Lajme

Ademi: Rivotimet – VLEN ”argat” i LSDM-së dhe VMRO-së!

Rivotimi në disa nga vendvotimet në njesinë e 5 zgjedhore dhe 6 për Arbër Ademin nga Fronti Europian, është një marrëveshje që po cënon legjitimitetin e votës së lirë të qytetarëve.

Sipas Ademit, parti maqedonase në bashkëpunim me koalicionin VLEN, po bëjnë përpjekje që Fronti Evropian të mos jetë forca e dytë politike në vend.

“Po bëhen veprime të caktuara në mënyrë që Fronti Evropian mos të jetë forca e dytë politike në vend dhe për këtë kemi njoftuar SHBA, ndërkombëtarët, pra atë që e kemi thënë tre ditë me rradhë sot ndodhi, është e çuditshme se ditën e votimeve nuk ka pasur ankesa. Është e habitshme se ankimimet kanë ardhur pasi ka dal rezultatu zgjedhor duke pretenduar që të ndyshojnë për disa vota” – tha Arbër Ademi, Fronti Europian.

Gazetari Naser Selmani duke pranuar faktin që Fronti Evropian ka legjitimitetin e popullit që të jetë partia e dytë fituese, kritikoi Ademin që sipas tij, është dashur që shqiptarët të jenë më syçelë në institucionet kyçe, pasi sipas tij, sistemi ka prek më shumë shqiptarët

“Partitë shqiptare janë viktima të sistemi. Në Maqedoni më të prekur nga sistemi janë Shqiptarët se sa Maqedonasit” – tha Naser Selmani, gazetar.

Në Klan Debat u diskutua edhe çështja e negociatave VMRO-VLEN.

Gazetari Abedin Ismaili, vlerëson se koalicioni VLEN nuk mund të kërkojë shumë ministri në qeverisjen me VMRO-DPMNE-në, pasi sipas tij, po hyjnë në koalicion si humbës.

“E ripotencuat disa herë që Fronti Evropian është forca e dytë politike në vend dhe tani u bë temë debati çështja e ankesave në KSHZ, e tani bie që forca e dytë është shndërruar në një rol viktimizues që po ankohet nëse rezultati ka dëshmuar se koalicioni është humbës, e si mundet të dobëtit me e dëmtuar të fortin” – tha Abedin Ismaili, gazetar.

Ndërkaq, Albert Musliu vlerëson se duhet të respektohet marrëveshja e vitit 2007. Sipas tij, duhet të realizohen negociata me partinë që do të jetë fitues në kampin e dytë më të madh në vend.

“Në Maj është nënshkruar marrëveshje. Nuk e di pse BDI-ja marrëveshjen e nënshkruar e promovon si “fituesi me fituesin”. Unë prej kontakteve e di që marrëveshja nuk thotë “fituesi me fituesin” por do të bisedohet me fituesin te komuniteti i dytë shumicë. Ai fakt ka qenë justifikim, koncepti i marrëveshjes së 2007 është pamundësimi i majorizimit” – tha Albert Musliu, analist.

Në Klan Debat, Arbër Ademi i Frontit Evropian adresoi kritika të ashpra për koalicionin VLEN, duke pohuar se janë shndërruar në argat të LSDM-së dhe VMRO-së. /tvklan.mk/

Lajme

Kush është Valdrin Uka, drejtori i ri ekzekutiv i Shkëndijës

Më shumë se shtatë vite pjesë e klubit, Uka është një nga kuadrot e rritura dhe të përgatitura brenda strukturave të Shkëndijës, ndërsa ndryshimet e fundit pasqyrojnë planin e klubit për të ndërtuar një menaxhment të qëndrueshëm me njerëz nga brenda.

Ndryshimet e fundit në strukturën e KF Shkëndija nuk janë të rastësishme. Përtej emërimeve të reja në pozita drejtuese, ato pasqyrojnë një filozofi të qartë të klubit për të përgatitur kuadro nga brenda dhe për t’u besuar atyre përgjegjësi gjithnjë e më të mëdha.

Në qendër të këtij riorganizimi është Valdrin Uka, i cili është emëruar Drejtor Ekzekutiv i Shkëndijës. Uka është pjesë e klubit prej më shumë se shtatë vitesh dhe gjatë kësaj periudhe ka qenë pranë strukturave drejtuese, duke ndjekur nga afër funksionimin dhe zhvillimin e klubit. Vitet e kaluara në menaxhmentin e Shkëndijës e kanë shërbyer si një proces i gjatë përgatitjeje dhe kalitjeje për përgjegjësinë e re.

Në të njëjtën linjë janë edhe ndryshimet në Departamentin Sportiv. Erhan Selimi, deri tani Drejtor i Shkollës së Futbollit, avancon në pozitën e Drejtorit Sportiv, ndërsa Festim Ademi, pas rolit të Team Menaxherit, emërohet Drejtor Teknik i Departamentit Sportiv.

Të tre emërimet kanë një të përbashkët: bëhet fjalë për njerëz që tashmë njohin nga afër klubin, strukturën dhe mënyrën e funksionimit të tij. Kjo tregon se Shkëndija prej kohësh ka punuar në krijimin dhe përgatitjen e kuadrove të veta për pozita udhëheqëse.

Me vizionin dhe mbështetjen e drejtuesve dhe sponsorit të klubit, ndryshimet janë pjesë e një plani për një organizim më të balancuar dhe më profesional, duke ndjekur modelin e klubeve moderne ku investimi nuk bëhet vetëm te skuadra, por edhe te njerëzit që e drejtojnë dhe e zhvillojnë organizatën.

Në këtë drejtim, Shkëndija po tregon se kuadrot nuk kërkohen vetëm jashtë klubit, por ndërtohen, zhvillohen dhe përgatiten edhe brenda tij.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.