Connect with us

Lajme

Shtrenjtimi i kurbanit nuk ndalon besimtarët ta kryejnë obligimin e tyre fetar

Therja e kurbanit vazhdon të jetë një ritual i rëndësishëm fetar e kulturor që përcakton Kurban Bajramin. Besimtarët myslimanë, siç thonë ata, i përgjigjen thirrjes së Zotit për bamirësi, derisa njohësit e fesë potencojnë se qëllimi i këtij akti është afrimi me Zotin. Rritja e çmimit të kurbaneve, pavarësisht se po krijon pakënaqësi te blerësit, kjo nuk i ndalon ata për ta kryer këtë obligim fetar.

Imami i Xhamisë “Bedri Kamberi” në Prishtinë, Labinot Maliqi thotë se kurbani si akt daton që nga njeriu i parë, Ademi, derisa potencon se qëllimi i therjes së kurbanit është afrimi me Zotin dhe bamirësia.

Maliqi tregon se ndarja e mishit të kurbanit duhet të bëhet në tri pjesë, një për veten, një për familjarët dhe tjetrën për nevojtarët, jetimët apo edhe të tjerë.

Maliqi: Një pjesë të mishit të kurbanit ta ndajmë për nevojtarët

“Kurbani si akt, prerja e një kafshe të caktuar daton që nga njeriu i parë, Ademi, babai i njerëzimit, bekimet e Zotit qofshin për të. Që nga fëmijët e tij, Kabili dhe Habnili kur u obliguan që të therin nga një kurban, për tu siguruar se cili është në të drejtën dhe në të vërtetën. Që nga atëherë fillon edhe ky historiku i therjes së kurbanit e më pas edhe tek profeti Ibrahim, bekimet e Zotit qofshin për të. Dhe kështu edhe vetë Zoti në Kuran na urdhëron dhe na thotë ‘Faluni dhe preni kurban për hir të Zotit juaj’…Qëllimi është që të afrohemi te Zoti i madhëruar nëpërmjet therjes së një kafshe të caktuar. Por, me të nuk synojmë që ne të përfitojmë nga mishi, por të përfitojmë nga shpërblimet e Zotit të madhëruar, ngase të tillë e ka legjitimuar vetë Zoti dhe e ka bërë një diçka që nëpërmjet therjes së Kurbanit, afrohemi tek Zoti, shtohet bamirësia te të tjerët, ngase edhe shpërndarja e mishit mund të jetë një gjë e mirë…Ndarja e kurbanit preferohet që të bëhet në tri ndarje. Një ndarje ta bëjmë për vete, një pjesë për familjarët, edhe nëse ata i kanë mundësitë shumë të mira, ndoshta edhe më të mira se ne, është mirë që ta ndajmë edhe me ta një pjesë të mishit të Kurbanit. Gjithashtu, një pjesë të mishit të kurbanit ta ndajmë për nevojtarët, familjet skamnore, jetimët e të tjerë”, thotë Maliqi.

Blerja e kurbaneve nga qytetarët e besimit islam bëhet nëpër ferma apo edhe vende të tjera.

Ferma “Te Gasht” tash e disa vite merret me blegtori, duke bërë mbajtjen, shitjen dhe therjen e kurbaneve.

Albion Gashi thotë se këtë vit ka pasur interesim të madh për blerjen e kurbaneve, pavarësisht se çmimi i tyre ka shënuar rritje. Ai tha se çmimi për një dele fillon nga 200 euro, derisa tregon se për këtë bajram ka shitur mbi 150 kafshë për kurban dhe se pritet që numri të rritet gjatë këtyre dy ditëve.

