Connect with us

Lajme

Erdoğan: Turqia synon vetëm të detyrojë Izraelin në armëpushim në Gaza

Presidenti i Türkiyes, Recep Tayyip Erdoğan, tha se qëllimi i vetëm i vendit të tij me pezullimin e tregtisë me Izraelin është të detyrojë Tel Avivin të shpallë armëpushim ndaj ofensivës vdekjeprurëse në Rripin e Gazës, raporton Anadolu.

“Qëllimi ynë i vetëm është të detyrojmë në armëpushim qeverinë e kryeministrin izraelit Benjamin Netanyahu, e cila ka dalë jashtë kontrollit për shkak të mbështetjes së pakushtëzuar nga Perëndimi”, tha Erdoğan teksa iu drejtua anëtarëve të një grupi kombëtar biznesi në Istanbul.

Erdoğan në fjalimin e tij para anëtarëve të Shoqatës së Industrialistëve dhe Biznesmenëve të Pavarur, iu referua një vendimi të shpallur nga Ministria e Tregtisë e Türkiyes sipas së cilit Ankaraja kishte pezulluar të gjitha operacionet e eksportit dhe importit me Izraelin për shkak të “agresionit të saj kundër Palestinës në kundërshtim me ligjin ndërkombëtar dhe të drejtat njerëzore”.

Duke kritikuar edhe një herë vendet perëndimore për mbështetjen e qeverisë së Netanyahut, Erdoğan tha se ai priste që këto vende të “sulmojnë” Türkiyen për vendimin e saj.

“Ne e dimë mirë se si Perëndimi do të na sulmojë për shkak të kufizimeve tona tregtare kundër Izraelit”, tha ai, duke pohuar se Türkiye do të “bëhej një shembull” për vendet e tjera në rajon.

“Kur të arrihet armëpushim dhe të lejohet ndihmë e mjaftueshme në Gaza, qëllimi ynë do të jetë i përmbushur. Veprimi i Türkiye-s do të jetë shembull për shtetet tjera”, tha ai.

Duke bërë thirrje për qetësi në rajon, presidenti turk tha: “Ne nuk kërkojmë armiqësi apo konflikt me asnjë vend në rajonin tonë. Ne nuk duam të shohim përleshje, gjak dhe lot në rajonin tonë”.

Më herët gjatë ditës, Erdoğan kishte thënë se qeveria e tij ndaloi të gjithë tregtinë me Izraelin, e cila arrin në rreth 9.5 miliardë dollarë.

Duke folur me gazetarët pas faljes së namazit të xhumasë në Istanbul, presidenti turk tha se ata “e mbyllën atë derë” në tregtinë me Izraelin në mes të sulmeve të vazhdueshme në Rripin e Gazës.

“Kishte një vëllim tregtar prej 9.5 miliardë dollarësh mes nesh”, tha Erdoğan, duke iu referuar Türkiyes dhe Izraelit dhe duke shtuar: “Duke injoruar këtë vëllim tregtar, ne mbyllëm derën”.

Izraeli ka kryer një ofensivë brutale në enklavën palestinezë që nga sulmi ndërkufitar i Hamasit më 7 tetor të vitit të kaluar, për të cilin Tel Avivi thotë se u vranë afër 1.200 njerëz.

Që atëherë, të paktën 34.600 palestinezë janë vrarë në Rripin e Gazës, kryesisht gra dhe fëmijë, si dhe mbi 77.800 të tjerë janë plagosur në mes të shkatërrimit në masë dhe mungesës së madhe të nevojave.

Më shumë se gjashtë muaj pas luftës izraelite, zona të gjera të Gazës janë kthyer në gërmadha, sipas OKB-së, duke çuar në zhvendosjen e brendshme të 85 për qind të popullsisë së enklavës mes një bllokade të ushqimit, ujit të pastër dhe ilaçeve.

Click to comment

Leave a Reply

Your email address will not be published. Required fields are marked *

Lajme

Pas Norvegjisë, Spanja dhe Irlanda vendosin të njohin shtetin palestinez

Kryeministri irlandez, Simon Harris dhe ai spanjoll, Pedro Sanchez në një deklaratë të mërkurën thanë se do të njohin shtetin palestinez.

“Ne do ta njohim Palestinën për shumë arsye dhe mund ta përmbledhim me tre fjalë, paqe, drejtësi dhe qëndrueshmëri”, tha Pedro Sanchez.

“Ne duhet të sigurohemi që zgjidhja me dy shtete të respektohet dhe të ketë garanci reciproke të sigurisë. Është thelbësore që të dyja palët të negociojnë për paqen dhe është për këtë arsye që ne e njohim Palestinën”.

“Kjo njohje nuk është kundër Izraelit, nuk është kundër hebrenjve. Nuk është në favor të Hamasit që është diçka që është thënë. Kjo njohje nuk është kundër askujt, është në favor të paqes dhe bashkëjetesës”, theksoi kryeministri spanjoll.

