për të mbajtur marrëdhënie pozitive me gazetarët.

Pjesëmarrësit e seminarit ishin të angazhuar në sesione interaktive që mbulonin një sërë temash, por fokusi ishte në angazhimin proaktiv të medias, shfrytëzimin e fuqisë së platformave të mediave sociale, marrëdhëniet me gazetarët dhe nevojën për intervista dhe deklarata.

Ky seminar do të jetë i dobishëm në përmirësimin e aftësive të tyre profesionale dhe për të kontribuar në suksesin e përgjithshëm të klubeve të tyre. Gjithashtu do të inkurajojë kanale më të forta komunikimi ndërmjet klubeve, mediave dhe komunitetit më të gjerë të futbollit, të cilat do të kontribuojnë në suksesin dhe reputacionin e përgjithshëm të klubeve në vendin tonë.

Sport

Shkëndija dënohet rëndë nga FFM-ja! 105 mijë euro gjobë dhe përjashtim nga Kupa

Komisioni Disiplinor i FFM-së ka vendosur një paketë të rëndë dënimesh ndaj Shkëndijës pas ndeshjes së finales së Kupës me Sileksin, përcjell TV21. Sipas FFM-së, klubi është gjobitur me 15 mijë euro për piroteknikë, 10 mijë euro për thirrje nacionaliste, 20 mijë euro për transparencë me përmbajtje naziste, 30 mijë euro për refuzimin e medaljeve dhe sjellje ndaj zyrtarëve, si dhe 30 mijë euro për mosrespektim të himnit dhe sjellje diskriminuese. Në total, Shkëndija dënohet me 105 mijë euro gjoba, por edhe me përjashtim nga Kupa e Maqedonisë për sezonin 2026/27, si dhe katër ndeshje si vendas pa praninë e publikut.

Lajme

Parisi feston! PSG kalon Bayern dhe prek finalen e Champions

PSG është finalistja e dytë e Champions League. Pasi fitoi 5-4 në ndeshjen e parë, ekipi i Luis Enrique barazoi 1-1 ndaj Bayern në takimin e kthimit. Sfida u zhbllokua shumë shpejt me anë të Dembele, pas një asisti të Kvara.

Bavarezët ushtruan presion disa herë por nuk mundën dot që të futeshin në lojë, pasi goli i barazimit erdhi vetëm në fund dhe mban firmën e Kane. Feston PSG, e cila shkon në finale dhe do kërkojë suksesin e dytë radhazi në këtë kompeticion. PSG-Arsenal luhet me 20 maj në Budapest.

Lajme

Shkëndija e Tetovës kalon në finale të Kupës, eliminon skuadrën nga Haraçina

Shkëndija – Sileksi do të jetë finalja e edicionit të sivjetshëm në Kupën e Maqedonisë së Veriut.

Skuadra tetovare arriti të triumfojë edhe në ndeshjen e kthimit ndaj Shkëndijës së Haraçinës, duke marrë fitore me rezultat 0:2 në Kumanovë dhe me shifra të përgjithshme 5:2 avanson në finalen e madhe. Dy golat e triumfit për tetovarët i realizuan Spahiu dhe Ndzegue në 5 minutat e fundit të sdifës.

Në anën tjetër, Sileksi u kualifikua në finale, pasi në takimin e kthimit mundi Ohridin me golin e vetëm të Dodevit dhe me rezultat të përgjithshëm 2:1 merr biletën për verdiktin final.

Ndeshja finale e Kupës së Maqedonisë ndërmjet Shkëndijës dhe Sileksit do të luhet me 20 maj në arenën “Todor Proeski” në Shkup. /Sportmania/