Lajme

Për dy muaj arrestohen 38 narkodilerë nga Tetova dhe Gostivari

Në dy muajt e fundit, janar dhe shkurt, në rajonin e Tetovës dhe Gostivarit janë zbuluar dhe zbardhur plotësisht gjithsej 17 vepra penale, prej të cilave 10 në Tetovë dhe 7 në Gostivar, ku janë përfshirë 18 autorë, 11 nga Tetova dhe 7 nga Gostivari. Nga Sektori i Punëve të Brendshme -Tetovë, theksojnë se kanë konfiskuar më shumë se 3 kilogramë lëndë narkotike.

SPB- TETOVË

“Të gjitha veprat penale janë rrumbullakosur me kallëzim penal për ‘prodhim dhe tregtim të paautorizuar të narkotikëve, substancave psikotrope dhe prekursorëve’, nga neni 215 i Kodit Penal. Në këto vepra penale janë gjetë dhe konfiskuar më shumë se 3 kilogramë marijuanë, kokainë, përzierje marijuanë me duhan dhe bimë ‘kanabisi”.

Janë përgatitur edhe 12 kërkesa për inicimin e procedurës kundërvajtëse ndaj 15 autorëve, kryesisht për “përdorim të narkotikëve”. Gjatë kësaj periudhe gjithsej 38 personam (22 nga Tetova dhe 16 nga Gostivari) janë privuar nga liria për përfshirje në vepra penale apo kundërvajtje të tilla.

Ndërkaq, në 19 aksionet për Siguri në Komunikacionin Rrugor gjatë muajit shkurt, janë identifikuar 1 537 shkelje të ndryshme trafiku, ose 218 më pak krahasuar me të njëjtën periudhë të vitit 2023.

SPB-TETOVË

“Përjashtohen nga qarkullimi 58 automjete për shkak të konstatimit të kundërvajtjeve, gjegjësisht defekteve, nga të cilat 31 për shkak të skadimit të regjistrimit deri në dhe mbi 30 ditë, 25 për defekte teknike të konstatuara dhe 2 për shkak të mbingarkesës. Janë përjashtuar nga qarkullimi edhe 205 drejtues mjetesh, 117 drejtonin pa patentë shofer, 66 nën ndikimin e alkoolit…”.

Zyrtarët policorë bëjnë të ditur se në periudhën në fjalë janë konfiskuar përkohësisht edhe 109 patentë shoferë dhe 41 leje qarkullimi në komunikacion, ndërsa nga “shërbimi merimangë” i Tetovës, janë marrë gjithsej 177 automjete të parkuara ilegalisht. Shqiptohen gjithsej 592 masa për shpejtësi të papërshtatshme sipas kushteve të rrugës, pra për tejkalim shpejtësie brenda dhe jashtë zonave të banuara. /SHENJA/

Lajme

Trump: Po flasim me NATO-n për Grenlandën

Presidenti amerikan Donald Trump tha se Grenlanda është jetike për sigurinë kombëtare të SHBA-së dhe konfirmoi se diskutimet me NATO-n janë duke vazhduar në lidhje me territorin.

“NATO ka pasur marrëdhënie me ne për çështjen e Grenlandës. Ne kemi shumë nevojë për Grenlandën për sigurinë kombëtare”, tha Trump.

“Nëse nuk e kemi, kemi një boshllëk të madh në sigurinë kombëtare – veçanërisht kur bëhet fjalë për atë që po bëjmë në lidhje me Kupolën e Artë dhe të gjitha gjërat e tjera”, shtoi ai.

Trump nuk dha detaje specifike rreth iniciativave ushtarake ose të sigurisë që ai përmendi, por theksoi se SHBA-të po angazhohen në mënyrë aktive me aleancën për këtë çështje.

“Po flasim me NATO-n”, tha ai.

Trump tha se po shqyrton përdorimin e tarifave si mjet kundër vendeve që kundërshtojnë interesat e SHBA-së në lidhje me Groenlandën.

“Mund ta bëj këtë edhe për Grenlandën”, deklaroi presidenti amerikan, duke kujtuar një shkëmbim me presidentin francez Emmanuel Macron, në të cilin ai përdori kërcënimin e një tarife gjithëpërfshirëse prej 25% për të nxitur çmime më të larta të barnave në Francë.

Javën e kaluar, Trump sugjeroi që SHBA-të duhet ta “blejnë” Grenlandën për të parandaluar që Rusia ose Kina të fitojnë kontrollin e territorit autonom të Danimarkës.

Si Danimarka ashtu edhe Grenlanda kanë hedhur poshtë çdo propozim për të shitur territorin, duke riafirmuar sovranitetin danez mbi ishullin. /AA/

Lajme

Policia e Maqedonisë së Veriut me njoftim të ri në lidhje me projektin “Qyteti i Sigurt”

Ministria e Punëve të Brendshme njofton qytetarët se në kuadër të projektit “Qyteti i sigurt”, në periudhën nga 20 deri 31 janar do të bëhet testimi, kalibrimi dhe verifikimi i pajisjeve (kamerave) të vendosura për mbikëqyrjen e qarkullimit. Testimet do të realizohen çdo ditë në periudhën nga ora 08:00 deri në orën 20:00.

“Gjatë zbatimit të këtyre aktiviteteve, automjeteve në vendet ku kryhet testimi nuk do t’u lejohet të kalojnë ndërsa procedura është në zhvillim e sipër. Në javën e parë të periudhës së planifikuar, aktivitetet do të kryhen ekskluzivisht në vendet me kamera të instaluara në zonën e qytetit të Shkupit”.

“U bëjmë thirrje qytetarëve dhe të gjithë pjesëmarrësve në trafik që të respektojnë kufizimet e përkohshme, si dhe të tregojnë mirëkuptim, durim dhe bashkëpunim me qëllim që të sigurohet zbatimi i qetë dhe i sigurt i aktiviteteve të planifikuara”, thonë nga MPB.

Lajme

Taravari me akuza të reja: Gjithmonë mbivotohesha në VLEN, tre me një!

Arben Taravari njëri nga ish liderët e VLEN-it, Arben Taravari në emisionin “Vetëm Intervistë” në Kanal 5 ka hedhur akuza të reja në drejtim të VLEN-it dhe liderëve të saj se për gjatë kohës kur ishte pjesë e këtij koalicioni në çdo temë në çdo debat që bëhej kur vinte pjesa e votimit pavarsisht arsyeshmërisë unë mbivotohesha në raport tre me një. Kjo qasje më la të kuptoj se ne dhe Alenaca për Shqiptarët ishte e pa dëshiruar në atë koalicion dhe dukej qartë që sdo të funskionoj, shkruan Top24