Lajme

Joe Biden fal kreditë studentore për 153 mijë Amerikanë

Presidenti amerikan Joe Biden ka anuluar kreditë për 153 mijë amerikanë të cilët i kishin marrë ndër vite për të përballuar shpenzimet. Ky ishte një ndër premtimet e tij kryesore të bëra gjatë fushatës për rizgjedhje në nëntor.

Para zgjedhjeve të nëntorit, presidenti amerikan Joe Biden ka anuluar kreditë per 153 mijë amerikanë të cilët i kishin marrë ndër vite për të përballuar shpenzimet e larta studentore.

Biden, i cili gjendet në një vizitë tre-ditore në Kaliforni, e bëri njoftimin në kuadrin e një plani të ri që mundëson faljen e kredive, duke e vendosur këtë tematikë në epiqendër të fushatës së tij zgjedhore.

Ndërsa një diplomë kolegji është ende një biletë për një jetë më të mirë, ajo biletë është shumë e shtrenjtë dhe shumë amerikanë janë ende të ngarkuar me borxhe.

Përfituesit e parë nga programi i ri filluan të njoftohen nëpërmjet postës elektronike. Bëhet fjalë për studentë apo ish-studentë të cilët sipas kanë marrë deri në 20 mijë dollarë kredi ndër vite për të shlyer shpenzimet e larta të studimeve. Paratë ua shlyen administrata amerikane, duke arritur një shumë totale prej 1.2 miliardë dollarë. Mbi 7.5 milionë persona janë të përfshirë në programin më të madh për shlyerjen e borxhit.

Gjykata e Lartë rrëzoi planin për falje masive të borxheve, por plani për shlyerjen deri më tani i ka shpëtuar kësaj lloj vëmendjeje ligjore. Presidenti Biden ka thënë se vazhdon të jetë i vendosur në përkushtimin për të rregulluar sistemin e kredive studentore, duke u munduar të gjejë një zgjidhje në rrugë të tjera që nuk bien në kundërshti me vendimin e gjykatës.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.