Lajme

Nga 1 korriku çmime të reja të rrymës

Për një ose dy orë pritet të zgjatet tarifa e lirë ditore e energjisë elektrike për amvisëritë në Maqedoninë e Veriut.

Nga Komisioni Rregullator i Energjetikës thanë se janë duke u bërë analizat e fundit para se të merret oferta e furnizuesit Universal për çmimet e reja të rrymës, të cilat do të hynë në fuqi nga 1 korriku.

Marko Bislimovski tha se marzha e blerjes së energjisë elektrike është ulur nga 11,5% në 9.9% andaj pritet korrigjimi i çmimit. Në pritje janë edhe të sasisë se akumuluar nga EMV që mund ta sigurojnë për këto 6 muaj, por gjasat janë pozitive që për amvisëritë dhe konsumatorët e vegjës nga tregu i lirë të kalojnë në tregun e rregulluar.

“Nga periudha kaluar kompanitë kanë çmime të ulëta të energjisë elektrike gjatë ditës dhe atë të njëjtën duhet ta kenë edhe amvisëritë. Me vendosjen e tarifës së lirë ditore nga ora 13:00 deri në orën 15:00, tashmë kemi bërë hapin e parë, por trendet e bursës tregojnë se ëtë periudhë ka çmime jashtëzakonisht të ulëta të energjisë elektrike dhe po bëjmë një analiza serioze për dy deri në tre vitet e fundit për çmimin e energjisë elektrike për çdo orë në disa bursa dhe kur të jemi gati do të themi se kur dhe në çfarë mase do të kemi rritje të tarifës së lirë gjatë ditës”, tha Bislimovski.

Lajme

“Merimanga” në aksion, largohen 135 makina në Qendër të Shkupit

135 makina të parkuara në mënyrë të parregullt janë larguar me automjetet speciale “Merimanga” në territorin e Komunës Qendër të Shkupit, gjatë javës së kaluar. Sipas Ndërmarrjes Publike “Parkingjet e Komunës Qendër”, automjetet janë larguar në periudhën nga 5 deri më 11 tetor, pasi pengonin zhvillimin normal dhe të sigurt të komunikacionit. Nga ndërmarrja njoftojnë se aksionet do të vazhdojnë çdo ditë, me qëllim rritjen e sigurisë në trafik dhe ndërgjegjësimin e shoferëve për parkimin e duhur.

Lajme

“Shpulla” rikthehet si mjet edukimi në bankat shkollore në Danimarkë

Qeveria e Danimarkës ka paraqitur një projektligj që do t’u lejojë mësimdhënësve të përdorin forcë fizike ndaj nxënësve në situata të caktuara, me qëllim ruajtjen e rendit dhe sigurisë në shkolla.

Sipas Ministrisë së Arsimit, ndërhyrja do të lejohet në rastet kur nxënësit pengojnë rëndë mësimin, rrezikojnë veten ose të tjerët, ushtrojnë dhunë fizike apo dëmtojnë pronën.

Forca fizike do të përdoret vetëm si masë e fundit, pasi të jenë provuar mënyra të tjera të ndërhyrjes. Ajo duhet të jetë proporcionale, sa më e butë dhe të zgjasë sa më pak.

Projektligji u paraqit në parlamentin danez më 8 tetor. Nëse miratohet, rregullat e reja pritet të hyjnë në fuqi në gusht të vitit 2027.
Propozimi ende nuk është miratuar.

Lajme

Digjet vetura zyrtare e zëvendësdrejtorit të Lotarisë Shtetërore

Një veturë zyrtare e Lotarisë Shtetërore të Maqedonisë, e përdorur nga zëvendësdrejtori i përgjithshëm Ahmet Miftari, është djegur gjatë natës, pas mesnate, në Shkup.

Informacioni është konfirmuar edhe nga Ministria e Punëve të Brendshme (MPB), e cila për median „Fokus“ bëri të ditur se bëhet fjalë për një automjet zyrtar të Lotarisë Shtetërore.

„Më 13.10.2026, në orën 02:12, në SPB Shkup, M.A. (42) nga Shkupi ka raportuar se në rrugën ‘Krste Asenov’ në Shkup ishte djegur një automjet i tipit ‘Beijing Beich’, me targa të Shkupit, në pronësi të Lotarisë Shtetërore të Maqedonisë, të cilin ai e kishte drejtuar më parë“, njoftojnë nga MPB.

Zjarri është shuar nga Brigada e Zjarrfikësve, ndërsa policia po ndërmerr masa për zbardhjen e plotë të rastit.