Lajme

Festa nën bomba, palestinezët u munduan të gjejnë pak mundësi për festë

Besimtarët muslimanë në Maqedoni të Veriut, Shqipëri dhe Kosovë kanë falur namazin e Fitër Bajramit, duke i mbushur xhamitë me pjesëmarrjen e mijërave besimtarëve. Besimtarët muslimanë janë mbledhur nëpër sheshe dha xhami në kryeqytetet e vendeve të rajonit, por edhe në xhamitë e qyteteve të tjera, për t’u bërë pjesë e lutjeve dhe faljes së namazit të një ndër festave më të mëdha të fesë Islame.

Besimtarët muslimanë në Shqipëri kanë falur namazin e Fitër Bajramit, duke u mbledhur nëpër xhami dhe sheshet e vendit, ndërsa programi qendror për faljen e namazit është mbajtur në sheshin “Skënderbej” në Tiranë, me pjesëmarrjen e mijëra besimtarëve.

Në Kosovë tubimi qendror nga Bashkësia Islame e Kosovës (BIK) është mbajtur në Xhaminë e Madhe të Prishtinës “Sulltan Mehmet Fatih”, ku hutben e mbajti myftiu i Kosovës, Naim Tërnava, i cili pasi uroi besimtarët për këtë festë foli rreth vlerave të familjes.

Palestinezët në Gaza po bëjnë ç’të munden për të ndjekur traditat e Fitër Bajramit, ndërsa lufta i bën festimet të vështira.

“Nuk ka gëzim apo oreks për të festuar rastin e shenjtë,” tha për Al Jazeera Ahmed Ismail, një shitës në Rafah. “Edhe fëmijët nuk kanë asnjë interes për lodrat siç bënin në të kaluarën. Ky është sezoni më i keq që kemi jetuar ndonjëherë”.

Ndërkohë, sekretari i Përgjithshëm i OKB-së Antonio Guterres tha të martën se zemra e tij është “thyer” duke ditur se shumë myslimanë në Gaza, Sudan dhe vende të tjera nuk do të jenë në gjendje të festojnë festën e Fitër Bajramit që shënon fundin e muajit të agjërimit të Ramazanit për shkak të konfliktit dhe urisë.

Lajme

“Merimanga” në aksion, largohen 135 makina në Qendër të Shkupit

135 makina të parkuara në mënyrë të parregullt janë larguar me automjetet speciale “Merimanga” në territorin e Komunës Qendër të Shkupit, gjatë javës së kaluar. Sipas Ndërmarrjes Publike “Parkingjet e Komunës Qendër”, automjetet janë larguar në periudhën nga 5 deri më 11 tetor, pasi pengonin zhvillimin normal dhe të sigurt të komunikacionit. Nga ndërmarrja njoftojnë se aksionet do të vazhdojnë çdo ditë, me qëllim rritjen e sigurisë në trafik dhe ndërgjegjësimin e shoferëve për parkimin e duhur.

Lajme

“Shpulla” rikthehet si mjet edukimi në bankat shkollore në Danimarkë

Qeveria e Danimarkës ka paraqitur një projektligj që do t’u lejojë mësimdhënësve të përdorin forcë fizike ndaj nxënësve në situata të caktuara, me qëllim ruajtjen e rendit dhe sigurisë në shkolla.

Sipas Ministrisë së Arsimit, ndërhyrja do të lejohet në rastet kur nxënësit pengojnë rëndë mësimin, rrezikojnë veten ose të tjerët, ushtrojnë dhunë fizike apo dëmtojnë pronën.

Forca fizike do të përdoret vetëm si masë e fundit, pasi të jenë provuar mënyra të tjera të ndërhyrjes. Ajo duhet të jetë proporcionale, sa më e butë dhe të zgjasë sa më pak.

Projektligji u paraqit në parlamentin danez më 8 tetor. Nëse miratohet, rregullat e reja pritet të hyjnë në fuqi në gusht të vitit 2027.
Propozimi ende nuk është miratuar.

Lajme

Digjet vetura zyrtare e zëvendësdrejtorit të Lotarisë Shtetërore

Një veturë zyrtare e Lotarisë Shtetërore të Maqedonisë, e përdorur nga zëvendësdrejtori i përgjithshëm Ahmet Miftari, është djegur gjatë natës, pas mesnate, në Shkup.

Informacioni është konfirmuar edhe nga Ministria e Punëve të Brendshme (MPB), e cila për median „Fokus“ bëri të ditur se bëhet fjalë për një automjet zyrtar të Lotarisë Shtetërore.

„Më 13.10.2026, në orën 02:12, në SPB Shkup, M.A. (42) nga Shkupi ka raportuar se në rrugën ‘Krste Asenov’ në Shkup ishte djegur një automjet i tipit ‘Beijing Beich’, me targa të Shkupit, në pronësi të Lotarisë Shtetërore të Maqedonisë, të cilin ai e kishte drejtuar më parë“, njoftojnë nga MPB.

Zjarri është shuar nga Brigada e Zjarrfikësve, ndërsa policia po ndërmerr masa për zbardhjen e plotë të rastit.