Lajme

Mickoski: Ka ikur koha kur Reçica mund të shantazhonte

Dje Artan Grubi ka dhënë kushtin e BDI-së për mbështetje në raundin e dytë zgjedhor. Ai tha se është e nevojshme të pranohet zgjedhja e presidentit në Kuvend, e cila kërkon ndryshimin e Kushtetutës. Mesazhi ynë nuk është për korrierin, por për atë që ka dalë me atë kusht dhe mendon se kështu do të mobilizojë votuesit – nuk do të ketë një ndryshim të tillë kushtetues. Ne nuk e pranojmë një ndryshim të tillë kushtetues, tha Hristijan Mickoski, kryetar i VMRO-DPMNE-së.

Duke e parë këtë popull, tha Mickoski, se si bashkohen rreth Gordanës, rreth VMRO-DPMME-së dhe koalicionit Maqedonia juaj, dua të them se kohët kur Reçica mund të shantazhonte dhe të diktonte kushte kanë ikur.

“Populli do të diktojë tani e tutje. Pas këtyre zgjedhjeve populli po e kthen Maqedoninë. Dhe kriminelëve nuk mund të them për të gjithë, por atyre pakëve në krye të BDI-së po u them se me 8 maj mbaron Maqedonia që të jeni shtet në të cilin do të jeni të parët. Do të përgjigjeni për gjithçka që i keni bërë Maqedonisë”, tha Mickoski.

Mickoski drejtoi edhe një pyetje drejt kandidatit për president nga LSDM.
“Nëse për Stevon ky diktim i ardhur nga Reçica është i pranueshëm siç ishte edhe diktatimi bullgar. A është e pranueshme për ju që disa njerëz të vendosin se kush do të jetë president i Maqedonisë apo ky popull që nuk doni ta shihni me sy, siç thatë një ditë më parë”, pyeti Mickoski.

I bëj thirrje LSDM-së dhe Stevo Pendarovskit, shtoi Mickoski, në vend që të bëjnë plane të fshehta me BDI-në, i bëj thirrje për bashkim kombëtar dhe të dalin së bashku për ndryshim kushtetues me të cilin do të fshihet regjistrimi për raundin e dytë të zgjedhjeve presidenciale, të mos ketë kusht në mënyrë që askush të mos shantazhojë.

Lajme

Gjendet një trup i pajetë brenda një hoteli në Tetovë

Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.

“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.

Lajme

Mira Murati në listën e the ‘Time’, shqiptarja mes njerëzve që po bëjnë revolucion në botë

Çdo vit revista prestigjioze amerikane, publikon listën me 100 personat më me ndikim. Këtë vit ‘Time’ ka renditur emrin e shqiptares Mira Murati, në mesin e 100 personave më me ndikim në teknologjinë që po bën revolucion në botë inteligjencën artificiale.

‘TIME 100 AI’ nderon figurat që po bëjnë hapat gjigantë të transformimit teknologjik. Mes tyre është shefi i Google, Sundar Pichai, ndërsa Mira Murati është në listën e inovatorëve.

Shefja e teknologjisë në gjigantin OpenAI, sipas shkrimit të “Time”, ka qenë një prej figurave udhëheqëse në rritjen meteorike të kompanisë.

Ajo ka qenë një prej personave kyç në zhvillimin e modeleve ChatGPT dhe DALL-E, të cilat bënë që bota të mësojë se çka është inteligjenca artificiale.

Murati është vlerësuar si udhëheqëse në kompani, edhe për versionin e ri të robotit me të cilin po komunikojnë njerëzit, GPT-40, falë edhe interaksioneve me zë në kohë reale.

Lajme

Fidan: Ne do të vazhdojmë ta mbështesim Kosovën në arenën ndërkombëtare

Ministri i Jashtëm i Türkiyes, Hakan Fidan, i cili gjendet për vizitën në Kosovë, tha se vendi i tij do të vazhdojë ta mbështesë Kosovën në arenën ndërkombëtare, raporton Anadolu.

Pas takimit me homologen e tij, Donika Gërvalla-Schwarz, të dy kryediplomatët mbajtën një konferencë të përbashkët për media.

Duke folur për vizitën e tij në vend, Fidan tha se “kosovarët nuk janë vetëm miqtë tanë, por edhe vëllezërit tanë”.

Kryediplomati turk gjithashtu foli edhe rreth mbështetjes që Türkiye i jep Kosovës.

“Ne e kemi mbështetur gjithmonë Kosovën në arenën ndërkombëtare dhe do të vazhdojmë ta mbështesim”, tha Fidan.

Ministri turk pritet të zhvillojë takime edhe me zyrtarë të tjerë të lartë të vendit. Ai përveç takimeve me zyrtarë të tjerë do të vizitojë edhe qytetet Prizren dhe Mamushë, si dhe selinë e KFOR-it, ku Türkiye nga tetori i vitit 2023 mban kryesimin.

Në Prishtinë, ministri Fidan udhëtoi pas vizitës së tij të djeshme në Maqedoninë e Veriut.

– Marrëdhëniet Türkiye-Egjipt

Fidan, mes tjerash theksoi dëshirën e përbashkët për të zhbllokuar potencialin e plotë të partneritetit mes Türkiyes dhe Egjiptit.

“Egjipti dhe Türkiye kanë një vullnet të fortë për të realizuar potencialin e plotë të të dy vendeve, si në marrëdhëniet dypalëshe ashtu edhe në çështjet rajonale”, tha Fidan në përgjigje të pyetjes së një gazetari.

Fidan shtoi se zyrtarizimi i marrëdhënieve “brenda një kuadri sistematik” mund të shërbejë si një model për rajonin.

Komentet e ministrit turk pasojnë vizitën e presidentit egjiptian, Abdel Fattah al-Sisi, të mërkurën në kryeqytetin turk Ankara.