Continue Reading

Lajme

Paga mesatare neto në mars 40.496 denarë

Paga mesatare mujore neto për të punësuar në mars të këtij viti arrin 40.496 denarë dhe është 16 për qind më e lartë se muaji i njëjtë i vitit të kaluar, kumton Enti Shtetëror për Statistikë (ESHS).

Kjo rritje ka ardhur si rezultat para së gjithash i rritjes së pagës mesatare mujore bruto për të punësuarit në sektorët: Furnizimi me energji elektrike, gaz, avull dhe ajër te kondicionuar (22.2%), administratë publike dhe mbrojtje; sigurim social i detyrueshëm (21.7%) dhe arsim (20.9%).

Rritja e pagës mesatare mujore bruto për të punësuar, krahasuar me muajin paraprak është vërejt në sektorët: Minierat dhe guroret (7.8%), akomodim dhe shërbim ushqimor (7.3%) dhe industria përpunuese (6.1%).

Paga mesatare bruto gjatë muajit mars 2024 është 60 803 denarë.

Continue Reading

Lajme

Këto ministri dhe poste zv ministrash do ti takojnë VLEN-it

Negocitata mes VMRO DPMNE-së dhe koalicionit VLEN për formimin e Qeverisë së re janë drejt finalizimit.

Burime të portali ZYRTARE.net brenda palëve negociuese mëson se koalicionit VLEN i është dhënë edhe zyrarisht pozicioni i kryetarit të Kuvendit, ndërsa sa i përket posteve ministrore i janë dhënë dikasteri i Ekonomisë, Ekologjisë, ai i Shëndetësisë, ministria e Sistemit politik, ministria e Punës dhe politikë sociale si dhe një ministri pa resor.

Sa i përket zëvëndës ministrave, koalicioni VLEN do të ketë zv ministra në Bujqësi, Kulturë, Arsim, Mbrojtje, Transport si dhe zëvëndës në MPB.

Zyrtare.net mëson se poashtu koalicioni VLEN do të ketë edhe 5 sekretar shtetëror, ndërsa gjatë ditëve në vijim do të konfirmohen edhe zyrarisht emrat që do të marrin përgjegjësit nga koalcioni VLEN në qeverinë e re. /ZYRTARE.NET/

Continue Reading

TË FUNDIT

Lajme10 hours ago

Pas Norvegjisë, Spanja dhe Irlanda vendosin të njohin shtetin palestinez

Kryeministri irlandez, Simon Harris dhe ai spanjoll, Pedro Sanchez në një deklaratë të mërkurën thanë se do të njohin shtetin...

Lajme10 hours ago

Paga mesatare neto në mars 40.496 denarë

Paga mesatare mujore neto për të punësuar në mars të këtij viti arrin 40.496 denarë dhe është 16 për qind...

Lajme1 day ago

Këto ministri dhe poste zv ministrash do ti takojnë VLEN-it

Negocitata mes VMRO DPMNE-së dhe koalicionit VLEN për formimin e Qeverisë së re janë drejt finalizimit. Burime të portali ZYRTARE.net...

Lajme1 day ago

Gjendet një trup i pajetë në lumin Vardar tek ura e Gurit në Shkup

Dje rreth orës 20:00 në ujërat e lumit Vardar është vërejtur trupi i pajetë i një burri. Sipas dëshmitarëve okular,...

Lajme1 day ago

30 ditë paraburgim për Lupço Palevski Pallçon

“Për shkak të interesimit të mediave për përcjelljen e punës së gjykatës, Gjykata Penale njofton se i dyshuari për vrasjen...

Lajme1 day ago

Erdogan reagon ashpër kundër Eurovizionit: Ky event kërcënon familjen tradicionale

Presidenti turk Rexhep Tajip Erdogan ka kritikuar Konkursin e Këngës në Eurovizion. Ai shprehet se kjo ngjarje muzikore “inkurajon neutralizimin...

Lajme1 day ago

Një familjes katër anëtarësh për të kaluar muajin i duhen 1 000 euro

Vlera e shportës minimale sindikale për majin 2024 është 60.090 denarë. Kjo i bie së për një familje katëranëtarëshe duhen...

Lajme2 days ago

Një i vdekur dhe dy të lënduar nga aksidenti i rëndë në autostradën Shkup – Kumanovë

Aksidenti rrugor ka ndodhur rreth orës 15:00, kur një makinë në të cilën ndodheshin tre persona ka dalë nga autostrada...

Lajme2 days ago

Lirohen çmimet e derivateve të naftës

Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturinat Komunale i Republikës së Maqedonisë...

Lajme2 days ago

Kërkohet të lëshohet urdhër-arrest ndaj kryeministrit izraelit Netanyahu

Kryeprokurori i Gjykatës Ndërkombëtare Penale (GJNP) Kerim Khan njoftoi se ka paraqitur kërkesë për lëshimin e urdhër arrestit ndaj kryeministrit...

Trending