Gashi: Mbi 200 euro një kurban, ka interesim për blerje

“Me këtë merremi qysh moti, babë e gjysh, por prej pas luftës merremi më intensivisht me to (dele). Familjarisht i përkushtohemi atyre…I kemi mbi 200 copë (dele)…Prej pas luftës merremi më shumë me (kurban), i premë, i shesim…Pak ka një ngritje (të çmimeve), por jo shumë…Prej 200 euro e lartë shkojnë ato, varet nga dëshira e konsumatorit, se çfarë i pëlqen dhe si i pëlqen…Ka pasur interesim të mirë, i kemi konsumatorët tanë…Prej 150 (persona) e lartë, varet si është interesimi i konsumatorëve…Një javë përpara fillojnë t’i shejojnë (t’i ndajnë), i shejojnë i lënë këtu, konsumatorët vijnë më pas ditën e Bajramit, tri ditë bajram i premë këtu dhe i marrin konsumatorët dhe ecin…A po ankohen konsumatorët për rritje të çmimeve? Jo, ai që e ka nijet ta therë nuk i intereson çmimi”, tha Gashi.

Ndërkaq, një fermer tjetër, i cili nuk ka dëshiruar të prononcohet para kamerës thotë se çmimi i deleve fillon nga 230 deri në 300 euro.

Fermeri: Çmimi i kurbaneve nga 230 deri në 300 euro

“A po i mbani shtrenjtë (kurbanet) sivjet? 250, prej 230 (euro) deri në 300. A nuk ka më lirë se 230? Jo, nuk ka”, thotë një fermer.

Ani pse çmimet janë ngritur, besimtarët myslimanë po vazhdojnë ta bëjnë prerjen e kurbanit.

Islam Rrahimi tregon se për çdo vit bën therjen e kurbanit, derisa kujton kohët e para disa viteve, për cak potencon se ky veprim kishte vlerë më të madhe për nevojtarët. Por, Rrahimi thotë se për kushtet dhe standardin e jetesës në Kosovë, çmimet e kafshëve për kurban, janë të shtrenjta.

Rrahimi: Mezi e kanë pritur të varfrit Bajramin e Vogël që t’u dërgojnë mish

“Jo, kësmet nesër do ta blejmë sepse është një dhuratë që shpërndahet te komshinjtë. Nuk është ndoshta edhe aq shumë, por vlerën e ka sepse komshiut pak i ndihmon. Sidomos më herët ka qenë shumë e rëndësishme, që mezi e kanë pritur të varfrit Bajramin e Vogël që të therin dhe t’u dërgojnë mish`. Tash nuk është interesant, por si obligim duhet të theret…A keni prerë Kurban çdo vit? Po, po çdo vit…Kundër standardit që e kemi ne dhe kushteve, tek ne është si traditë, obligim për bajram, janë të shtrenjta”, potencon Rrahimi.

Edhe Gani Sijarina thotë se ditën e Kurban Bajramit do ta bëjnë therjen e kafshës. Ai tregon se e shpërndajnë mishin e kurbanit në tri apo më shumë pjesë, ashtu siç e thotë edhe feja islame, porse shton se disa edhe nuk e pranojnë atë.

Sijarina: E ndajmë kurbanin në disa pjesë, por disa edhe nuk po e marrin

“Do ta therim kësmet, ditën e Bajramit ne e presim gjithmonë ashtu e kemi, paradite duhet herët…Ashtu është e paraparë, kur të kemi mundësi e (therim kurbanin), por rrallë ndodhë që nuk e (therim). A e shpërndani te të tjerët? Po, tri vende, shtatë vende, si t’i gjejmë njerëzit, se ndonjëherë disa edhe nuk po e marrin…Rritje të çmimeve ka shumë, keq është…Nuk bënë të rriten çmimet për asgjë, por janë rritur të gjitha në përgjithësi”, tha Sijarina.

Dita e parë e Kurban – Bajramit është të dielën më 16 qershor 2024. Manifestimi qendror për territorin e Kosovës, kushtuar festës së Kurban Bajramit, mbahet në Xhaminë e Madhe në Prishtinë.

Click to comment

Leave a Reply

Your email address will not be published. Required fields are marked *

Lajme

Mediat serbe citojnë Daçiqin: Vritet i dyshuari për vrasjen e policit serb

Zëvendëskryeministri i Serbisë, njëherësh ministër i Punëve të Brendshme, Ivica Daçiq, ka thënë të premten se është vrarë personi që në orët e para të së enjtes vrau një polic në Serbi.

