Lajme

Bytyqi: Kam marrë kërcënime se do të na vrisnin së bashku me fëmiun tim

Në emisionin Klan Debat, Fatmir Bytyqi ekskluzivisht ka bërë të ditur se gjatë fushatës zgjedhore ka marrë kërcënime me jetë, për çka është dorëzuar edhe kallëzim në MPB.

Duke diskutuar për retorikën në fushatën zgjedhore, ai iu drejtua Bojan Stojanovskit nga VMRO DPMNE:

“Pyetni ministrin e Brendshëm, kush ka denoncim për rrezikim të jetës pas fushatës suaj? Një zëvendëskryeministër që është ulur pranë jush, dy ditë radhazi, kur në fushatën tuaj ju rikthyet parullat e viteve nëntëdhjetë, në të cilat unë dhe fëmija im thirreshim se duhet të vritemi, kjo ndodhi për shkak të jush dhe fushatës suaj ”, tha Bytyqi.

Bojan Stojanovski nga VMRO DPMNE iu përgjigj këtij pretendimi:

“Nuk e di, nuk kam dëgjuar. A ka ndodhur për diçka tjetër, ndoshta për shkak të ndonjë detyrimi të papërfunduar ndaj një kompanie nga Manastiri, të cilës Bitiqi i është përgjigjur kategorikisht “Jo”. /TvKlan.mk

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net