Lajme

Maqedoni, sot mbahet testi ekstern i maturës shtetërore

Sot mbahet testi i dytë ekstern i maturës shtetërore. Më së shumti kandidatë ka në testin e gjuhës angleze 13198, matematikë 1356 nxënës, gjuhë gjermane 113, gjuhë frënge 37, 84 estetikë dhe me nga një kandidat në gjuhë ruse dhe filozofi.

Javën e kaluar maturantët mbajtën testin e parë ekstern në gjuhën e tyre amtare, kurse deri më 8 korrik, Qendra Shtetërore e Provimeve do t’i publikojë rezultatet e testit.

Në sesionin e qershorit 6341 maturantë gjimnazistë janë të paraqitur, 8230 nga shkollat profesionale dhe 263 nga shkollat e arteve.

Mbajtja e provimit mbahet në hapësira më të mëdha për shkak të kontrollit më të madh, kurse maturantët që nuk janë paraqitur në sesionin e qershorit ose nuk kalojnë provimin, do të mund të paraqiten në sesionin e gushtit, kurse provimet do të mbahen më 12 dhe 14 gusht.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.