Sport

Shkëndija ndalet nga Voska, fitojnë Struga dhe Shkupi

Struga dhe Shkupi kanë marrë fitore, ndërsa Shkëndija është ndalur me barazim në ndeshjet e luajtura mesditën e sotme në kuadër të xhiros së 23-të në Ligën e Parë të futbollit në Maqedoninë e Veriut. Kampionët në fuqi triumfuan me rezultat 3:1, ku golat i realizuan Ibraimi, Rufati e Zguro, përderisa për mysafirët nga Strumica shënoi Jankulov.

Shkupi në Çair fitoi Rabotniçkin me rezultat 3:2, ku heroi doli të jetë Ratubjaje që shënoi dy gola dhe një tjetër e realizoi Groner, përderisa për “romantikët” shënuan Adem dhe Gando.

Me barazim pa gola është mbyllur takimi në Tetovë ndërmjet dy ekipeve shqiptare, Shkëndijës dhe Voska Sportit, përderisa as Gostivari me Vardarin nuk shkoi më shumë së një barazim 0:0.

Ndërkohë në dy ndeshjet tjera, Sileksi mundi me shifra 1:0 Makedonija Gjorçe Petrovin, ndërsa Tikveshi triumfoi ndaj Bregallnicës me rezultat 2:1.

Lajme

Parisi feston! PSG kalon Bayern dhe prek finalen e Champions

PSG është finalistja e dytë e Champions League. Pasi fitoi 5-4 në ndeshjen e parë, ekipi i Luis Enrique barazoi 1-1 ndaj Bayern në takimin e kthimit. Sfida u zhbllokua shumë shpejt me anë të Dembele, pas një asisti të Kvara.

Bavarezët ushtruan presion disa herë por nuk mundën dot që të futeshin në lojë, pasi goli i barazimit erdhi vetëm në fund dhe mban firmën e Kane. Feston PSG, e cila shkon në finale dhe do kërkojë suksesin e dytë radhazi në këtë kompeticion. PSG-Arsenal luhet me 20 maj në Budapest.

Lajme

Shkëndija e Tetovës kalon në finale të Kupës, eliminon skuadrën nga Haraçina

Shkëndija – Sileksi do të jetë finalja e edicionit të sivjetshëm në Kupën e Maqedonisë së Veriut.

Skuadra tetovare arriti të triumfojë edhe në ndeshjen e kthimit ndaj Shkëndijës së Haraçinës, duke marrë fitore me rezultat 0:2 në Kumanovë dhe me shifra të përgjithshme 5:2 avanson në finalen e madhe. Dy golat e triumfit për tetovarët i realizuan Spahiu dhe Ndzegue në 5 minutat e fundit të sdifës.

Në anën tjetër, Sileksi u kualifikua në finale, pasi në takimin e kthimit mundi Ohridin me golin e vetëm të Dodevit dhe me rezultat të përgjithshëm 2:1 merr biletën për verdiktin final.

Ndeshja finale e Kupës së Maqedonisë ndërmjet Shkëndijës dhe Sileksit do të luhet me 20 maj në arenën “Todor Proeski” në Shkup. /Sportmania/

Sport

BEFASI NË TETOVË: Shkëndija mundet nga Bashkimi

Një surprizë e madhe është regjistruar në Tetovë, ku Bashkimi arriti të befasojë Shkëndijën, duke shkaktuar një nga rezultatet më të papritura në kampionat.

Bashkimi arriti ta mposht me rezultat prej 3-2 Shkëndijën në terrenin e saj.

Kjo humbje për Shkëndijën vjen si një goditje në garën për kreun, ndërsa Bashkimi dëshmon se mund të jetë faktor i rëndësishëm në fazën përfundimtare të sezonit.