Identiteti i personit të vrarë nuk është përmendur në komunikatën e lëshuar nga autoritetet serbe në pasditen e 19 korrikut.

Daçiq më herët gjatë së premtes tha se autoritetet ishin në kërkim të Faton Hajrizit, i dyshuar për vrasjen e policit dhe plagosjen e një tjetri në Lloznicë, qytet në pjesën perëndimore të Serbisë.

Ministria e Brendshme e Serbisë po ashtu publikoi fotografinë e Hajrizit dhe u bëri thirrje qytetarëve për bashkëpunim.

Autoritetet kryen kontrollet në dy anët e lumit Drina, që gjendet në kufi me Serbisë dhe Bosnje-Hercegovinës, pasi dyshonin se personi që kreu vrasjen mund të ishte nisur në atë drejtim, raportoi Radio Televizioni i Serbisë (RTS) më 19 korrik.

Sipas ndihmësdrejtorit të policisë Dragan Vasileviq, helikopterët dhe dronët u përfshin në kërkim.
Sulmi ka ndodhur në orët e para të së enjtes kur policia e ka ndalur veturën në të cilën ka qenë i dyshuari, për një kontroll rutinor, raporton REL.

Continue Reading

Lajme

Stuhia e shkurtër në Shkup shkaktoi shumë dëme

Moti i ligë ka përfshirë pasditen e sotme Shkupin me reshje të shiut dhe erë të përforcuar. Në komunën e Aerodromit është ndërprerë rryma, derisa disa semaforë madje kanë qenë jofunksional.

Në disa pjesë të Shkupit disa rrugë janë përmbytur, ndërsa për shkak të degëve të pemëve që kanë rënë në rrugë, në disa vende ka pasur edhe ngecje të komunikacionit.

Siç kanë konfirmuar nga Elektrodistribuimi, dy linjat e largpërçuesit 110 kilovolt që furnizojnë nënstacionet “Aerodrom” dhe “Lindje” ka probleme rreth furnizimit, me çka një pjesë e Shkupit është pa rrymë.

Prej atje thonë se dëme serioze në rrjetin e shpërndarjes ka shkaktuar stuhia e sotme në Shkup dhe se ekipet e Elektrodistribuimit janë në terren për të normalizuar furnizimin me energji elektrike.

Pas stuhisë, konsumatorët janë pajisur me energji elektrike, por pas një kohe të shkurtër furnizimi me energji elektrike është ndërprerë për shkak të dëmtimit që ka pësuar rrjeti i shpërndarjes.

Continue Reading

Lajme

A mungojnë 500 milionë euro në buxhetin e shtetit?

Kemi nevojë për rritje ekonomike të natyrshme dhe aktivitet ekonomik të kompanive dhe jo rritje artificiale të pagave. Ka vende me borxhe publike më të mëdha se i yni, por kjo nuk reflektohet negativisht si në rastin tonë, potencon analisti ekonomik, Abil Baush, për ribalansin e paraqitur të buxhetit. Ai pret rimëkëmbjen ekonomike në tremujorin e fundit të vitit.

“Nga Qeveria e re kërkuam t’i ndalojë disa shpenzime të panevojshme, p.sh. ndërmarrjet publike janë çdoherë në borxhe, duhet bërë reformë ku ato do të kishin rezultate të mira dhe nga ndërmarrjet humbëse të kalojnë në ndërmarrje profitabile.”, – deklaroi analisti ekonomik, Abil Baush.

Llukarevska për buxhetin: Është gënjeshtër se mungojnë 500 milionë euro

LSDM-ja akuzoi se VMRO-DPMNE-ja po e çon shtetin drejt humbjeve financiare. Ata thonë se në kohën kur ishin në pushtet arritën ta ulnin deficitin buxhetor në 3.6% dhe borxhin publik në 55%, ndërsa tani deficiti është rritur në 4.9% dhe borxhi publik në 68%.

“Gënjeshtra e parë është se është shpenzuar shumë dhe mungojnë 500 milionë euro nga buxheti për çka do të ketë përgjegjësi. Ky është një tentim i pasuksesshëm që të frikohen qytetarët për gjendjen e keqe, siç thonë ata. Deri në momentin e zgjedhjeve, nëse shihni platformën financa të hapura për transparencë, që LSDM-ja e vendosi mund të shihni se për të gjitha shpenzimet janë paraparë mjete dhe nuk mungon asnjë denarë.”, – theksoi deputetja e LSDM-së, Sanja Llukarevska, përcjell PRESSonline.al

Analisti Baush thotë se buxheti nuk është në vdekje klinike, siç tha ministrja Koçoska, por në vdekje, sepse mungojnë 32 miliardë denarë dhe për gjysmë viti janë shpenzuar mjetet e planifikuara për fund të vitit 2024.

Me ribalansin, sipas tij janë rialokuar 350 milionë euro nga projektet që kanë pasur realizim të dobët.

Continue Reading

TË FUNDIT

Lajme6 hours ago

Mediat serbe citojnë Daçiqin: Vritet i dyshuari për vrasjen e policit serb

Zëvendëskryeministri i Serbisë, njëherësh ministër i Punëve të Brendshme, Ivica Daçiq, ka thënë të premten se është vrarë personi që...

Lajme8 hours ago

Stuhia e shkurtër në Shkup shkaktoi shumë dëme

Moti i ligë ka përfshirë pasditen e sotme Shkupin me reshje të shiut dhe erë të përforcuar. Në komunën e...

Lajme8 hours ago

A mungojnë 500 milionë euro në buxhetin e shtetit?

Kemi nevojë për rritje ekonomike të natyrshme dhe aktivitet ekonomik të kompanive dhe jo rritje artificiale të pagave. Ka vende...

Lajme8 hours ago

VLEN: BDI me patriotizëm të rrejshëm, por edhe me xhepat plot

BDI është bërë sinonim i krimit, korrupsionit dhe zhvatjes së bizneseve dhe qytetarëve, veçanërisht të shqiptarëve, thuhet në kumtesën e...

Lajme8 hours ago

Trump merr zyrtarisht nominimin e Republikanëve: Mund t’i ndal të gjitha luftërat me një telefonatë

Ish-presidenti amerikan, Donald Trump, e ka pranuar të enjten vonë – sipas orës lokale – nominimin e republikanëve për president...

Lajme8 hours ago

Aksident i rëndë në Serbi, humb jetën një grua nga Maqedonia e Veriut, familja po kthehej nga Sllovenia

Në një aksident të rëndë në autostradën mbi Predejan-Leskoc në Serbi, në hyrje të Grykës së Gërdelicës, ka ndodhur një...

Lajme1 day ago

Gjashtë punëtorë nga Nepali e lënë punën pa paralajmërim, pronarët nga Maqedonia ankohen në polici

Dukuria e shtetasve të Nepalit të punësohen në Maqedoninë e Veriut, duket se po bëhet gjithnjë dhe më prezente. Edhe...

Lajme1 day ago

A do të vazhdojë Fatmir Bytyqi të jetë pjesë e LSDM-së?

I ftuar në Daily Click në TV21 është Fatmir Bytyqi nga LSDM nga ku foli nëse do të mbetet pjesë...

Lajme1 day ago

Dimra pa borë, vera deri në 50 gradë, si do të jetë klima në Maqedoni në vitin 2080?

Temperaturat e larta dhe nxehtësia që ndjejmë si pasojë e ndryshimeve klimatike nuk do të ulen. Dimrat në Maqedoni dhe...

Lajme1 day ago

Vrasja e policit serb nga 33-vjeçari kosovar, reagon Aleksandër Vuçiq

Presidenti serb Aleksandër Vuçiq ka reaguar për ngjarjen e ndodhur në qytetin e Loznicës, ku sipas autoriteteve të Beogradit 33-vjeçari...

Trending